အင်းလေးဖောင်တော်ဦး မြတ်စွာဘုရား ကိုယ်စားတော်များ ဒေသစာရီ စတင် အပူဇော်ခံ

တောင်ကြီး အောက်တိုဘာ ၁ဝ

-

အင်းလေးဖောင်တော်ဦး မြတ်စွာဘုရား ကိုယ်စားတော်မြတ် လေးဆူသည် အင်းလေးဒေသ ၂၁ ဌာနသို့ ဒေသစာရီ   ကြွချီအပူဇော်ခံရန် အတွက် ယနေ့ နံနက် ၆ နာရီတွင် ထာဝရသီတင်းသုံးရာ နမ့်ဟူးကျေးရွာရှိ ရတနာစံကျောင်းတော်မှ ကျေးပေါခုံကျေးရွာ စံကျောင်းတော်သို့ စတင်ကြွချီ အပူဇော်ခံကြောင်း သိရသည်။

-

ရှေးဦးစွာ ဒေသစာရီကြွချီ အပူဇော်ခံရန်အတွက် ရတနာစံကျောင်း ပလ္လင်မှ ရွှေဝေါယာဉ်တော်ဖြင့် ခေတ္တယာယီ သီတင်းသုံးတော်မူမည့် ရတနာစံကျောင်းတော်သို့ အစဉ်အလာနှင့် အညီ ရှမ်းပြည်နယ်အစိုးရအဖွဲ့ဝင် ဗမာတိုင်းရင်းသား လူမျိုးရေးရာ ဝန်ကြီး ဒေါက်တာအောင်သန်းမောင်၊ အင်းတိုင်းရင်းသား လူမျိုးရေးရာဝန်ကြီး ဒေါက်တာထွန်းလှိုင်နှင့် ဌာနဆိုင်ရာ တာဝန်ရှိသူများက အစီအစဉ်အတိုင်း ပင့်ဆောင်ကြပြီး မင်္ဂလာ အချိန်ကျရောက်သည်နှင့်  ရွှေကရဝိက် ဖောင်တော်ယာဉ်ဖြင့်  ကျေးပေါခုံ စံကျောင်းသို့ စတင်ကြွချီအပူဇော်ခံရာ ဒေသခံတိုင်းရင်းသားများက ရိုးရာ ဆွဲလှေကြီး ၃ဝ ကျော်ဖြင့် လှော်ခတ်ပင့်ဆောင် ပူဇော်ကြသည်။

-

ဒေသစာရီကြွချီ အပူဇော်ခံပွဲသို့  ပြည်နယ်/ ခရိုင်/ မြို့နယ်အဆင့်ဌာနဆိုင်ရာ  တာဝန်ရှိသူများ၊    အနယ်နယ် အရပ်ရပ်မှ  ဘုရားဖူးပြည်သူများ၊   ဒေသခံပြည်သူများ လာရောက်ဖူးမြော် ကြည်ညိုကြကြောင်း  သိရသည်။

-

#မြ၀တီနေ့စဉ်သတင်းစာ