ကမ္ဘာလှည့် ခရီးသွား လုပ်ငန်း ဖွံ့ဖြိုးရေး ပူးပေါင်းဆောင်ရွက်

ကမ္ဘာလှည့် ခရီးသွား လုပ်ငန်း ဖွံ့ဖြိုးရေး ပူးပေါင်းဆောင်ရွက်

ယခုနှစ် ၂ဝ၁၄ ခုနှစ် ပွင့်လင်း ရာသီတွင် မြန်မာ နိုင်ငံသို့ ကမ္ဘာလှည့် ခရီးသွားများ ယခင်နှစ်ကထက် ပိုမို လာရောက်လျက် ရှိသည်။ ဟိုတယ်နှင့် ခရီး သွားလာရေး လုပ်ငန်း ဝန်ကြီးဌာန သည် ခရီးသွား လုပ်ငန်း ဖွံ့ဖြိုး တိုးတက် စေရေးအတွက် ကြော်ငြာနှင့် သတင်း အချက်အလက် များ ထုတ်ပြန် ပေးနိုင်ရန် Website နှင့် e-Mail များဖြင့် လွှင့်တင် ဆောင်ရွက် ထားသည်။

ထို့အပြင် ရန်ကုန်၊ မန္တလေး နှင့် နေပြည်တော် ရှိ အပြည်ပြည် ဆိုင်ရာ လေဆိပ်များ နှင့် နယ်စပ် ဝင်ပေါက်များ အပါအဝင် ထင်ရှားသော ခရီးစဉ် နေရာများတွင် သတင်းနှင့် ပြန်ကြားရေး ကောင်တာများ ဖွင့်လှစ်ထားပြီး ပြည်တွင်း ပြည်ပ ခရီးသွား ဧည့်သည် များ၏ လိုအပ်ချက်များ၊ သွားလာရေး၊ တည်းခို နေထိုင်ရေး တို့တွင် အခက်အခဲ မရှိစေရန် ကူညီ ဆောင်ရွက် ပေးလျက် ရှိသည်။ နှစ်စဉ် တိုးတက် ဝင်ရောက် လာမည့် နိုင်ငံခြား ဧည့်သည် များအတွက် ဟိုတယ်အခန်း လုံလောက်မှု ရှိစေရန် ပြည်တွင်း ပြည်ပ ရင်းနှီး မြှုပ်နှံမှု များဖြင့် ဟိုတယ်များ တိုးချဲ့ တည်ဆောက်ရေး ကူညီ ဆောင်ရွက် ပေးခြင်း၊ လုပ်ငန်း လိုင်စင်များ အဆင်ပြေစွာ ထုတ်ပေးခြင်း၊ ကန့်သတ် ခရီးစဉ်များ အတွက် ဖြေလျှော့မှုများ ဆောင်ရွက် ပေးနိုင်ရန် တင်ပြ ပေးခြင်း၊ ပြည်နယ်နှင့် တိုင်းဒေသကြီး များတွင် သွားလာ လည်ပတ် နိုင်သော ခရီးစဉ် ဒေသအသစ် များ ဖော်ထုတ်ခြင်းတို့ကို ဆောင်ရွက် ပေးလျက် ရှိသည်။

ဟိုတယ်နှင့် ခရီး သွားလာရေး လုပ်ငန်း ဝန်ကြီးဌာန ၏ ဦးဆောင်မှုဖြင့် ဖွဲ့စည်း ထားသော မြန်မာနိုင်ငံ ခရီးသွား လုပ်ငန်း အဖွဲ့ချုပ်မှ ဟိုတယ်နှင့် ခရီး သွားလာရေး လုပ်ငန်းဆိုင်ရာ အသင်းအဖွဲ့ ၁၁ ခု နှင့် နိုင်ငံခြား ရင်းနှီး မြှုပ်နှံမှု ဟိုတယ်များ အဖွဲ့တို့သည် ဈေးကွက် ဒေသများတွင် ပြုလုပ်သော ခရီးသွား ပြပွဲများ၊ ကွန်ဖရင့်များ နှင့် အစည်းအဝေး များသို့ မကြာခဏ တက်ရောက်၍ မြန်မာ့ ခရီးသွား လုပ်ငန်း ဖွံ့ဖြိုးရေး မြှင့်တင် ကြော်ငြာပေး ကြသည်။ တင်းကျပ် နေသည့် စည်းကမ်း များအား နိုင်ငံတော် အစိုးရက လျှော့ပေါ့ ပေးခြင်းနှင့် ဗီဇာစနစ် ပုံစံ ပြောင်းလဲ ပေးခြင်း တို့ကြောင့် ကမ္ဘာလှည့် ခရီးသွား ဝင်ရောက်မှု တိုးတက် များပြား လာခဲ့ရာ ၂ဝ၁၄ ခုနှစ်တွင် ကမ္ဘာလှည့် ခရီးသွား သုံးသန်းခန့် အထိ ဝင်ရောက် လာနိုင်ရန် မျှော်မှန်း ထားသည်။

