တပ်မတော်ပင်လယ်သွားဆေးရုံ ရေယာဉ်(သံလွင်)မှ တပ်မတော်အထူးကု ဆေးအဖွဲ့စခန်းသစ်မြို့ အတွင်းရှိ ဒေသခံ ပြည်သူ များအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်

-

နေပြည်တော်  ဖေဖော်ဝါရီ  ၁၃

-

တနင်္သာရီတိုင်း ဒေသကြီးအတွင်းသို့  တပ်မတော် ပင်လယ်သွား ဆေးရုံရေယာဉ် (သံလွင်)ဖြင့် ရောက်ရှိနေသော တပ်မတော်နယ်လှည့်အထူးကုဆေးအဖွဲ့သည်ယနေ့တွင် စခန်းသစ်မြို့ရှိ တိုက်နယ်ဆေးရုံ၌ ဒေသခံ ပြည်သူ ၉၇၃ ဦးအား ကျန်းမာရေးစောင့်ရှောက် မှုလုပ်ငန်းများ ဆောင်ရွက်ပေးခဲ့သည်။

-

-

ထိုသို့ဆောင်ရွက်ပေးရာတွင် ဆေးကုသမှုဆိုင်ရာရောဂါ ၂၄၂ ဦး၊ ခွဲစိတ်ရောဂါ၁ဝ၈ ဦး၊ သားဖွား/မီးယပ်ရောဂါ ၉ဝ ဦး၊ ကလေးရောဂါ ၈၆ ဦး၊ အရိုးရောဂါ ၉၈ ဦး၊ နား/ နှာခေါင်း/ လည်ချောင်းရောဂါ ၈၅ ဦး၊မျက်စိရောဂါ ၁၇၂ ဦးနှင့် သွားရောဂါ ၉၂ ဦး တို့ကို လိုအပ်သည့်ဆေးဝါး ကုသမှုများ ဆောင်ရွက်ပေးနိုင်ခဲ့ သည်။

-

ထို့ပြင် ဓာတ်မှန်ရိုက်လူနာ ၂၇ ဦး၊ တယ်လီဗေးရှင်းဓာတ်မှန်ရိုက်လူနာ ၂၈ ဦး၊ECG နှလုံးစမ်းသပ်လူနာ ၃၈ ဦး၊ ဓာတ်ခွဲ စမ်းသပ် လူနာ ၃၉ ဦးနှင့် ကွန်ပျူတာဓာတ်မှန်ရိုက် လူနာနှစ်ဦးတို့ကို ရောဂါရှာဖွေစမ်းသပ်ခြင်းများ ဆောင်ရွက်ပေးပြီး ဆေးရုံတက်ရောက်ကုသရန် လိုအပ်သူ  ၁၆  ဦးအား ဆေးရုံရေယာဉ်ပေါ်၌ တက်ရောက်ကုသနိုင်ရေး စီစဉ်ဆောင်ရွက် ပေးခဲ့ကြောင်း သတင်းရရှိသည်။

-

#မြ၀တီနေ့စဉ်သတင်းစာ