သိမ်းဆည်းရမိတရား မဝင်ပိတောက်သစ်လုံးများ သယ်ဆောင်လာသည့် စက်လှေတစ်စင်းကိုတွေ့ရစဉ်။
နေပြည်တော် ၉-၆-၂၀၁၇
မွန်ပြည်နယ်၊ မုဒုံမြို့အနီးရှိ မြန်မာ့ပင်လယ်ပြင်အတွင်း တပ်မတော် (ရေ)မှ တပ်မတော်သားများ ပါဝင်သော စစ်ရေယာဉ်သည် နယ်မြေလုံခြုံရေး ဆောင်ရွက်စဉ် ဇွန် ၆ရက်ည ၆ နာရီ ၂၅ မိနစ်ခန့်တွင် ညောင်ဝိုင်း ကျေးရွာ၏ အနောက်ဘက် ၁ မိုင်ခန့်အကွာသို့အရောက်၌ မသင်္ကာဖွယ်စက်လှေ တစ်စင်းအားစစ်ဆေးရန် မီးအချက်ပြ ခေါ်ယူသော်လည်း လာရောက်ခြင်းမရှိဘဲ မောင်းနှင်ထွက်ပြေးသဖြင့် လိုက်လံဖမ်းဆီးခဲ့ရာ ၀ဲကလိ ချောင်းဝအနီး၌ စက်လှေအားကမ်းထိုး၍ ထွက်ပြေးသွားခဲ့သည်။
အဆိုပါစက်လှေအား စစ်ဆေးစဉ်လှေပေါ်မှ တရားမ၀င်သယ်ဆောင်လာသည့် ပိတောက်သစ်လုံးဆိုဒ်စုံ ၁၃ တန်ခန့်ကိုတွေ့ရှိ သိမ်းဆည်းရမိခဲ့ရာ မော်လမြိုင်မြို့နယ် သစ်တောဦးစီးဌာနသို့ စနစ်တကျ လွှဲပြောင်းအပ်နှံသွားမည် ဖြစ်ကြောင်း သတင်းရရှိသည်။
#Themyawadydaily
.jpg)
No comments:
Post a Comment