တပ်မတော်မြစ်တွင်းသွား ဆေးရုံရေယာဉ် (ရွှေပုဇွန်)နှင့် မြစ်ရေယာဉ် (စကု) တို့မှတပ်မတော်နယ်လှည့် အထူးကုဆေးအဖွဲ့များက ဒေသခံပြည်သူများအား ကျန်းမာရေး စောင့်ရှောက်မှုလုပ်ငန်းများ ဆောင်ရွက်ပေးစဉ်။
နေပြည်တော် ၈-၃-၂ဝ၁၈
ဧရာဝတီမြစ်ကြောင်း တစ်လျှောက်ရှိ ကျေးရွာများမှ ဒေသခံပြည်သူများကို ကျန်းမာရေးစောင့်ရှောက်မှု လုပ်ငန်းများ ဆောင်ရွက်ပေးရန် ရောက်ရှိနေသည့် တပ်မတော်နယ်လှည့် အထူးကုဆေးအဖွဲ့များ ပါဝင်သော တပ်မတော်မြစ်တွင်း သွားဆေးရုံရေယာဉ် (ရွှေပုဇွန်) နှင့် မြစ်ရေယာဉ် (စကု) တို့သည် မတ် ၆ ရက်နှင့် ယနေ့တို့တွင် ဧရာဝတီတိုင်းဒေသကြီး၊ ကျိုက်လတ်မြို့နယ်၊ လှိုင်းတာကျေးရွာနှင့် မော်လမြိုင်ကျွန်းမြို့နယ်၊ ကျွန်းကြီး ကျေးရွာတို့ရှိ ပတ်ဝန်းကျင် ကျေးရွာများမှ ဒေသခံပြည်သူ ၁၈၅၄ဦးကို အဆိုပါကျေးရွာရှိ ဘုန်းတော်ကြီးကျောင်း၌ ကျန်းမာရေးစောင့်ရှောက်မှု လုပ်ငန်းများ ဆောင်ရွက်ပေးသည်။
ထိုသို့ ဆောင်ရွက်ပေးရာတွင် ဆေးကုသမှုဆိုင်ရာရောဂါ ၃၈၂ဦး၊ ခွဲစိတ်ရောဂါ ၁၆၈ဦး၊ သားဖွား၊ မီးယပ်ရောဂါ ၁၃၅ဦး၊ ကလေးရောဂါ ၁၄၉ဦး၊ အရိုးရောဂါ ၂၇၅ ဦး၊ နား၊ နှာခေါင်း၊ လည်ချောင်းရောဂါ၁၅၈ဦး၊ မျက်စိရောဂါ ၄၁၈ဦးနှင့် သွားရောဂါ ၁၆၉ဦးတို့ကို လိုအပ်သည့်ဆေးဝါး ကုသမှုများ ဆောင်ရွက်ပေးပြီး ၎င်းတို့အနက်မှ မျက်စိခွဲစိတ်လူနာ ၂၈ဦးနှင့် အထွေထွေခွဲစိတ်လူနာ ၂၄ဦးတို့ကို ခွဲစိတ်ကုသမှုများ ဆောင်ရွက်ပေးကာ ဓာတ်မှန်
ရိုက်လူနာ ၃၄ဦး၊ တယ်လီဗေးရှင်း ဓာတ်မှန်ရိုက်လူနာ ၁ဝ၉ဦး၊ ECG စက်ဖြင့် နှလုံးစမ်းသပ်လူနာ ၈၂ဦးနှင့် ဓာတ်ခွဲစမ်းသပ်လူနာ ၁၂၁ဦးတို့ကို ရောဂါရှာဖွေစမ်းသပ် စစ်ဆေးပေးခြင်းများ ဆောင်ရွက်ပေးသည်။
ထို့ပြင် ဆေးရုံတက်ရောက် ကုသရန် လိုအပ်သော လူနာ ၁၃ဦးကို ရန်ကုန်မြို့ရှိ တပ်မတော်ဆေးရုံသို့ တက်ရောက်ကုသနိုင်ရေး စီစဉ်ဆောင်ရွက်ပေးခဲ့ကြောင်း သတင်းရရှိသည်။
#Themyawadydaily
.jpg)
No comments:
Post a Comment