အမေရိကန်ပြည်ထောင်စု အတွင်းဝေဖန်မှုများ ရှိနေသော ဆေးခြောက်သုံးစွဲခွင့် ဥပဒေ

အမေရိကန်ပြည်ထောင်စု အတွင်းဝေဖန်မှုများ ရှိနေသော ဆေးခြောက်သုံးစွဲခွင့် ဥပဒေ

မကြာသေးမီးက အမေရိကန် ပြည်ထောင်စု၌ အချို့သော ပြည်နယ်တို့တွင် ဆေးခြောက် သုံးစွဲမှုကို တရားဝင် ခွင့်ပြုခဲ့သည်။ ဆေးခြောက်သည် ကိုယ်စိတ်နှလုံး ကြည်လင် လန်းဆန်းရေး အတွက် လွန်စွာမှပင် အာနိသင် ကောင်းမွန် ခြင်းကြောင့် လူထုက သုံးစွဲခြင်းကို ဆက်လက် ပိတ်ပင်ရန် မသင့်လျော်ဟု အမေရိကန် သတင်းမီဒီယာ အချို့ကလည်း ရေးသား ဖော်ပြ ခဲ့ကြသည်။

အမေရိကန် အစိုးရအဖွဲ့က ဆေးခြောက် တရားဝင် သုံးစွဲခွင့်ကို အခြား ပြည်နယ် များကိုပါ ခွင့်ပြုနိုင်ရန် ကြိုးပမ်း ဆောင်ရွက် နေသည်ကို တွေရသောလည်း စိတ်နှင့် ကျန်းမာရေး သုတေသီ များကမူ အစိုးရ နှင့် သတင်းမီဒီယာ တို့သည် ပြည်သူလူထုက ဆေးခြောက် အကြောင်း ပြည့်ပြည့်စုံစုံ သိရှိအောင် ပညာပေး လုပ်ငန်းများကို ရှေးဦးစွာ ဆောင်ရွက် သင့်ကြောင်း ထောက်ပြ ဝေဖန်လိုက်ပြီး ဆေးခြောက် သုံးစွဲမှုကြောင့် ကိုယ်စိတ် ကျန်းမာရေး တို့ကို ထိခိုက်နိုင်ပုံအား အကျယ်တ၀င့် ရေးသား ဖော်ပြ ခဲ့ကြသည်။

ဆေးခြောက် သုံးစွဲခြင်း သည် နှလုံး ကျန်းမာရေး ကို ဆိုးရွားစွာ ထိခိုက်စေနိုင်ပြီး ဆေးလိပ် သောက်ခြင်း ၊ ကိုကင်းသုံးစွဲခြင်း ပြီးလျှင် ဆေးခြောက် ရှူခြင်းကြောင့် နှလုံးလေဖြတ် နိုင်ခြေ အများဆုံး ဖြစ်သည်။ ဆေးခြောက် ပုံမှန်သုံးစွဲသူ များတွင် နှလုံး သွေးကြောပိတ်ခြင်း ကို ပုံမှန် တွေ့ရလေ့ ရှိပြီး နှလုံးလေဖြတ် သေဆုံးမှုနှုန်း တိုး၍ တိုး၍ လာနေသော်လည်း အမေရိကန် အစိုးရက ဆေးခြောက် သုံးစွဲမှုကို တရားဝင် ခွင့်ပြုလိုက် ခြင်းမှာ နိုင်ငံတကာ က ဝေဖန်ဆရာ ဖြစ်လာသည်။

အမေရိကန် ပြည်ထောင်စု ၏ မဟာမိတ် နိုင်ငံများ ပါဝင်သော ဥရောပသမဂ္ဂ ကလည်း ဆေးခြောက် အန္တရာယ်ကို အဆောတလျင် ထုတ်ပြန် ကြေညာခဲ့သည်။ နှလုံး သွေးကြောပိတ် ရောဂါ အန္တရာယ် ကို အဓိက ဖြစ်စေသော အကြောင်းရင်း များကို ဖော်ပြရာတွင် အ၀လွန်ခြင်း ၊ အထိုင်များခြင်း ၊ အသက်အရွယ် ကြီးရင့်ခြင်း ၊ သွေးတွင်း ကိုလက်စထရော ပမာဏ များနေခြင်း ၊ ဆေးလိပ် သောက်ခြင်း နှင့် ဆေးခြောက်ရှူခြင်း တို့ကို မီးမောင်းထိုး ဖော်ပြခဲ့သည်။

