နှစ်သစ်ကူး ရုံးပိတ်ရက် အနယ်နယ်အရပ်ရပ်ရှိ အထင်ကရနေရာများ၌ စည်ကားများပြား

-

မကွေး 

နှစ်သစ်ကူး ရုံးပိတ်ရက်တွင် မကွေးတိုင်းဒေသကြီး မင်းဘူးမြို့နယ်အတွင်းရှိ သမိုင်းဝင် မန်းရွှေ စက်တော်ရာဘုရား၊ စက္ကိန်းတဲ စေတီတော်နှင့် နဂါးပွက်တောင်တို့၌ အနယ်နယ်အရပ်ရပ်မှ ဘုရားဖူးပြည်သူများ လာရောက်လည်ပတ်ခြင်းဖြင့် အထူးစည်ကား လျက်ရှိကြောင်း သိရ သည်။ '' မင်းဘူးမြို့ရဲ့ အထင်ကရနေရာတစ်ခုဖြစ်တဲ့ စက္ကိန်းတဲဘုရားကို အခုနှစ်သစ်ကူး ရုံးပိတ်ရက် အတွင်း တစ်နေ့ပျမ်းမျှ လူဦးရေ ၃ဝဝ ခန့် လာရောက်ဖူးမြော်ကြပြီး ညအိပ်အနေနဲ့ လူဦးရေ ၅ဝ ခန့်လာရောက်ကြပါတယ်။ ညအိပ်လာရောက်ကြသူတွေကို ကျွန်တော်တို့အနေနဲ့ အခမဲ့ တည်းခိုဆောင်တွေ စီစဉ်ပေးထားပါတယ်။ စက္ကိန်းတဲဘုရား ရင်ပြင်ပေါ်မှာရှိတဲ့ နဂါးရုံဘုရား လမ်းတွေကို ကွန်ကရစ် လမ်းခင်းခြင်းနဲ့ နေပူခံကျောက်ပြားတွေ ခင်းထားပါတယ်''ဟု စက္ကိန်း တဲ ဘုရားဘဏ္ဍာတော်ထိန်း ဂေါပကက ပြောသည်။ ''ကျွန်တော်တို့က ရွှေဘိုကလာတာပါ။ ရုံးပိတ်ရက်ရှည်နဲ့ ကလေးတွေလည်း ကျောင်းပိတ်ရက် ဆိုတော့ အမျိုးတွေဆီ လာရောက်တာဖြစ်ပါတယ်။ ကျွန်တော်တို့ စက္ကိန်းတဲဘုရားဖူးပြီး နဂါး ပွက်တောင်ကို လာရောက် လေ့လာတာပါ။ ဆက်ပြီး မန်းရွှေစက်တော်ဘုရားကို သွားရောက်မှာ ဖြစ်ပါတယ်။ ရုံးပိတ်ရက်ဆိုတော့ ဘုရားဖူးတွေ အများအပြား လာရောက်ကြတာတွေ့ တော့ အရမ်းဝမ်းသာမိပါတယ်” ဟု ခရီးသွား ပြည်သူတစ်ဦးက ပြောသည်။ 

-

အလားတူ မကွေးတိုင်းဒေသကြီး မင်းဘူးမြို့နယ်အတွင်းရှိ သမိုင်းဝင် မန်းရွှေစက်တော်ဘုရား ၌လည်း နှစ်သစ်ကူးရုံးပိတ်ရက်အတွင်း အနယ်နယ်အရပ်ရပ်မှ ဘုရားဖူးပြည်သူများဖြင့် အထူး စည်ကားလျက်ရှိကြောင်း၊ မန်းရွှေစက်တော် ဘုရားပွဲတော်ကို ၂၀၁၉ ခုနှစ် ဖေဖော်ဝါရီ ၉ ရက် မှ ဧပြီ ၁၇ ရက်အထိ ကျင်းပမည်ဖြစ်ကြောင်း သိရသည်။ 

-

မျိုးမြတ်(မင်းဘူး)

------------------------------------------------------------------------------------------------------

