စာဖတ်ရှိန်မြှင့်တင်ခြင်းဖြင့် ပြောင်းလဲတိုးတက်လာသော ရန်ကုန်တက္ကသိုလ်စာကြည့်တိုက်

ရန်ကုန်တက္ကသိုလ်ကို ၁၉၂ဝ ပြည့်နှစ် တွင် စတင်ဖွင့်လှစ်ခဲ့သည်။ ထိုအချိန်က ရန်ကုန်တက္ကသိုလ်တွင် စာကြည့်တိုက် အဆောက်အအုံဟူ၍ မရှိခဲ့သေးပေ။ ယခု ရန်ကုန်တက္ကသိုလ်စာကြည့်တိုက်ဖွင့်လှစ်ထား သည့် အဆောက်အအုံကို မြန်မာနိုင်ငံ၏ ဘုရင်ခံလည်းဖြစ်၊ တက္ကသိုလ်၏ အဓိပတိလည်းဖြစ်ခဲ့သော ဆာဟာကုတ်ဘတ္တလာ (Sir Hercourt Butler) က ၁၉၂၇ ခုနှစ် ဒီဇင်ဘာ ၈ ရက်တွင် အုတ်မြစ်ချခဲ့သည်။ အဆိုပါစာကြည့်တိုက်အဆောက်အအုံအတွက် စေတနာရှင် Rao Bahadur Sithamtera Redder (L.L.D) က ရူပီးငွေ နှစ်သိန်းလှူဒါန်းခဲ့သည်။ 

-

အဆောက်အအုံ၏ပုံစံမှာ အင်္ဂလိပ် အက္ခရာ (L) ပုံစံနှစ်ထပ်ဖြစ်ပြီး စာအုပ်များထားသိုခန်းကို လေးထပ်ဖြင့် ဖွဲ့စည်းထားသည်။ ယင်းအဆောက်အအုံသည် ၁၉၃၁ ခုနှစ်တွင် ပြီးစီးခဲ့၍ ဖွင့်လှစ်နိုင်ခဲ့သည်။ စာကြည့်တိုက်မှူးမှာ ဦးခင်ဇော်(K) ဖြစ်သည်။ ရန်ကုန်တက္ကသိုလ်စာကြည့်တိုက်သည် ဒုတိယကမ္ဘာစစ်မတိုင်မီက အရှေ့တောင်အာရှတွင် ခေတ်အမီဆုံးစာအုပ်စာပေစုံလင်ဆုံးနှင့် အကောင်းဆုံးစုဆောင်းမှုရှိသည့် စာကြည့်တိုက်တစ်ခုအဖြစ်ထင်ရှားခဲ့သည်။ 

-

ထိုအချိန်က ရန်ကုန်တက္ကသိုလ်စာကြည့်တိုက်၊ ယုဒသန်ကောလိပ်စာကြည့်တိုက်နှင့် ယူနီဗာ စီတီကောလိပ်စာကြည့်တိုက်ဟူ၍ စာကြည့်တိုက် သုံးခုရှိခဲ့သည်။ ဒုတိယကမ္ဘာစစ်ပြီးခါနီး ၁၉၄၅ ခုနှစ် ဧပြီိလတွင် ဂျပန်စစ်တပ်သည် ရန်ကုန်မြို့မှ ဆုတ်ခွာသွားသောအခါ စာကြည့်တိုက် အဆောက်အအုံကို ဒိုင်းနမိုက်ဖြင့် ဖောက်ခွဲဖျက်ဆီးခဲ့သဖြင့် ယင်းစာကြည့်တိုက် အဆောက်အအုံမှာ ပျက်စီးခဲ့ရသည်။ 

-

စစ်ပြီးကာလ ၁၉၄၆ ခုနှစ်တွင် ရန်ကုန်တက္ကသိုလ်ကို ပြန်လည်ဖွင့်လှစ်သောအခါ ယုဒသန်နှင့် ယူနီဗာစီတီကောလိပ်စာကြည့်တိုက်များရှိ လက်ကျန်စာအုပ်များဖြင့် မတည်၍ ရန်ကုန်တက္ကသိုလ်စာကြည့်တိုက်ကို 

