မှတ်ဖွယ်မှတ်ရာ ထိုထိုစာကို ရှာ၍မပြတ် အိမ်တွင်ဖတ်

အင်းဝခေတ်စာဆိုတော် ရှင်မဟာရဋ္ဌသာရက လူတိုင်းစာဖတ်ကြရန် မှတ်ဖွယ်မှတ်ရာ၊ ထိုထိုစာကို၊ ရှာ၍မပြတ်၊ အိမ်တွင်ဖတ်ဟူ၍ လမ်းညွှန်ထားပြီး စာပေဖတ်ခြင်းအားဖြင့် ရရှိနိုင်သောကောင်းကျိုးကို ထောက်ပြရာ၌ သိမြင်ကင်းကွာ၊ မလိမ္မာလည်း၊ စာပေစကား၊ နေ့တိုင်းကြားက ထူးခြားလိမ္မာ၊ ရှိသည်သာတည်းဟု ဖော်ပြထားသည်။

-

လူအမျိုးမျိုးစိတ်အထွေထွေရှိကြလေရာ လူတစ်ကိုယ်ဝါသနာ တစ်မျိုးစီရှိသည့်အနက် လူတို့လောကနှင့် သက်ရှိသက်မဲ့တို့သဘာဝကို သရုပ်ဖော်ထားသော စာပေကို ဖတ်ရှုခြင်းဖြင့် အကြောင်းအကျိုး အကောင်းအဆိုးတို့ကို ပိုင်းခြားဝေဖန်နိုင်သည့် အသိဉာဏ် ပို၍တိုးပွားစေနိုင်သည်ကို ရည်ညွှန်း၍ စာဆိုတော် ရှင်မဟာရဋ္ဌသာရက အထက်ပါအတိုင်း ညွှန်းဆိုခဲ့ခြင်းဖြစ်သည်။ စာပေဟူသည် လူတို့၏အတွေးအမြင်မှ ထွက်ပေါ်လာသော စကားသံတို့ကို အက္ခရာသင်္ကေတဖြင့် မှတ်တမ်းတင်ထားသော အရာဖြစ်သည်။ ဂေါတမမြတ်စွာဘုရား ဟောကြားတော်မူခဲ့သော ဓမ္မက္ခန္ဓာပေါင်း ၈၄ဝဝဝ ကို  မပျောက်မပျက် မတိမ်းစောင်းစေခြင်းငှာ တပည့်သားသံဃာတော် အရှင်မြတ်တို့က ပေထက်အက္ခရာတင်၍ ထိန်းသိမ်းစောင့်ရှောက် လာကြခြင်းကြောင့် ယနေ့ခေတ်တွင် စာအုပ်အဖြစ်ဖြင့် လည်းကောင်း၊ ခေတ်မီနည်းပညာဖြင့် လည်းကောင်း နာယူမှတ်သား ကျင့်ကြံပွားများနိုင်ကြသည်။

-

ထို့ပြင် ခေတ်အဆက်ဆက် သိပ္ပံပညာရှင်တို့၏ တီထွင်ဆန်းသစ်မှုများ၊ အတွေးအခေါ် ပညာရှင်များနှင့် စာပေပညာရှင် အတွေးအခေါ် အယူအဆ အသိပညာပေး လမ်းညွှန်မှုများကိုလည်း စာအုပ်စာပေများတွင်သာမက ခေတ်မီနည်းပညာများဖြင့်ပါ လေ့လာမှတ်သား၍ လက်တွေ့ဘဝတွင် လူ့အဖွဲ့အစည်း ကောင်းကျိုးချမ်းသာ ရရှိအောင် ဆောင်ကြဉ်းနိုင်ကြသည်။

