စာဖတ်ရှိန်မြှင့်တင်ရေးနှင့်မီးဘေးလုံခြုံရေး အသိပညာပေးဟောပြော

ဒီးမော့ဆို နိုဝင်ဘာ ၇ 

-

ကျောင်းသား၊ ကျောင်းသူများ ကျောင်းစာအပြင် အသိပညာ ဗဟုသုတ တိုးပွားစေရန်နှင့် စာဖတ်သည့် အလေ့အကျင့် ရရှိစေရန်အတွက် ကယားပြည်နယ် လွိုင်ကော်ခရိုင် ဒီးမော့ ဆိုမြို့နယ် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့် မီးသတ်ဦးစီးဌာနတို့ ပူးပေါင်း၍ ယမန်နေ့ မွန်းလွဲ ၁ နာရီခွဲက ဒေါတမငယ် ကျေးရွာ အခြေခံပညာ အထက်တန်းကျောင်း(ခွဲ)၌ စာဖတ်ရှိန် မြှင့်တင်ရေးနှင့် မီးဘေးလုံခြုံရေး အသိပညာပေး ဟောပြောပွဲ ကျင်းပသည်။

-

ရှေးဦးစွာ ကျောင်းအုပ် ဆရာမကြီး ဒေါ်နော်ဟဲရီဦးက အဖွင့်အမှာ စကားပြောကြားပြီး မြို့နယ်ပြန်ကြားရေးနှင့် ပြည်သူ့ ဆက်ဆံရေး ဦးစီးဌာန ဦးစီးမှူး ဦးကြီးဒဲရယ်က စာဖတ်ရှိန် မြှင့်တင်ရေး လုပ်ငန်းနှင့် စာဖတ်သည့် အလေ့အကျင့် ရရှိစေရန် အကြောင်းတို့ကို ရှင်းလင်း ပြောကြားသည်။

-

ထို့နောက် မြို့နယ်မီးသတ်ဦးစီးဌာန ဒုတိယဦးစီးမှူး ဦးကြည်စိုးဟန်က မီးဘေး လုံခြုံရေး အသိပညာပေး ရှင်းလင်းပြောကြားသည်။ ဆက်လက်၍ မြို့နယ်ပြန်ကြားရေးနှင့် ပြည်သူ့ ဆက်ဆံရေး ဦးစီးဌာနက ကျောင်းစာကြည့်တိုက်အတွက် စာအုပ်စာစောင်များ ပေးအပ် လှူဒါန်းကြောင်း သိရသည်။

-

တောရယ်

-

#မြ၀တီနေ့စဉ်သတင်းစာ