ဟိုတယ်နှင့် ခရီး သွားလာရေး လုပ်ငန်းသည် ဝန်ဆောင်မှု လုပ်ငန်း ဖြစ်သည်နှင့် အညီ လူ့စွမ်းအား အရင်းအမြစ် ဖွံ့ဖြိုး တိုးတက်ရေး အတွက် ခရီးစဉ် ဒေသများတွင် ဟိုတယ်နှင့် ခရီးသွား လုပ်ငန်းဆိုင်ရာ သင်တန်းများ ဖွင့် လှစ်ပို့ချ ပေးနေ သကဲ့သို့ ပြည်ပ အကူအညီဖြင့် ရရှိသည့် သင်တန်းများသို့ မျိုးဆက်သစ် လူငယ်များအား စေလွှတ် ပေးလျက် ရှိသည်။ ၂ဝ၁၅ ခုနှစ်တွင် အာဆီယံ စီးပွားရေး အသိုက်အဝန်း ( AEC ) ထူထောင် ကြမည် ဖြစ်ရာ အာဆီယံ အဖွဲ့ဝင် နိုင်ငံ အချင်းချင်း အကောက်ခွန်လွတ် ကုန်သွယ်ရေး၊ ဝန်ဆောင်မှု ကောင်းမွန်ရေး၊ ရင်းနှီး မြှုပ်နှံမှု နှင့် ကျွမ်းကျင် လုပ်သား တို့သည် အဓိက အခန်းကဏ္ဍ မှ ပါဝင် လာမည် ဖြစ်သည်။

ကမ္ဘာလှည့် ခရီးသွား ဝင်ရောက်မှု တိုးတက် များပြား လာသည်နှင့် အမျှ အခြေခံ အဆောက်အအုံ ပြည့်စုံမှု၊ အထောက် အကူပြု လုပ်ငန်းများ အဆင်ပြေ ချောမွေ့မှု နှင့် ဝန်ဆောင်မှု အရည်အသွေး ကောင်းမွန်မှု တို့ တစ်ပြေးညီ တိုးတက်ရန် လိုအပ်သည်။ ကမ္ဘာလှည့် ခရီးသွား လုပ်ငန်းသည် နိုင်ငံတော် အစိုးရ၊ ပုဂ္ဂလိကနှင့် ဒေသခံ ပြည်သူတို့ အပေါ် ကောင်းကျိုး သက်ရောက်မှု ရှိသကဲ့သို့ ဆိုးကျိုး သက်ရောက်မှု များလည်း ဖြစ်ပေါ် တတ်ခြင်းကြောင့် ဟိုတယ်နှင့် ခရီး သွားလာရေး လုပ်ငန်း ဝန်ကြီးဌာန က တိုင်းဒေသကြီး များနှင့် ပြည်နယ်များ သို့ ပညာပေး လက်ကမ်း စာစောင်များ ဖြန့်ဝေ ပေးထားပြီး ဖြစ်သည်။

ကမ္ဘာလှည့် ခရီးသွား လုပ်ငန်း ဖွံ့ဖြိုးရေးသည် နိုင်ငံတော် အစိုးရကသာ ဆောင်ရွက် နိုင်သည့် လုပ်ငန်း မဟုတ် သဖြင့် ပုဂ္ဂလိက အဖွဲ့အစည်းများ၊ တစ်ဦးချင်း လုပ်ငန်းရှင် များနှင့် ပြည်သူများ ကပါ တက်ကြွစွာ ပါဝင်ပူးပေါင်း လုပ်ကိုင် ဆောင်ရွက် ကြရမည့် လုပ်ငန်း ဖြစ်ပေသည်။ ။ 

( ၂၇-၂-၂၀၁၄ ရက် မြ၀တီနေ့စဉ်သတင်းစာ အယ်ဒီတာ့အာဘော် )