သံဃာတော်များ၊ သာသနာ့အနွယ်ဝင် သီလရှင်များ၊ အဘိုးအဘွားများနှင့် ဒေသခံပြည်သူ များအား ကျန်းမာရေး စောင့်ရှောက်မှု လုပ်ငန်းများနှင့် ကျန်းမာရေး အသိပညာပေး ဟောပြောခြင်းများ ပြုလုပ်

-

နေပြည်တော်   နိုဝင်ဘာ  ၂၆ 

-

စစ်ကိုင်းတိုင်းဒေသကြီး   မင်းကွန်းဒေသရှိ ဘုန်းတော်ကြီးသင် ပညာရေးကျောင်းနှင့်  စာသင်တိုက်များမှ သံဃာတော်များနှင့် သာသနာ့ အနွယ်ဝင် သီလရှင်များ၊   မင်းကွန်းဗုဒ္ဓဘာသာ ဘိုးဘွားရိပ်သာမှ အဘိုးအဘွားများ၊ မင်းကွန်းကျေးရွာနှင့် ပတ်ဝန်းကျင်ကျေးရွာများမှ ဒေသခံပြည်သူများအား ယနေ့နံနက်ပိုင်းတွင် အနောက်မြောက်တိုင်း စစ်ဌာနချုပ် နယ်လှည့်ဆေးကုသရေးအဖွဲ့က ဘိုးဘွားရိပ်သာရှိ ရာပြည့်ခန်းမ၌ ကျန်းမာရေး စောင့်ရှောက်မှု လုပ်ငန်းများနှင့် ကျန်းမာရေးအသိ ပညာပေး ဟောပြောခြင်းများ ဆောင်ရွက်ပေးသည်။

-

ဦးစွာ ဆေးကုသရေးအဖွဲ့က သံဃာတော်များနှင့် သာသနာ့အနွယ်ဝင်သီလရှင် ၁၁ဝ ပါး၊ အဘိုးအဘွား ၇၉ ဦးနှင့် ဒေသခံပြည်သူ ၂၄ဝ ဦးတို့ကို အရိုး/အကြောရောဂါ၊  မျက်စိရောဂါ၊ နား/နှာခေါင်း/ လည်ချောင်းရောဂါ၊    ခွဲစိတ်ကုသမှုဆိုင်ရာ ရောဂါ၊ သွားနှင့်ခံတွင်းရောဂါ၊ ကလေးရောဂါ၊အထွေထွေရောဂါတို့နှင့် ပတ်သက်၍ လိုအပ်သည့် ကျန်းမာရေး စစ်ဆေးကုသပေးခြင်း၊  ဓာတ်မှန်ရိုက်ခြင်း၊ ECG စက်ဖြင့် နှလုံးစမ်းသပ် စစ်ဆေးပေးခြင်းများ ဆောင်ရွက်ပေးပြီး   ဆေးရုံတက်ရောက်ကုသရန် လိုအပ်သူခုနစ်ဦးအား  မုံရွာမြို့ရှိ တပ်မတော်ဆေးရုံသို့     တက်ရောက်ကုသနိုင်ရေး စီစဉ်ဆောင်ရွက်ပေးသည်။

-

ထို့နောက် ဆေးကုသရေးအဖွဲ့က  သွေးတိုးရောဂါ၊ ဆီးချိုရောဂါ၊ နှလုံးရောဂါ၊ သွေးလွန်တုပ်ကွေး ရောဂါနှင့် ဝမ်းပျက်ဝမ်းလျှော ရောဂါများအကြောင်း ကျန်းမာရေးအသိပညာပေး ဟောပြောဆွေးနွေးခြင်းများ ဆောင်ရွက်ပေးပြီး   ခြင်နှင့်ယင်အန္တရာယ်ကင်းဝေးစေရန် ဘိုးဘွားရိပ်သာအတွင်း ဆေးဖျန်းပေးခြင်းများ ဆောင်ရွက်ပေးသည်။

-

ထိုသို့ ဆောင်ရွက်ပေးနေမှုများကို တိုင်းမှူး ဗိုလ်ချုပ်ဖုန်းမြတ်နှင့် အဖွဲ့ဝင်များက သွားရောက် ကြည့်ရှု၍ လိုအပ်သည်များ ညှိနှိုင်း ဆောင်ရွက်ပေးပြီး အဘိုးအဘွားများအား စားသောက်ဖွယ်ရာများ ပေးအပ်ခဲ့ကြောင်း သတင်း ရရှိသည်။

-

(၁ဝဝ)

-

#မြ၀တီနေ့စဉ်သတင်းစာ