တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တနိုင်းတပ်နယ်ရှိ အရာရှိ၊ စစ်သည်၊ မိသားစုများအားတွေ့ဆုံအမှာစကားပြောကြား

-

နေပြည်တော်၊ ဖေဖော်ဝါရီ - ၃ 

-

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် ယနေ့ နေ့လယ်ပိုင်းတွင် မြောက်ပိုင်းတိုင်းစစ်ဌာနချုပ် တနိုင်းတပ်နယ်ရှိ အရာရှိ၊ စစ်သည်၊ မိသားစုများအား တပ်နယ်ခန်းမ၌ တွေ့ဆုံအမှာစကားပြောကြားသည်။

-

-

အဆိုပါတွေ့ဆုံပွဲသို့ တပ်မတော်ကာကွယ်ရေးဦးစီးချုပ်၏ဇနီး ဒေါ်ကြူကြူလှ၊ နယ်စပ်ရေးရာ ၀န်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီးတင်အောင်စန်း၊ ကာကွယ်ရေးဦးစီးချုပ်(လေ) ဗိုလ်ချုပ်ကြီး မောင်မောင်ကျော်၊ ကာကွယ်ရေး ဦးစီးချုပ်ရုံး(ကြည်း)မှ တပ်မတော် အရာရှိကြီးများ၊ မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် တေဇကျော်နှင့်တပ်နယ်မှ အရာရှိ၊ စစ်သည်၊ မိသားစုများတက်ရောက်ကြသည်။

