ချောက်မြို့၌ မှုခင်း အသိပညာပေးဟောပြော

-

ချောက် ဒီဇင်ဘာ  ၁၈ 

-

မကွေးတိုင်းဒေသကြီး  ချောက်မြို့  သခင်ဘိုး လှကြီး စက်မှုလက်မှုသိပ္ပံကျောင်း မယ်ဇင်ခန်းမ၌   မှုခင်းအသိပညာပေး ဟောပြောပွဲကို ယနေ့ နံနက် ပိုင်းတွင် ကျင်းပသည်။ ရှေးဦးစွာ ချောက်မြို့မရဲစခန်း ဒုတိယစခန်းမှူးက  လူကုန်ကူးမှု တားဆီးကာကွယ်ရေးအကြောင်း ကိုလည်းကောင်း၊ မြို့နယ် ယာဉ်စည်းကမ်း၊ လမ်း စည်းကမ်းထိန်းသိမ်းရေး   တာဝန်ခံတစ်ဦးက ယာဉ်စည်းကမ်း၊   လမ်းစည်းကမ်း အကြောင်း သိကောင်းစရာနှင့်    ထိခိုက်အန္တရာယ်မဖြစ်စေရေး တို့အတွက်   ကြိုတင်ကာကွယ်ဆောင်ရွက်ရမည့် အရာများကို လည်းကောင်း ရှင်းလင်းပြောကြားသည်။ 

-

ထို့နောက် ကျောင်းသား၊ ကျောင်းသူများက မကွေးတိုင်း ဒေသကြီး ရဲတပ်ဖွဲ့မှူးရုံး၏ ပညာပေးမှုခင်းရွေ့လျားယာဉ်ပေါ်မှ  အသိပညာ ပေးမှုခင်း ဓာတ်ပုံပြကွက်များအား   စိတ်ဝင်တစားကြည့်ရှု လေ့လာကြပြီး သိရှိလိုသည်များကိုမေးမြန်းကြရာ မြို့နယ်ရဲတပ်ဖွဲ့ ဒုတိယရဲမှူး၊ မြို့မရဲစခန်းမှဒုတိယ စခန်းမှူးနှင့် တာဝန်ရှိသူတို့က ရှင်းလင်းဖြေကြား ကြကြောင်း သိရသည်။     

-

ကျော်မို

-

#မြ၀တီနေ့စဉ်သတင်းစာ