-

စာအုပ်စာပေလူ့မိတ်ဆွေဟု ဆိုထားကြသည့်အားလျော်စွာ စာတတ်သူတိုင်း စာဖတ်နိုင်ရန် စာကြည့်တိုက်များ တည်ထောင်၍ စာကြည့်တိုက်များ ရှင်သန်ဖွံ့ဖြိုးရေးကို နိုင်ငံတိုင်းတွင် ကြိုးပမ်းဖော်ဆောင်လျက် ရှိကြရာ မြန်မာနိုင်ငံစာကြည့်တိုက် အသင်း၏ ဆဋ္ဌမအကြိမ်မြောက် အထွေထွေညီလာခံကို ရန်ကုန်တက္ကသိုလ် စိန်ရတုခန်းမ၌ အောက်တိုဘာ ၂၇ ရက်က ကျင်းပပြီး ဆဋ္ဌမသက်တမ်း (၂ဝ၁၉-၂ဝ၂၂)အတွက် အလုပ်အမှုဆောင်များ ရွေးချယ်တင်မြှောက်ကြသည်။ မြန်မာနိုင်ငံ စာကြည့်တိုက်အသင်း၏ ရည်ရွယ်ချက်များမှာ နိုင်ငံတော်ဖွံ့ဖြိုးရေး အတွက် အဘက်ဘက်မှ ဆောင်ရွက်ကြရာတွင် စာကြည့်တိုက် ပညာရှင်များနှင့် စာကြည့်တိုက်မှူးများ၏ စုပေါင်းစွမ်းအားဖြင့် တစ်ဖက်တစ်လမ်းမှ ပါဝင်ဆောင်ရွက်ရန်၊ စာကြည့်တိုက်ပညာရှင်များနှင့် စာကြည့်တိုက်မှူးများ အချင်းချင်းပူးပေါင်း၍ စာကြည့်တိုက်လုပ်ငန်းများ ဖွံ့ဖြိုးတိုးတက်ရေးအတွက် ဝိုင်းဝန်းကူညီ ဆောင်ရွက်ကြရန်ဖြစ်သည်။ မြန်မာနိုင်ငံ စာကြည့်တိုက်အသင်း၏ ရည်ရွယ်ချက်များကို လက်တွေ့အကောင်အထည်ဖော်ဆောင်ရွက်နေသည့် လုပ်ငန်းများမှာ ကျောင်းသား၊ ကျောင်းသူများ စာဖတ်ပျော်ပြီး စာဖတ်သည့် အလေ့ အထကောင်းများ ထွန်းကားလာစေရန်အတွက် ရန်ကုန်တိုင်းဒေသကြီး၌ အခြေခံပညာကျောင်း ခုနစ်ကျောင်း၊ မန္တလေးတိုင်း ဒေသကြီး၌ အခြေခံပညာကျောင်း ၁ဝ ကျောင်း၊ ဧရာဝတီတိုင်း ဒေသကြီး၌ အခြေခံပညာကျောင်း သုံးကျောင်း စုစုပေါင်း အခြေခံပညာကျောင်း ၂ဝ ၌ စာကြည့်တိုက်များ ထူထောင်ပေးခြင်းနှင့် ယခင်စီမံကိန်းဝင် ကျောင်းစာကြည့်တိုက် ၃ဝ ခုကိုလည်း ပံ့ပိုးကူညီပေးလျက် ရှိကြောင်း သိရသည်။

-

ယနေ့ခေတ်တွင် နည်းပညာ အရှိန်အဟုန်ဖြင့် တိုးတက်လာခြင်းကြောင့် အီလက်ထရွန်နစ် စာကြည့်တိုက်များ ထွန်းကားလျက်ရှိရာ ကမ္ဘာ့နိုင်ငံကြီးများရှိ စာကြည့်တိုက်ကြီးများမှ စာအုပ်စာပေများကိုပါ အိမ်မှာနေရင်း ရှာဖွေဖတ်ရှုမှတ်သားနိုင်ကြပြီဖြစ်သည်။ စာဖတ်ဝါသနာပါခြင်းသည် ဆရာကောင်းတို့ထံမှ သင်ယူရခြင်းနှင့် တူသည်ဟူ၍ လည်းကောင်း၊ မိတ်ဆွေကောင်းကို ပေါင်းဖော်ရခြင်းနှင့် တူသည်ဟူ၍လည်းကောင်း အသီးသီး ညွှန်ပြထားကြခြင်းကြောင့် ဆရာကောင်းတပည့် ပန်းကောင်းပန်ကြရစေရန်နှင့် မိတ်ဆွေကောင်းတို့ အကူအညီရကြစေရန် စာတတ်သူတိုင်း စာဖတ်သည့်အလေ့အထ ရှိကြရမည်ဖြစ်သည်။ မိတ်ဆွေကောင်းကို ရှာရန်ခက်သော်လည်း စာအုပ်စာပေကောင်းကို ရှာရန်လွယ်ကူသည်မှာ အားလုံးသိကြပြီးဖြစ်သည်။ လူတစ်ဦးချင်းစီမှ စ၍ မိသားစုအလယ် လူ့အဖွဲ့အစည်းအဆုံး တိုးတက်မှုကို စာအုပ်စာပေမှ တစ်ဆင့်ရရှိနိုင်သောကြောင့် စာအုပ်စာပေ လူ့မိတ်ဆွေဟု ဆိုထားခြင်းဖြစ်သည်။

-

ထို့ကြောင့် စာကြည့်တိုက်များ ရှင်သန်ဖွံ့ဖြိုးရေးကို နိုင်ငံတော်အစိုးရနှင့် လူမှုအဖွဲ့အစည်းများက ကြိုးပမ်းနေကြရာ ပြည်သူများ၏ ပူးပေါင်းပါဝင်မှုဖြင့် အားဖြည့်ပေးကြရန် လိုအပ်သကဲ့သို့ စာတတ်သူတိုင်း စာဖတ်သည့် အလေ့အထကောင်း ရှိကြရန်လိုသည်။ သို့ဖြစ်၍  နိုင်ငံတော်တိုးတက်ရေးအတွက်  နိုင်ငံသားများ အနေဖြင့် မှတ်ဖွယ်မှတ်ရာ၊ ထိုထိုစာကို၊ ရှာ၍မပြတ်၊ အိမ်တွင်ဖတ်ကြပါရန် မြဝတီက တိုက်တွန်းနှိုးဆော် လိုက်ရပါသည်။      ။

-

#မြ၀တီနေ့စဉ်သတင်းစာ