ပြန်လည်ဖွင့်လှစ်ခဲ့သည်။ စာကြည့်တိုက်မှူး မှာ ဦးသိန်းဟန် (ဇော်ဂျီ)ဖြစ်သည်။ ဆရာ ဦးသိန်းဟန်၏ ကြိုးစားအားထုတ်မှုကြောင့်ပေ၊ ပုရပိုက်များကို ပြန်လည်စုဆောင်း သိမ်းဆည်းနိုင်ခဲ့သည်။ 

-

ထိုအချိန်က ဘီအိုစီကောလိပ်မှ အခန်းတစ်ခန်းတွင် ရှေးဦးစွာစာကြည့်တိုက်ကို ဖွင့်လှစ်ခဲ့ရပြီးနောက် ယခုသိပ္ပံခန်းမဆောင်ရှေ့ ယူနီဗာစီတီကောလိပ်စာကြည့်တိုက်နေရာ၌ ပြောင်းရွှေ့ဖွင့်လှစ်ခဲ့ရပြန်သည်။ 

ထို့နောက်မှ စာကြည့်တိုက်အဆောက်အအုံကို ပြန်လည်ပြုပြင်ပြီး ၁၉၅၁ ခုနှစ်တွင် ဖွင့်လှစ် နိုင်ခဲ့သည်။

-

၁၉၆၄ ခုနှစ်တွင် စနစ်သစ်တက္ကသိုလ် ဖွဲ့စည်းပြီး ယခင်တက္ကသိုလ်စာကြည့်တိုက်ကို တက္ကသိုလ်များ ဗဟိုစာကြည့်တိုက်အဖြစ် ပြောင်းလဲ၍ ပညာရေးဝန်ကြီးဌာန အဆင့်မြင့် ပညာဦးစီးဌာန၏ လက်အောက်တွင် ထားရှိ 

ခဲ့သည်။ ၁၉၆၈ ခုနှစ်တွင် စာကြည့်တိုက်မှူး ဦးသိန်းဟန်(ဇော်ဂျီ)က စာကြည့်တိုက်မှူးအဖြစ် ဦးသော်ကောင်းထံသို့ တာဝန် လွှဲပြောင်းပေးခဲ့သည်။

-

ဆရာကြီး ဦးသော်ကောင်းသည် နယ်စုံသို့ ဝန်ထမ်းများစေလွှတ်၍ စာပေပစ္စည်း အစုစုကို အလှူခံခြင်း၊ ဝယ်ယူခြင်းစသည်ဖြင့် ဆက်လက်စုဆောင်းထိန်းသိမ်းပေးလာခဲ့မှုကြောင့် တက္ကသိုလ်များဗဟိုစာကြည့်တိုက် 

တွင် စာကောင်းပေမွန်အစုစုတို့ဖြင့် ပြည့်တင်းလာနိုင်ခဲ့သည်။ ဆရာကြီး ဦးသော်ကောင်းသည် ၁၉၉၇ ခုနှစ်တွင် အငြိမ်းစားယူ ပြီးသော်လည်း စာကြည့်တိုက်နှင့် စာကြည့်တိုက်ပညာတိုးတက်မှုအတွက် ယနေ့တိုင် 

လုပ်ဆောင်လျက်ရှိသည်။

-

ရန်ကုန်တက္ကသိုလ်စာကြည့်တိုက်အနီး ကံ့ကော်တောနေရာ၌ သုံးထပ်အဆောက် အအုံတစ်ခုကိုတည်ဆောက်ပြီး ၁၉၈၇ ခုနှစ်တွင် ရန်ကုန်တက္ကသိုလ်စာကြည့်တိုက်နှင့် တက္ကသိုလ်များ ဗဟိုစာကြည့်တိုက်ဟူ၍ 

စာကြည့်တိုက်နှစ်ခု သီးခြားစီပေါ်ပေါက်လာခဲ့သည်။

-

ရန်ကုန်တက္ကသိုလ်စာကြည့်တိုက်တွင် ဒေါ်မြင့်မြင့်ခင် (၁၉၈၇-၁၉၉၄) က စာကြည့် တိုက်မှူးအဖြစ် တာဝန်ယူခဲ့သည်။ ထို့နောက် လက်ဆင့်ကမ်းတာဝန်ထမ်းဆောင်ခဲ့သူများမှာ ဦးမြတ်စိုး (၁၉၉၅-၂ဝဝ၂)၊ ဦးကျော်ဝင်း 