-

-

ထိုသို့ တွေ့ဆုံအမှာစကားပြောကြားရာ၌ တပ်မတော်အနေဖြင့် လွတ်လပ်ရေးရရှိပြီးအချိန်မှစ၍ ခေတ်အဆက်ဆက် နိုင်ငံတော်တည်ငြိမ်အေးချမ်းရေး၊ တရားဥပဒေစိုးမိုးရေး၊ ဖွံ့ဖြိုးတိုးတက်ရေးနှင့်ကာကွယ်ရေးဆိုင်ရာကဏ္ဍများအား ဆောင်ရွက်ပေးခဲ့ကြောင်း၊ တပ်မတော်အနေဖြင့် နိုင်ငံတော်တာဝန်များကို ထမ်းဆောင်ချိန်တွင် ပြည်ပနိုင်ငံများမှ ပိတ်ဆို့မှုအမျိုးမျိုးရှိခဲ့သဖြင့် အခက်အခဲများရင်ဆိုင်ကြုံတွေ့ခဲ့ရကြောင်း၊ ၂၀၀၈ ခုနှစ် ဖွဲ့စည်းပုံအခြေခံဥပဒေအား ရေးဆွဲပြဋ္ဌာန်းပြီး ပြည်သူများမှ လိုလားသည့် ပါတီစုံဒီမိုကရေစီလမ်းကြောင်းပေါ်သို့ ရောက်ရှိအောင် တည်ဆောက်ပေးခဲ့ကာ ၂၀၁၁ ခုနှစ်တွင်ရွေးကောက်ခံအစိုးရထံသို့ လွှဲပြောင်းပေးခဲ့ကြောင်း၊ တပ်မတော်သည် နိုင်ငံတော်အား လုံခြုံရေးအရတည်ငြိမ်အေးချမ်းရေး၊ နိုင်ငံရေးအရ တည်ငြိမ်အေးချမ်းရေး နှင့် ဖွံ့ဖြိုးတိုးတက်ရေး ကိစ္စများတွင်ပါဝင်ပူးပေါင်းဆောင်ရွက်ပေးလျက်ရှိပြီး ဒီမိုကရေစီလမ်းကြောင်းပေါ်တွင် စနစ်တကျဖြစ်စေရန်အတွက် လည်းဝိုင်းဝန်းကူညီဆောင်ရွက်ရမည်ဖြစ်ကြောင်း၊ ဒေသခံပြည်သူများ သဘာဝ ဘေးအန္တရာယ်များကျရောက်ပါက တပ်မတော်သားများအနေဖြင့် အထက်အမိန့်အား စောင့်ရန် မလိုဘဲ အချိန်မရွေးကူညီဆောင်ရွက်ပေးရမည်ဖြစ်ကြောင်း၊ တပ်မတော်သည် နိုင်ငံတော်၏ ကာကွယ်ရေးကဏ္ဍအတွက်အရေးပါသည့်အဖွဲ့အစည်းတစ်ခုဖြစ်သဖြင့် တပ်မတော်သားများ အနေဖြင့် စည်းကမ်းလိုက်နာမှု၊ အမိန့်နာခံတတ်မှု၊ အထက်အောက် အပြန်အလှန်ရိုသေ လေးစားမှုများနှင့် စစ်သားကောင်းစိတ်မွေးမြူပြီးအားလုံးစည်းစည်းလုံးလုံးဖြင့်နေထိုင်ကြရန်လိုကြောင်း၊ တည်မြဲအမိန့်နှင့် တိုက်တွန်းချက်တားမြစ်ချက်များ အားလိုက်နာဆောင်ရွက်ပြီး မိမိတို့ ကျင့်သုံးရမည့် ကျင့်ဝတ်ခြောက်ဆယ်ပါ အချက်များအတိုင်း လိုက်နာဆောင်ရွက်ရန်လိုကြောင်း၊ ထိုသို့လိုက်နာဆောင်ရွက်ခြင်းဖြင့် တပ်တွင်းစည်းလုံးညီညွတ်မှုကို ပိုမိုခိုင်မာစေမည်ဖြစ်ကြောင်း၊ ထို့ပြင် စစ်ရေးစွမ်းရည်ကောင်းမွန်စေရန်အတွက် သက်ဆိုင်ရာတပ်၊ ဌာနချုပ်များအလိုက် အမြဲမပြတ်လေ့ကျင့်နေရမည်ဖြစ်ကြောင်း၊ မိမိဆောင်ရွက်ရမည့် နေ့စဉ်လုပ်ငန်းတာဝန်များကို မှန်မှန်ကန်ကန်နှင့် ကျေပွန်စွာထမ်းဆောင်ကြရန်လိုကြောင်း၊ တပ်မတော်၏စွမ်းရည် မြှင့်တင်ရေးအတွက် တပ်မတော်သားအားလုံး၏ပညာရည်မြှင့်တင်ရေးကိုဆောင်ရွက်ပေးလျက်ရှိသကဲ့သို့တပ်မတော်သားမိသားစုဝင် ရဲမေများ၊ သား၊ သမီးများ၏ ပညာရည် မြင့်မားရေးကိုလည်း တတ်နိုင်သည့်ဘက်မှဖြည့်ဆည်း ဆောင်ရွက်ပေးလျက်ရှိကြောင်း၊ ထို့အတူ အသိပညာဗဟုသုတများ ရရှိစေရန်အတွက် လည်း သုတ၊ ရသ စာအုပ်စာစောင် များကို အမြဲမပြတ်ဖတ်ရှုလေ့လာ နေရန်လိုကြောင်း၊ တပ်မတော်သားများနှင့် မိသာစုဝင်များ၏ စားရေး၊ ၀တ်ရေးနှင့်နေထိုင်ရေးတို့ အတွက် တတ်နိုင်သမျှကောင်းမွန်အောင် ဆောင်ရွက်ပေးလျက်ရှိသကဲ့သို့ အသား၊ ငါး၊ ဟင်းသီးဟင်းရွက်၊ ကြက်ဥစသည့်စားသောက်ကုန်များကိုလည်း သက်သာချောင်ချိသော ဈေးနှုန်း များဖြင့် အာဟာရ ပြည့်ဝစွာ စားသုံးနိုင်ရေးအတွက် တပ်ပိုင်စိုက်ပျိုးမွေးမြူရေးလုပ်ငန်းများ ဆောင်ရွက်စေပြီး ရောင်းချပေးလျက်ရှိကြောင်း၊ မိမိတို့၏ကျန်းမာရေးကို ထိခိုက်စေပြီး ငွေကုန်ကြေးကျများသည့် အရက်၊ ဆေးလိပ်၊ ကွမ်းစားသုံးမှုများနှင့် မူးယစ်ဆေးဝါးသုံးစွဲမှုများကို ရှောင်ကြဉ်ရန်လိုပြီး ကျန်းမာကြံ့ခိုင်မှုရှိစေရေးအမြဲမပြတ် လေ့ကျင့် ဆောင်ရွက်နေရမည် ဖြစ်ကြောင်း၊ သို့မှသာတပ်မတော်၏ နိုင်ငံတော်ကာကွယ်ရေးစွမ်းပကားကို မြှင့်တင်ပေးနိုင်မည်ဖြစ်ကြောင်း မှာကြားသည်။
-