သို့လျှင် အမေရိကန် အစိုးရက အဘယ်ကြောင့် ဆေးခြောက်ရှူခြင်း ကို တရားဝင် ခွင့်ပြုခဲ့သနည်း ၊ ဆေးခြောက် သုံးစွဲခြင်းကို တရားဝင် ခွင့်ပြုသည့် ဥပဒေ ထုတ်ပြန်ရန် ဆွေးနွေး ခဲ့စဉ်က ကျန်းမာရေး ရှု့ထောင့်ကို ထည့်သွင်း ဆွေးနွေးခဲ့ခြင်း မရှိဟု ကျန်းမာရေး သုတေသီ များက ဆိုသည်။

လူအများစု ကလည်း ဆေးခြောက်သည် ကျန်းမာရေး နှင့် ညီညွတ်သော သဘာဝ ဆေးရွက်တစ်မျိုး ဖြစ်ကြောင်း ၊ ရောဂါ ဝေဒနာအချို့ ကို သက်သာ ပျောက်ကင်း စေနိုင်ကြောင်း ၊ နာကျင် ကိုက်ခဲခြင်း ၊ မူးဝေ အော့အန်ခြင်း တို့ကို လျှော့ချ ပေးနိုင်ပြီး အစားအသောက် စားချင်စိတ် ရှိလာလေ့ ရှိကြောင်း ကာကွယ် ပြောဆိုကြသည်။ သို့သော် ဆေးခြောက်သည် ကျန်းမာရေး အတွက် ရာနှုန်းပြည့် ကောင်းမွန်သည် ဟုကား မည်သူမျှ မပြောနိုင်ပေ။

ဆေးခြောက်သည် စိတ်ကို ပြောင်းလဲစေသော မူးယစ်ဆေးဝါး တစ်မျိုးသား ဖြစ်ပါသည်။ မူးယစ်ဆေးဝါး အချို့ကို ဆေးဝါး ဖော်စပ်ရာတွင် ထည့်သွင်း အသုံးပြုရလေ့ ရှိပါသည်။ အထူးသဖြင့် အကိုက်အခဲ ပျောက်ဆေး အပြင်းစား များတွင် မူးယစ်ဆေးဝါး ပါဝင်တတ်လေ့ ရှိသည့် အတွက် ဆရာဝန်၏ ညွှန်ကြားစာ ဖြင့်သာ ၀ယ်ယူခွင့် ရှိသည့် Oxycodone ကဲ့သို့ အကိုက်အခဲ ပျောက်ဆေးများ ရှိနေခြင်းပင်။

သို့သော် အချို့က မူးယစ်ဆေးဝါး ပါဝင်သည့် ဆေးများကို အလွန်အကျွံ မှီဝဲသုံးစွဲကာ မူးယစ်မှု၏ အရသာကို ခံစားကြ ပြန်သည်။ အချို့နိုင်ငံ များတွင် လွတ်လပ်စွာ ဆေးဝါး ရောင်းချ ၀ယ်ယူခွင့် ရှိနေသည့် အတွက် စိတ်ကို ပြောင်းလဲ စေသည့် အာနိသင် ရှိသော ဆေးဝါးများကို လိုသလောက် ၀ယ်ယူကာ မူးယစ်ဆေးဝါး အဖြစ် တလွဲ ဆံပင်ကောင်း အသုံးချ နေကြသည်ကိုလည်း တွေ့နေရသည်။

အမေရိကန် ပြည်ထောင်စု တစ်ခုတည်းတွင် Oxycodone ကို လိုအပ်သည်ထက် ပို၍ သုံးစွဲခြင်းကြောင့် ဆေးရုံ တက်ရောက် ကုသရသူမှာ နှစ်စဉ် လူတစ်သိန်းထက် မနည်းရှိသည်။ Oxycodone သည် ကင်ဆာ ၊ အဆစ်အမြစ် ရောင်နာ စသည်တို့ကြောင့် ပြင်းထန်သော နာကျင်မှု ဝေဒနာ ခံစားရ သူများအတွက် နတ်ပေးသော ဆေးသဖွယ် နာကျင်မှုကို သက်သာ ပျောက်ကင်း စေနိုင်သော်လည်း လိုအပ်သည်ထက် ပို၍ သုံးစွဲလျှင် အစာအိမ် သွေးကြော ပေါက်ခြင်း ၊ အာရုံကြော ပျက်စီးခြင်း တို့ကို ဆိုးရွားစွာ ဖြစ်စေနိုင်ပြီး အသက်ဆုံးရှုံး ရသူ ဦးရေမှာလည်း တစ်နှစ်ပြီး တစ်နှစ် ပို၍သာ တိုးလာသည်ကို တွေ့ရသည်။

