တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ငြိမ်းချမ်းရေးဖြစ်စဉ်တွင် ပါဝင်ဆောင်ရွက်မည့် လားဟူဒီမိုကရက်တစ် အစည်းအရုံးဥက္ကဋ္ဌ ကြာခွန်ဆာဦးဆောင်သည့် အဖွဲ့အား လက်ခံတွေ့ဆုံ

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် လားဟူဒီမိုကရက်တစ် အစည်းအရုံး ((Lahu Democratic Union-LDU) ဥက္ကဋ္ဌကြာခွန်ဆာ ဦးဆောင်သည့်အဖွဲ့နှင့်အတူ အမှတ်တရစုပေါင်း ဓာတ်ပုံရိုက်စဉ်။

နေပြည်တော် ၂၄-၁-၂ဝ၁၈

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ငြိမ်းချမ်းရေးဖြစ်စဉ်တွင် ပါဝင်ဆောင်ရွက်မည့် လားဟူဒီမိုကရက်တစ် အစည်းအရုံး (Lahu Democratic Union-LDU) ဥက္ကဋ္ဌ ကြာခွန်ဆာဦးဆောင်သည့် အဖွဲ့အား ယနေ့ညနေပိုင်းတွင် နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်၌ လက်ခံတွေ့ဆုံသည်။

အဆိုပါ တွေ့ဆုံပွဲသို့ တပ်မတော်ကာကွယ်ရေး ဦးစီးချုပ်နှင့်အတူ ကာကွယ်ရေး ဦးစီးချုပ်ရုံး (ကြည်း) မှ ဒုတိယ ဗိုလ်ချုပ်ကြီးသန်းထွန်းဦး၊ ဒုတိယဗိုလ်ချုပ်ကြီး အောင်ကျော်ဇော၊ ဒုတိယဗိုလ်ချုပ်ကြီးစိုးထွဋ် နှင့် တပ်မတော်အရာရှိ ကြီးများတက်ရောက်ကြပြီး လားဟူဒီမိုကရက်တစ် အစည်းအရုံးဥက္ကဋ္ဌနှင့်အတူ ဒုတိယဥက္ကဋ္ဌ စောလှမွန်နှင့်အဖွဲ့ဝင်များ တက်ရောက်ကြသည်။

ထိုသို့တွေ့ဆုံရာတွင် တပ်မတော်ကာကွယ်ရေး ဦးစီးချုပ်က လားဟူဒီမိုကရက်တစ် အစည်းအရုံးအနေဖြင့် မြန်မာနိုင်ငံ၏ ငြိမ်းချမ်းရေးဖြစ်စဉ်တွင် ပါဝင်ဆောင်ရွက်မှုအတွက် နွေးထွေးစွာကြိုဆို ပါကြောင်းပြောကြားပြီး၊ ပြည်သူများမှ ရွေးချယ်သည့် ဒီမိုကရေစီ လမ်းကြောင်းပေါ်တွင် လျှောက်လှမ်းနေမှုနှင့် တပ်မတော်မှပြည်တွင်း ငြိမ်းချမ်းရေးရရှိအောင် ဆောင်ရွက်နေမှု အခြေအနေများ၊ လားဟူတိုင်းရင်းသားများ အတွက်ဒေသ ဖွံ့ဖြိုးတိုး တက်ရေး၊ ပညာရေး၊ ကျန်းမာရေး၊ မူးယစ်ဆေးဝါးကင်းစင်ရေးဆိုင်ရာ ကိစ္စရပ်များ၊ တပ်မတော်မှကူညီ ဆောင်ရွက်ပေးနိုင်မည့် အခြေအနေများအား ရှင်းလင်း ပြောကြားသည်။

ထို့နောက် လားဟူဒီမိုကရက်တစ် အစည်းအရုံးဥက္ကဋ္ဌက တပ်မတော်ကာကွယ်ရေးဦးစီးချုပ်နှင့် တွေ့ဆုံ ဆွေးနွေးခွင့်ရရှိသည့်အတွက် ကျေးဇူးအထူးတင်ရှိပါကြောင်း၊ တပ်မတော်ကာကွယ်ရေးဦးစီးချုပ် တြိဂံဒေသတိုင်းမှူး တာဝန်ထမ်းဆောင်စဉ်က လားဟူတိုင်းရင်းသား များအပေါ် ဖေးမကူညီစောင့်ရှောက် ခဲ့မှုများကို မမေ့ပါကြောင်း၊ မိမိတို့အနေဖြင့် တပ်မတော်အပေါ်ယုံကြည် အားကိုးပါကြောင်း ပြန်လည် ပြောကြားသည်။

တွေ့ဆုံပွဲအပြီးတွင် တပ်မတော်ကာကွယ်ရေး ဦးစီးချုပ်က လားဟူဒီမိုကရက်တစ် အစည်းအရုံးဥက္ကဋ္ဌနှင့် အဖွဲ့ဝင်များအား စားသောက်ဖွယ်ရာများ လက်ဆောင်ပေးအပ်ပြီး အမှတ်တရစုပေါင်း ဓာတ်ပုံရိုက်ခဲ့ကြသည်။

ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) တွင် NMSP၊ KNPP၊ ANC နှင့် LDU အဖွဲ့၎ ဖွဲ့သာကျန်ရှိရာမှ ယခုအခါတွင် NMSP (မွန်) အဖွဲ့နှင့် လားဟူဒီမိုကရက်တစ် အစည်းအရုံး(LDU)တို့သည် NCA လမ်းကြောင်းကို လျှောက်လှမ်းပြီး ငြိမ်းချမ်းရေးဆောင်ရွက် သွားမည်ဖြစ်၍ UNFC တွင် KNPP နှင့် ANC နှစ်ဖွဲ့သာကျန်ရှိမည် ဖြစ်သည်။ တပ်မတော်အနေဖြင့် NCA လမ်းကြောင်းပေါ်တွင် ခိုင်ခိုင်မာမာရပ်တည်၍ ထာဝရငြိမ်းချမ်းရေး ရရှိရန်အတွက် ဆက်လက်ဆောင်ရွက်သွား မည်ဖြစ်ကြောင်းသတင်း ရရှိသည်။

#Themyawadydaily