(၂ဝဝ၂-၂ဝဝ၃)၊ ဒေါ်ခင်နှင်းဦး(၂ဝဝ၃-၂ဝ၁၁) နှင့် ဒေါက်တာလှိုင်လှိုင်ကြီး (၂ဝ၁၁- ယနေ့ ထိ) တို့ဖြစ်သည်။

-

ယခုအခါ ရန်ကုန်တက္ကသိုလ် စာကြည့်တိုက်တွင် မြန်မာစာအုပ် ၃၈၅၅၂ အုပ်၊ အင်္ဂလိပ်စာအုပ် ၆၆၈၂၅ အုပ်၊ စာနယ်ဇင်း ၇၆ မျိုး၊ ပေ ၁၈၈ ကျမ်း စုဆောင်းထားရှိသည်။ လက်ရှိတွင် သမားရိုးကျစနစ်နှင့် Electronic 

စနစ်ဟူ၍ ဝန်ဆောင်မှုနှစ်မျိုးဖြင့် ဆောင်ရွက် လျက်ရှိသည်။

-

သမားရိုးကျစနစ်တွင် ကတ်တလောက် စနစ်၊ စာဖတ်သူနှင့် စာအုပ်ရင်းနှီးမှုရှိစေရန် အသစ်ဝယ်ယူထားရှိသော ပညာရပ်ဆိုင်ရာ စာအုပ်များနှင့် ဗဟုသုတဖြစ်ဖွယ်စာအုပ်များကို စင်ဖွင့်စနစ်အသုံးပြုခြင်း၊ စာအုပ် 

အသစ်များကို Display ပြသခြင်း၊ စာဖတ်သူများတောင်းဆိုလာပါက စာအုပ်များထားသို ခန်းထဲသို့ ကိုယ်တိုင်ရှာဖွေစေခြင်း၊ စာကြည့် တိုက်ကြော်ငြာဘုတ်တွင် ဖော်ပြပေးထားသည့် အပြင် စာကြည့်တိုက် Facebook မှ New 

Arrival စာအုပ်များကို ကြော်ငြာပေးခြင်း၊ Library Orientation များပြုလုပ်ပေးခြင်းတို့ဖြင့် စာဖတ်သူများစာဖတ်ရှိန်မြင့်မားလာစေရန် ဆောင်ရွက်ပေးလျက်ရှိသည်။ 

-

Electronic စနစ်တွင် Electronic Library Management (ELIB) ဖြင့် အင်္ဂလိပ်စာအုပ် ကတ်တလောက်ဒေတာ ၂၄၉၇၅၊ မြန်မာ စာအုပ်ကတ်တလောက်ဒေတာ ၁၂၈၇ဝ နှင့် ကျမ်းစာအုပ် ၅၁၂၇ အုပ်တို့ ကို စာရင်းသွင်းထား ပြီးဖြစ်သောကြောင့် စာဖတ်သူများအနေဖြင့် လိုအပ်သောအချက်အလက်များကို အချိန်တိုအတွင်း ရှာဖွေအသုံးပြုနိုင်မည်ဖြစ်သည်။

-

ယခုအခါ ရန်ကုန်တက္ကသိုလ်စာကြည့်တိုက်သည် တနင်္လာနေ့မှ သောကြာနေ့အထိ နေ့စဉ်နံနက် ၉ နာရီမှ ညနေ ၆ နာရီအထိ ဖွင့်လှစ်ပေးလျက်ရှိသည်။ ထိုထက်ပိုမို၍ ၂ဝ၁၈ ခုနှစ် ဇူလိုင်လမှစ၍ စနေနေ့နံနက် 

၁ဝ နာရီမှ မွန်းလွဲ ၁ နာရီအထိ အချိန်တိုးမြှင့် ဖွင့်လှစ်ပေးထားသည်ကိုလည်း တွေ့ရသည်။ သို့ဖြစ်ရာ ရန်ကုန်တက္ကသိုလ်စာကြည့်တိုက်သည် စာပေလိုက်စားသူတိုင်းအတွက် စာဖတ်ခြင်းကို မြှင့်တင်ပေးသောနည်းဖြင့် 

ပြောင်းလဲတိုးတက်လာနေပြီဖြစ်ပါကြောင်း ရေးသားတင်ပြလိုက်ရပါသည်။ ။

ရီရီဆွေ(ရေနီ)

#မြ၀တီနေ့စဉ်သတင်းစာ