အလားတူပင် ဆေးခြောက် ဆိုသည်မှာလည်း ဆေးဖြစ် ၀ါးဖြစ် အသုံးပြုတတ်လျှင် နာကျင်ကိုက်ခဲ မှုများကို ပြေပျောက် စေနိုင်သော်လည်း မူးယစ်မှု အရသာအဖြစ် သုံးစွဲလျှင် လူမှုရေး ၊ ကျန်းမာရေး ပြဿနာ များစွာ ဖြစ်နိုင်ပြီး ဆေးခြောက် သုံးစွဲမှုကြောင့် စိတ်ကစဥ့်ကလျား ဖြစ်ကာ ယာဉ်အန္တရာယ် ဖြစ်ခြင်း ၊ လူသတ်မှုများ ကျူးလွန်ခြင်း ၊ မိန်းကလေးများ ဘ၀ဆုံးခြင်း ၊ နှလုံးလေဖြတ် သေဆုံးခြင်း များကို အမြဲတစေ တွေ့နေရသည့် လောကကြီးဝယ် ဆေးခြောက် တရားဝင် သုံးစွဲခွင့် ပြုလိုက်သော အမေရိကန် ၏ ဥပဒေသစ်မှာ နိုင်ငံတိုင်း နီးပါးအတွက် ထူးဆန်နေပြီး မိမိနိုင်ငံတွင်လည်း အလားတူ အခွင့်အရေးမျိုး တောင်းဆို လာကြမည်ကို စိုးရွံ့ နေကြသည်။

စိတ်ပညာရှင် များက စိတ်ဓာတ် မခိုင်မာ သူများသည် မူးယစ်ဆေး တစ်မျိုးမျိုး ကို စွဲလမ်းတတ် ကြပြီး အချို့ကလည်း အရက်၏ ကျေးကျွန် ဖြစ်သွား တတ်ကြောင်း ၊ ပြဿနာ နှင့် အခက်အခဲ များကို ဖြေရှင်းရန် မကြိုးစားဘဲ မူးယစ် တွေဝေနေခြင်း ဖြင့် နာကျင်သည့် ခံစားမှုမှ ရှောင်ပြေးရန် ကြိုးပမ်း တတ်ကြကြောင်း ၊ ဆေးခြောက် သုံးစွဲသူများ၏ ၉၅ ရာခိုင်နှုန်းတွင် နှလုံး သွေးကြောပိတ် ရောဂါကို တွေ့ရပြီး ၄င်းတို့အနက် ၂၅ ဒသမ ၆ ရာခိုင်နှုန်းမှာ အချိန်မတိုင်မီ နှလုံးသွေးကြောပိတ်ကာ သေဆုံးရလေ့ ရှိကြောင်း ထောက်ပြ ပြောဆိုသည်။

" နှလုံး သွေးကြောပိတ် ရောဂါဟာ စဖြစ်ပြီ ဆိုတာနဲ့ မပျောက်ကင်း နိုင်တော့ ပါဘူး ၊ ပိုဆိုး မလာအောင် ထိန်းထား တာမျိုးကိုပဲ တတ်နိုင်တာပါ ၊ ဒါကြောင့် နှလုံးသွေးကြောပိတ် စေမယ့် နေထိုင် စားသောက်မှု မျိုးကို အစကတည်းက သတိထားပြီး ရှောင်နိုင်မယ် ဆိုရင် အကောင်းဆုံးပါ ၊ ဒီလို အခြေအနေ မျိုးမှာ ဆေးခြောက်ကို တရားဝင် သုံးစွဲခွင့် ဆိုတာ ပေါ်လာတော့ ကျွန်တော်တို့ရဲ့ နှလုံးရောဂါ ဝေဒနာရှင် ဦးရေ မှတ်တမ်းမှာ ကိန်းဂဏန်းတွေ ပိုလာတော့ မှာပါ .... " ဟု နှလုံး ပါရဂူ တစ်ဦးက ပြောပြသည်။