-

ထို့နောက် တပ်မတော်ကာကွယ်ရေးဦးစီးချုပ်က အရာရှိ၊ စစ်သည်မိသားစုများအတွက် စားသောက်ဖွယ်ရာများကိုလည်းကောင်း၊ တပ်မတော်ကာကွယ်ရေးဦးစီးချုပ်၏ ဇနီးက တပ်နယ် မိခင်နှင့်ကလေးအသင်းအတွက် ချီးမြှင့်ငွေများကိုလည်းကောင်း အသီးသီး ပေးအပ်ကြရာ ဒေသစစ်ဆင်ရေး ကွပ်ကဲရေးမှူးနှင့် ဇနီးတို့ကလက်ခံရယူကြသည်။

-

-

ယင်းနောက် ကာကွယ်ရေးဦးစီးချုပ်(ရေ)၊ ကာကွယ်ရေးဦးစီးချုပ်(လေ)နှင့် စစ်ထောက်ချုပ်တို့က သုတ၊ ရသ၊ စာအုပ်စာစောင်များ၊ အားကစား ပစ္စည်းများနှင့် စားသောက်ဖွယ်ရာများပေးအပ်ရာ တပ်နယ်မှူးနှင့်တာဝန်ရှိသူများက လက်ခံရယူကြသည်။ တွေ့ဆုံပွဲအပြီးတွင် တပ်မတော် ကာကွယ်ရေးဦးစီးချုပ်နှင့်ဇနီး၊ အဖွဲ့ဝင်များသည် အရာရှိ၊ စစ်သည်၊ မိသားစုများအား ရင်းရင်းနှီးနှီးလိုက်လံနှုတ်ဆက်ကြသည်။

-

-

၎င်းနောက် တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် နယ်မြေခံ တပ်မတော်ဆေးရုံသို့ ရောက်ရှိကြပြီး ဆေးရုံတက်ရောက်ကုသမှု ခံယူလျက်ရှိသည့် စစ်သည်များအား တစ်ဦးချင်း ရင်းရင်းနှီးနှီးလိုက်လံနှုတ်ဆက်အားပေးစကားပြောကြားပြီး စားသောက်ဖွယ်ရာများပေးအပ်သည်။ ထို့အတူတပ်မတော်ကာကွယ်ရေးဦးစီးချုပ်၏ ဇနီးသည်လည်း အမျိုးသမီးကုသဆောင်တွင် တက်ရောက်ကုသမှုခံယူလျက်ရှိသည့် တပ်မတော်သားမိသားစုဝင်များအား ရင်းရင်းနှီးနှီးအားပေး စကားပြောကြားပြီး စားသောက်ဖွယ်ရာများပေးအပ်ခဲ့ကြောင်း သတင်းရရှိသည်။

-

#မြ၀တီနေ့စဉ်သတင်းစာ