စစ်ကိုင်း 

နှစ်သစ်ကူး ရုံးပိတ်ရက်ရှည်ကာလများတွင် စစ်ကိုင်းတိုင်းဒေသကြီး စစ်ကိုင်းမြို့ရှိ သမိုင်းဝင် တန်ခိုးကြီး ဘုရားတစ်ဆူဖြစ်သော ဆွမ်းဦးပုညရှင် ဘုရားကြီး၌ ပြည်တွင်းပြည်ပ ဘုရားဖူး ပြည်သူများ အပန်းဖြေအနားယူသွားလာလည်ပတ်လျက်ရှိကြောင်း သိရသည်။ ''အခုလို နှစ်သစ်ကူး ရုံးပိတ်ရက်ရှည်တွေမှာ မိသားစုတွေနဲ့အတူ ဘုရားဖူးရင်း လည်ပတ်တာ ပါ။ အရင်ကတည်းက ဒီစစ်ကိုင်းမြို့မှာရှိတဲ့ဘုရားတွေကို လာရောက်ဖူးမြော်ဖို့ အစီအစဉ်တွေ ရှိပေမယ့် မိသားစုတွေ မစုံဖြစ်တာရယ်၊ နောက်အကြောင်း အမျိုးမျိုးကြောင့်လည်း မလာ ရောက်ဖြစ်ခဲ့ဘူး။ အခုတော့ အောင်မြင်သွားပြီ။ ဒီအတွက်လည်း ဘုရားဖူးရတာ ပီတိဖြစ်ရ တယ်။ မိသားစုတွေကြည်နူးပျော်ရွှင်ရတယ်။ ဒေသန္တရ ဗဟုသုတတွေလည်း ရရှိတယ်။ အားလုံးစုပေါင်းပြီး လာရောက်ကြတာပါ”ဟု ဘုရားဖူးပြည်သူ တစ်ဦးက ပြောသည်။ 

-

အလားတူ စစ်ကိုင်းမြို့ ရာဇမဏိစူဠာ ကောင်းမှုတော် ဘုရားကြီး၌လည်း ဘုရားဖူးပြည်သူများ နှင့်စည်ကားလျက်ရှိရာ ''ကျွန်မတို့ကတော့ မိသားစုတွေ၊ ဆွေမျိုးတွေနဲ့ စုပေါင်းပြီး ဘုရားဖူးကားကြီးငှားပြီးလာရောက်ဖူးမြော်ရင်း အပန်းဖြေလာရောက် လည်ပတ်တာပါ။ စစ်ကိုင်းမှာ ရှိတဲ့ သမိုင်းဝင်ဘုရားတွေကို စုံအောင်ဖူးမြော်ရအောင် ညအိပ်ဖူးမြော်သွားကြမယ်လို့ စီစဉ်ခဲ့ ပါတယ်''ဟု ပုသိမ်မြို့မှလာရောက်ဖူးမြော်လည်ပတ်သူ တစ်ဦးက ပြောသည်။ 

-

ထို့ပြင် ကောင်းမှုတော် စေတီကြီးသို့လည်း ဘုရားဖူးခရီးသွားများ သွားရောက်လည် ပတ်ကြ ကြောင်း၊ အဆိုပါ ကောင်းမှုတော် စေတီကြီးသည် စစ်ကိုင်းမြို့၏ မြောက်ဘက် ၆ မိုင်ခန့် ကွာဝေးပြီး စစ်ကိုင်း- မုံရွာကားလမ်းမကြီးဘေးတွင်တည်ရှိကာ သွားလာရေး လွယ်ကူလျက် ရှိကြောင်းသိရသည်။ 

-

ဇော်မြင့်နိုင် 

------------------------------------------------------------------------------------------------------

သံဖြူဇရပ် 

ဒီဇင်ဘာလ နောက်ဆုံးပတ်၏ စနေ၊ တနင်္ဂနွေနေ့နှင့် နိုင်ငံတကာ နှစ်သစ်ကူးအများပြည်သူ အလုပ်ပိတ်ရက် လေးရက်အပြင် ဒီဇင်ဘာကျောင်း ပိတ်ရက်ကာလနှင့် ဆုံရက်ဖြစ်ခြင်းကြောင့် မွန်ပြည်နယ်သို့ ဘုရားဖူးခြင်းနှင့် ဒေသန္တရ ဗဟုသုတ လေ့လာရေးခရီးအဖြစ် အနယ်နယ် အရပ်ရပ်မှ ပြည်သူများ၊ ကျောင်းသား၊ ကျောင်းသူများ လာရောက်သဖြင့် စည်ကားလျက်ရှိ ကြောင်း သိရသည်။ 