အရက် ၊ မူးယစ်ဆေးဝါး စသည်တို့ကို ကိုယ်စိတ်နှလုံး ထိခိုက်အောင် သုံးစွဲ သူများသည် မိမိ၏ ကိုယ်ပိုင် တန်ဖိုးကို လက်လွှတ် ဆုံးရှုံးခဲ့ရသူ များ ဖြစ်ကြောင်း ၊ ဘ၀ကို အရှုံးပေးကာ မူးယစ်မှု ၀ဲဂယက်ထဲ စုံးစုံးမြှုပ်အောင် ခုန်ဆင်းကြလေ့ ရှိပြီး " တစ်နေ့ သေမှာပဲ ၊ ဘာဆန်းလို့လဲ " ဟူသော စကားကို တွင်တွင်ပြော တတ်သူများ ဖြစ်ကြောင်း ၊ ဆေးခြောက်ကို တရားမ၀င် မူးယစ်ဆေးဝါး အဖြစ် ကန့်သတ် ထားခဲ့သည့် အချိန်တွင်ပင် 

ဆေးခြောက်ကြောင့် နှလုံးလေဖြတ် သေဆုံးသူဦးရေ ဤမျှ မြင့်မား နေရာဝယ် ယခုကဲ့သို့ ဆေးခြောက် သုံးစွဲမှုကို တရားဝင် ခွင့်ပြု လိုက်ခြင်းကြောင့် ပြန်ပြင်၍ မရနိုင်တော့သော ကျန်းမာရေး ထိခိုက်မှုကို လူအများ ခံစား ရတော့မည် ဖြစ်ပြီး အမျိုးသား ကျန်းမာရေး တစ်ရပ်လုံးကို အဆင်းဘီး တပ်ပေးသည့်နှယ် ဖြစ်လာနိုင်ကြောင်း ၊ ကမ္ဘာပေါ်တွင် မူးယစ်ဆေးဝါး သုံးစွဲမှု ဒုတိယ အများဆုံး ဖြစ်သည့် ပြင်သစ်နိုင်ငံ မှ ကျန်းမာရေး သုတေသီများ ကလည်း ဝေဖန် ပြောဆို လိုက်သည်။

အမေရိကန် ပြည်ထောင်စု သည်ကား မလှပသော အနာဂတ်ကို မိမိကိုယ်တိုင် ဥပဒေပြု ဖန်တီးလိုက်ပြီ ဖြစ်သည်။ အသက် ၂၈ နှစ်အောက် လူငယ်များ အနက် ၂၈ ဒသမ ၃ ရာခိုင်နှုန်းမှာ ဆေးခြောက် သုံးစွဲသူများ ဖြစ်ခဲ့ရာ ယခုအခါ အဆပေါင်းများစွာ တိုးလာရန်သာ ရှိတော့သည်။ နိုင်ငံတွင်း ခေတ်စားသော အမြန်ရ အစားအစာ ၏ ကျေးဇူးကြောင့် ၁၂ နှစ်အောက် ကလေးများ အ၀လွန်မှု အများဆုံး နိုင်ငံမှာလည်း အမေရိကန် ပင် ဖြစ်သည်။ အမေရိကန် မျိုးဆက်သစ် လူငယ်များသည် အ၀လွန်ပြီး ဆေးခြောက် မူးဝေနေသော နှလုံးရောဂါကြောင့် ချည့်နဲ့ နေကြကာ အရွယ်ငယ်ငယ် နှင့် သေဆုံးမည့် နိမိတ် လက္ခဏာကို ယခုပင် မြင်တွေ့ နေရပြီ ဖြစ်သည်။

သဘာဝ ဖြစ်စေ ၊ လူလုပ် ဖြစ်စေ ၊ မူးယစ်ဆေးဝါး သည် ကောင်းကျိုး မပေးနိုင်ပါ။ စိတ်ဓာတ် ပျော့ညံ့သူများ အတွက် အရှက်ဖြေရန် အကြောင်းပြချက် တစ်ခုသာလျှင် ဖြစ်ပါသည်။ မည်သည့် အကြောင်းကြောင့် ဖြစ်စေ မူးယစ်ဆေးဝါး သုံးစွဲသူ ဖြစ်မသွားရန် ကိုယ့်ကိုယ်ကိုယ် အားတင်းထိန်း ထားရင်း မူးယစ်ဆေးဝါး သုံးစွဲကာ ဘ၀ဆုံး နေသော လူငယ်များကိုလည်း ၀ိုင်းဝန်း ကူညီရင်း ကျန်းမာသော နိုင်ငံတော်ကြီး တည်ဆောက် နိုင်ရန် လေ့လာ ရေးသား တင်ပြအပ် ပါသည်။ (TMK)

#Yadanarpondaily