www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, November 28, 2013

တရုတ်လေကြောင်း ကာကွယ်ရေး ဇုန်အတွင်းသို့ အခွင့်မရှိ ၀င်ရောက် လာသည့် လေယာဉ်များအား ပစ်ချပိုင်ခွင့်ရှိဟု တရုတ် အဆင့်မြင့် အရာရှိကြီး တစ်ဦးပြောကြား


တရုတ်နိုင်ငံ က ကြေညာ ထားသည့် လေကြောင်း ကာကွယ်ရေးး ဇုန်သစ် 

ပေကျင်း ၊ ၂၈-၁၁-၂၀၁၃

တရုတ်နိုင်ငံ က ကြေညာ ထားသည့် လေကြောင်း ကာကွယ်ရေးး ဇုန်သစ် အတွင်းသို့ အခွင့်မရှိ ၀င်ရောက် လာသည့် လေယာဉ် များအား ပစ်ချပိုင်ခွင့် ရှိကြောင်း တရုတ် စစ်တပ်မှ အရာရှိကြီး တစ်ဦးက ပြောကြား ခဲ့သည်ဟု မီဒီယာ များက နိုဝင်ဘာ ၂၇ ရက်တွင် ပြောကြား ခဲ့ကြောင်း သိရသည်။

အဆိုပါ အရာရှိကြီး ၏ ပြောကြားချက် သည် တရုတ်နိုင်ငံ က ယခု သီတင်းပတ် အကုန်တွင် ချမှတ် ကြေညာ ခဲ့သည့် ၄င်းတို့၏ လေကြောင်း ကာကွယ်ရေး ပိုင်နက် အတွင်းသို့ အမေရိကန် ဗုံးကြဲ လေယာဉ် နှစ်စင်း ၀င်ရောက်လာပြီး နောက် ထွက်ပေါ် လာခဲ့ခြင်း ဖြစ်ပြီး တရုတ် လေကြောင်း ပိုင်နက်အတွင်း သို့ အကြောင်းကြား ခြင်းမရှိဘဲ ၀င်ရောက် လာသည့် လေယာဉ်များ သည် ကျူးကျော် ရန်လိုသည့် သဘော သက်ရောက် ကြောင်း တရုတ် လေတပ်မှ ဗိုလ်မှူးချုပ် တစ်ဦး ဖြစ်သူ ချောင်လျန် က ပြောကြား ခဲ့သည်။

အဆိုပါ လေကြောင်း ကာကွယ်ရေးဇုန် တွင် နိုင်ငံများ အကြား ဆက်သွယ် နိုင်သည့် စနစ်များကို တည်ဆောက် ထားပြီး တရုတ် လေကြောင်း ပိုင်နက် အတွင်းသို့ အခွင့်မရှိ ၀င်ရောက် လာသည့် လေယာဉ်များအား တရုတ် လေယာဉ်မှူး များက ပစ်ချ ပိုင်ခွင့်ရှိကြောင်း ဗိုလ်မှူးချုပ် ချောင်လျန် က တွေ့ဆုံ ဆွေးနွေးခန်း တစ်ခုတွင် ပြောကြား ထားသည်။ 

တရုတ်နိုင်ငံ ၏ လေကြောင်း ကာကွယ်ရေးဇုန် ကြေညာချက် နှင့် စပ်လျဉ်း၍ ဂျပန်နှင့် အမေရိကန် အစိုးရ အဖွဲ့များက ဝေဖန်ထားပြိး ယင်း လေကြောင်း ကာကွယ်ရေး ဇုန်တွင် အိမ်နီးချင်း များက ၄င်းတို့ပိုင် နယ်နိမိတ် အဖြစ် သတ်မှတ် ထားသည့် ပိုင်နက်များ ပါဝင်ကြောင်း ပြောကြား ခဲ့သည်ဟု သိရှိရသည်။


No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page