-

ထို့ပြင် သံဖြူဇရပ်မြို့နယ် ကျိုက္ခမီ ရေလယ်ဘုရားသို့ ဘုရားဖူး လာရောက်ခြင်းနှင့် စက်စဲ အပန်းဖြေကမ်းခြေသို့ မော်တော်ယာဉ်ကြီး၊ ယာဉ်ငယ်များဖြင့် လာရောက်လည်ပတ် ကြသည်။ ဘုရားဖူး လာရောက်သူအများစုမှာ မြန်မာနိုင်ငံအထက်ပိုင်း၊ အလယ်ပိုင်းနှင့် ရန်ကုန်တိုင်း ဒေသကြီး၊ ပဲခူးတိုင်းဒေသကြီးမှ အများဆုံးဖြစ်ပြီး ကျိုက္ခမီ ရေလယ်ဘုရား ဖူးမြော်ပြီးအပြန် တွင် စက်စဲကမ်းခြေသို့ ဝင်ရောက်ကာ ပင်လယ်ရေချိုးခြင်းနှင့် ရေငန်ထွက်ကုန် ငါးခြောက်များ နှင့် ပင်လယ်ထွက်ပစ္စည်းများ ဝယ်ယူကြသည်။ 

-

အလားတူ သံဖြူဇရပ် သေမင်းတမန် မီးရထားပြတိုက်၌လည်း ရပ်ဝေးဒေသ အသီးသီးမှ ရောက်ရှိ လေ့လာသူများသည် နံနက်ပိုင်းမှစတင်၍ ညနေချိန်အထိ မိသားစုအလိုက်၊ အစု အဖွဲ့အလိုက်ဖြင့် လာရောက် 

လေ့လာကြကြောင်း သိရသည်။ 

-

ကျော်ဝင်း 

------------------------------------------------------------------------------------------------------

ထားဝယ် 

တနင်္သာရီတိုင်းဒေသကြီး ထားဝယ်မြို့၏ အထင်ကရတစ်ခုဖြစ်သော မြို့ကျက်သရေဆောင် ရွှေတောင်စား စေတီတော်မြတ်ကြီး၌ နှစ်သစ်ကူးရုံးပိတ်ရက်များတွင် ဒေသခံပြည်သူ အပါ အ၀င် အနယ်နယ် အရပ်ရပ်မှ ဘုရားဖူးလာပြည်သူတို့က ပန်း၊ ရေချမ်း၊ ဆီမီးများ ကပ်လှူ ပူဇော်ကြပြီး အဓိဋ္ဌာန် ပုတီးစိပ်ခြင်း၊ ဂုဏ်တော်များနှင့် ပရိတ်တရားတော်များ ရွတ်ဖတ်ခြင်း များ ပြုလုပ်ကြသည်။ 

-

နှစ်သစ်ကူး ရုံးပိတ်ရက်သည် ဇန်န၀ါရီ ၁ ရက်အထိ လေးရက်ဖြစ်သည့်အတွက် ထားဝယ် ခရိုင်အတွင်းရှိ နိုင်ငံ့ဝန်ထမ်းများ မိသားစုလိုက် မြန်မာပြည်တစ်ဝန်းရှိ စေတီ၊ ပုထိုးများ၊ အပန်းဖြေ နေရာများသို့ သွားရောက် လည်ပတ်ကြကြောင်း သိရသည်။ 

-

ထို့ပြင် စိတ်ဝင်စားဖွယ် သမိုင်းကြောင်းများ၊ သမိုင်းဝင်ရှင်ကိုးရှင် ဘုရားများ၊ ထားဝယ်မြို့ ကျက်သရေဆောင် လောကမာရဇိန်ဘုရားကြီးနှင့် ထားဝယ် ဒေသအတွင်းရှိ ဘုရား၊ ပုထိုး၊ စေတီများတွင်ဘုရားဖူးလာပရိတ်သတ်များဖြင့် စည်ကားလျက်ရှိကြောင်း သိရသည်။ 

-

ကျော်ကျော်လတ်

-

#မြ၀တီနေ့စဉ်သတင်းစာ