www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, June 15, 2017

ရေပူစစ်ဆေးရေး စခန်းတွင်ဖမ်းဆီးရမိ FDA အထောက်အထားမဲ့ ကုန်ပစ္စည်းများ ဖျက်ဆီး



လားရှိုး ၁၅-၆-၂၀၁၇

ရှမ်းပြည်နယ် (မြောက်ပိုင်း)၊ လားရှိုးမြို့ရှိ ရေပူစစ်ဆေးရေး စခန်းတွင် ဖမ်းဆီးရမိထားသော FDA အထောက်အထားမဲ့ တရုတ်ပြည်ထုတ်ဘီယာများ၊ စားသုံးရန်မသင့်သော အစားအစာများကို လမ်းကြိတ်စက်ဖြင့် ကြိတ်ခြင်းနှင့်မီးရှို့ဖျက်ဆီးခြင်းများကို ယနေ့နံနက်ပိုင်းက ပြုလုပ်ခဲ့ကြောင်း သိရသည်။

''ကျွန်တော်တို့ အဓိကရေပူ စခန်းကနေ တရုတ်ကထုတ်တဲ့ စားသုံးရန်မသင့်တဲ့ ကုန်ပစ္စည်းတွေကို သိမ်းဆည်းခဲ့ပြီး ရက်ပြည့်တဲ့အချိန်မှာ မီးရှို့ဖျက်ဆီးရခြင်း ဖြစ်ပါတယ်။

ဒီဟာတွေက မတ်နဲ့ဧပြီလတို့က ဖမ်းဆီးရမိတဲ့ပစ္စည်းတွေပါ။ ဘီယာတို့ အချိုရည်ဘူးတို့နဲ့ အခြားဖမ်းမိ ပစ္စည်းအားလုံးဖျက်ဆီးတာပါ'' ဟုအကောက်ခွန်ဦးစီးဌာနမှ လက်ထောက်ညွှန်ကြားရေးမှူး ဦးထွန်းထွန်းနိုင် ကပြောသည်။

အဆိုပါ စားသုံးရန်မသင့်သော ပစ္စည်းများ ဖျက်ဆီးခြင်းကို လားရှိုးမြို့ရှိ စားသုံးသူရေးရာ ဦးစီးဌာန၏ အနောက်ဘက်တွင်ရှိသော ကွင်းပြင်၌ ပထမဆုံးအကြိမ်ဆောင်ရွက် ခြင်းဖြစ်ပြီး ယခင်က ရေပူစစ်ဆေးရေး စခန်းရှိ ကွင်းပြင်၌ ဆောင်ရွက်ခဲ့ကြောင်း သိရသည်။

''မြို့ထဲကဈေးတွေနဲ့ ကျောင်းမုန့်ဆိုင်တွေမှာ စစ်ဆေးတယ်။ စားသုံးရန်မသင့်တဲ့ အစားအသောက် တွေတွေ့ရင် သိမ်းဆည်းပြီးတော့ ချက်ချင်းမီးရှို့ ဖျက်ဆီးနေပါတယ်။ မြို့တွင်းမှာလိုက်ပြီးတော့ ဆောင်ရွက်နေပါတယ်''ဟု ရှမ်းပြည်နယ် (မြောက်ပိုင်း) စားသုံးသူရေးရာ ဦးစီးဌာနမှ ဒုတိယညွှန်ကြားရေးမှူး ဦးဇော်မင်းသန်းက ပြောပြသည်။

မီးရှို့ဖျက်ဆီးခဲ့သော ပစ္စည်းများမှာ စုစုပေါင်းတန်ဖိုးငွေကျပ် ၃၅၈သိန်းဝန်းကျင်ရှိပြီး ကြက်အသည်း၊ အမြစ်၊ မျှစ်ချဉ်ခြောက်များ၊ ဝက်အူချောင်း၊ ဘီယာများ၊ အချိုရည်များ၊ ခြင်ဆေးဘူးများနှင့် မုန့်မျိုးစုံတို့ပါဝင်ကြောင်း သိရသည်။

#Themyawadydaily 

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page