ဘူးသီးတောင် အောက်တိုဘာ ၁၂
-
ဘူးသီးတောင်-မောင်တော စစ်မှုထမ်းဟောင်းများ မျက်နှာစုံညီတွေ့ဆုံပွဲနှင့် တပ်မတော် ထောက်ခံပွဲပြုလုပ်ခြင်းအခမ်းအနားကိုယနေ့နံနက် ၉ နာရီ ၁ဝ မိနစ်တွင် ဘူးသီးတောင်မြို့ အမှတ်(၄)ရပ်ကွက်ရှိ မြို့နယ် စစ်မှုထမ်းဟောင်းရုံး၌ ကျင်းပသည်။
-
ရှေးဦးစွာ ပြည်နယ် စစ်မှုထမ်းဟောင်းအဖွဲ့ ဥက္ကဋ္ဌ ဗိုလ်မှူးလှဖြူ(ငြိမ်း)နှင့် စစ်မှုထမ်းဟောင်း အဖွဲ့ဝင်များက ရုံးရှေ့ရှိလမ်းမဘေး၌ တပ်မတော်စွမ်းမှ တိုင်းပြည်အေးချမ်းမည်၊ ပြည်သူကိုချစ်သော ပြည်သူကချစ်သော တပ်မတော်အောင်မြင်ပါစေ၊ မြန်မာတပ်မတော်ကို အပြည့်အဝထောက်ခံသည်၊ မဆီမဆိုင် နိုင်ငံရေး စွက်ဖက်သော Facebook ကို လုံးဝ ဆန့်ကျင် ရှုတ်ချသည် စသည့် စာသားများပါသော ဆိုင်းဘုတ်များ ကိုင်ဆောင်၍ ငြိမ်းချမ်းစွာစုဝေးဆန္ဒထုတ်ဖော်ကြသည်။
-
တပ်မတော်ထောက်ခံမှုပွဲများကို တိုင်းဒေသကြီးနှင့် ပြည်နယ်အသီးသီး၌ ပြုလုပ်လျက်ရှိရာ ၂ဝ၁၆ ခုနှစ်မှ ၂ဝ၁၈ ခုနှစ်အတွင်းယခုအကြိမ်အပါအဝင် ၆၈ ကြိမ် စုစုပေါင်းအင်အား ၅၉၄ဝ၃၈ ဦးဖြင့် ကျင်းပခဲ့ပြီး နိုင်ငံတစ်ဝန်းတွင် တပ်မတော်ထောက်ခံပွဲများဆက်လက်ကျင်းပသွားမည်ဖြစ်ကြောင်းသိရသည်။
-
ဖြူဖြူဝင်း
#မြ၀တီနေ့စဉ်သတင်းစာ
.jpg)
No comments:
Post a Comment