ပညာအရည်အသွေး နှင့် စီမံခန့်ခွဲမှု ကဏ္ဍ ဆင့်ပွား ရက်တို သင်တန်းဖွင့်လှစ်

ကျိုင်းတုံ ၊ ၂၃-၁ဝ-၂ဝ၁၃

ရှမ်းပြည်နယ် (အရှေ့ပိုင်း) ကျိုင်းတုံမြို့ ၊ အမှတ်(၂) အခြေခံပညာ အထက်တန်း ကျောင်း ၊ သံလွင် ခန်းမဆောင် ၌ ယမန်နေ့ နံနက် ၉ နာရီက ပညာရေး ဝန်ကြီးဌာန နှင့် ယူနီဆက်တို့ ပူးပေါင်း ဆောင်ရွက်သည့် အခြေခံပညာ နှင့် ကျား/မ ခွင့်တူ ညီမျှရေး အစီအစဉ် အရ ပြုလုပ်သော အခြေခံပညာ ဆရာ/ဆရာမ များ ပညာ အရည်အသွေး နှင့် စီမံခန့်ခွဲမှု ကဏ္ဍ ဆင့်ပွား ရက်တိုသင်တန်း ဖွင့်ပွဲ အခမ်းအနား ကျင်းပ ခဲ့ကြောင်း သိရသည်။

အခမ်းအနားသို့ တွဲဖက် ပြည်နယ် ပညာရေးမှူးရုံး (ခွဲ)မှ ဒုတိယ ညွှန်ကြားရေးမှူး ဦးခွန်စိန်မြင့် ၊ ခရိုင် ပညာရေးမှူး ဦးခင်ကျော်ဝင်း ၊ မြို့နယ် ပညာရေးမှူး ဒေါ်ဟန်စိန် နှင့် ကျောင်းအုပ်ဆရာ ဆရာမကြီးများ ၊ သင်တန်းသား ဆရာ/ဆရာမ များ စုစုပေါင်း ၃ဝဝ ဦးခန့် တက်ရောက် ခဲ့သည်။

ရှေးဦးစွာ တွဲဖက် ပြည်နယ် ပညာရေးမှူးရုံး (ခွဲ)မှ ဒုတိယ ညွှန်ကြားရေးမှူး က အဖွင့် အမှာစကား ပြောကြား သည်။ ထို့နောက် ခရိုင် ပညာရေးမှူးက သင်တန်း ဖွင့်လှစ်ရခြင်း နှင့် ပတ်သက်၍ ရှင်းလင်း ပြောကြားပြီး နောက်  မြို့နယ် ပညာရေးမှူး က သင်တန်း စည်းကမ်းများအား ရှင်းလင်း ပြောကြား ခဲ့သည်။

အဆိုပါ သင်တန်းသည် သင်ယူမှု ဖြစ်ထွန်းစေသော ပတ်ဝန်းကျင် နှင့် ထိရောက်သော သင်ကြား သင်ယူမှု အလေ့အထများ ဖြစ်ထွန်းစေရေး အတွက် ဆရာ/ဆရာမ များ၏ စွမ်းဆောင်ရည် ကို မြှင့်တင် ပေးရန် ကျောင်းအခြေပြု နှင့် ကျောင်းအုပ်စု အခြေပြု ဆရာ အတတ်ပညာ တိုးတက်ရေး ကို လမ်းညွှန် ကူညီရန် ရည်ရွယ်၍ ဖွင့်လှစ်ခဲ့ခြင်း ဖြစ်ပြီး သင်တန်းအား အောက်တိုဘာ ၂၁ ရက်မှ ၂၇ ရက်နေ့အထိ ဖွင့်လှစ် သွားမည် ဖြစ်ကြောင်း သိရှိရသည်။