ဘူးသီးတောင်-မောင်တောဒေသ မေယုတောင်ကြောပေါ်၌ အကြမ်းဖက်သင်တန်းများ ဆောင်ရွက်နေသည့် နေရာများတွေ့ရှိ

လေ့ကျင့်အသုံးပြုသော သေနတ်ပုံစံသစ်သားချောင်းများကိုတွေ့ရစဉ်။

ဖောက်လုပ်ထားသော လူလုပ်လိုဏ်ခေါင်း။

အသုံးပြုသော မျက်နှာဖုံးစွပ်များ။

နေထိုင်သော တဲအိမ်။

သိုလှောင်ထားသော စားဆီပုံးများနှင့် ပဲအိတ်များ။

လက်နက်ပစ္စည်းများ။

နေပြည်တော် ၂၂-၆-၂၀၁၇

ဘူးသီးတောင်-မောင်တောဒေသ မေယုတောင်ကြောပေါ်၌ အကြမ်းဖက်သင်တန်းများ ဆောင်ရွက်နေသည့် နေရာများရှိကြောင်း သတင်းအရ လုံခြုံရေးတပ်ဖွဲ့ဝင်များသည် ဇွန် ၂၀ ရက်က သွားရောက်၍ နယ်မြေရှင်းလင်းစဉ် လှိုဏ်ခေါင်းတစ်ခု၊ သေနတ်များ၊ လူနေတဲ/ဂိုဒေါင်များ၊ စားနပ်ရိက္ခာများနှင့် အသုံးအဆောင် ပစ္စည်းများ သိမ်းဆည်းရမိခဲ့ပြီး ဓားဖြင့်ရန်ပြုသူ တစ်ဦးအား အသေဖမ်းဆီးရမိခဲ့သည်။

ရခိုင်ပြည်နယ် ဘူးသီးတောင်-မောင်တောဒေသ မေယုတောင်ကြောပေါ်တွင် ကျေးရွာသားများအား ခေါ်ယူကာ ညအချိန်တွင် အကြမ်းဖက်သင်တန်းများ ဆောင်ရွက်လျက်ရှိကြောင်း ဇွန် ၂၀ ရက် နံနက်ပိုင်းကသိရ၍ လုံခြုံရေး တပ်ဖွဲ့ဝင်များမှ သွားရောက်ရှင်းလင်းရာ မသင်္ကာသည့် လူသွားလမ်းကြောင်းများကို တွေ့ရှိရသဖြင့် ၄င်းပတ်ဝန်းကျင်တစ်ဝိုက်အား ရှင်းလင်းရာ တစ်ပေခန့်ရှိ ဒေသန္တရလုပ်သေနတ် ၂ လက်၊ ၉ မမကျည် တစ်တောင့်၊အလျား ပေ ၂၀ ၊ အနံ ၁၀ ပေခန့်ရှိ တဲတစ်လုံး၊ အလျား ပေ ၄၀ အနံ ၁၀ ပေရှိ တဲတစ်လုံး၊ အလျား ပေ ၄၀ အနံ ပေ ၃၀ ရှိ တဲတစ်လုံး၊ အလျား ပေ ၂၀ အနံ ၁၀ ပေ တဲ တစ်လုံး စုစုပေါင်း လူနေတဲ ၅ လုံး၊ ယမ်းပျော့(အညိုရောင်) ၅၀ ကျပ်သား တစ်ထုပ်၊ ယမ်းမှုန့်အနက်ရောင် တစ်ပိသာခန့် တစ်ထုပ်၊ ဆန် ၅ အိတ်၊ ကြက်သွန်နီ တစ်အိတ်၊ အာလူးတစ်ပိသာ၊ သစ်သား သေနတ် အချောင်း ၂၀၊ ပေါက်ပြား ၅ ချောင်း၊ ဂေါ်ပြား ၅ ချောင်း၊ ပေါက်ချွန်း သုံးချောင်း၊ အ၀ါရောင် ၀ါယာကြိုးနှစ်ခွေ(ပေ ၄၀၀ ခန့်)၊ နှစ်ပင်လိမ်ဝါယာကြိုး နှစ်ခွေ (ပေ ၂၀ ခန့်)၊ Bushnell တံဆိပ်ပါ မှန်ပြောင်း တစ်လက်၊ ဂွမ်းစောင် ၆ ထည်၊ အမျိုးသားဝတ်အကျီင်္ ၄၅ ထည်၊ ပုဆိုး ၄၅ ထည်၊ အမျိုးသမီးဝတ်အကျီင်္ အထည် ၂၀၊ မျက်နှာဖုံးစွပ် (အနက်) အထည် ၂၀ တို့ကို တွေ့ရှိရသည်။

လုံခြုံရေးတပ်ဖွဲ့ဝင်များက ဆက်လက်ရှင်းလင်းရာ တဲအနီးတွင် အကျယ် ၅ ပေ၊ အမြင့် ၄ ပေခွဲ၊ အရှည်ပေ ၈၀ ခန့်ရှိ လူလုပ် လှိုဏ်ခေါင်းတစ်ခုအား တွေ့ရှိရပြီး ၀င်ရောက်ရှင်းလင်းရာ လှိုဏ်ခေါင်းအတွင်း အသက် ၃၅ နှစ်ခန့်ရှိ အမျိုးသားတစ်ဦးက အရှည်တစ်ပေခွဲခန့်ရှိသည့် ဓားဖြင့် ထွက်ခုတ်ခဲ့ရာ လုံခြုံရေးတပ်ဖွဲ့ဝင် တစ်ဦးမှ ပြန်လည်ခုခံခဲ့သဖြင့် အဆိုပါအမျိုးသားမှာ သေဆုံးသွားကြောင်း သိရသည်။

ယနေ့ ဇွန် ၂၁ ရက် ညနေ ၃ နာရီ ၁၅ မိနစ်တွင် လုံခြုံရေးတပ်ဖွဲ့ဝင်များက အထက်ပါလှိုဏ်ခေါင်းအား ၀င်ရောက်ရှင်းလင်းရာ အနက်ရောင်မျက်နှာဖုံးစွပ်ထားသည့် အကြမ်းဖက်သမားတစ်ဦးက ပုန်းကွယ်နေရာမှ ရုတ်တရက် ထွက်လာပြီး လုံခြုံရေးတပ်ဖွဲ့ဝင်များအား ဓားဖြင့်ခုတ်သောကြောင့် လုံခြုံရေးတပ်ဖွဲ့ဝင်များက ပြန်လည်ခုခံပစ်ခတ်ရာ ယင်းမျက်နှာဖုံးစွပ်ထားသူအား ထိမှန်၍နေရာတွင်ပင် သေဆုံးခဲ့သည်။ ဆက်လက်ရှင်းလင်းရာ လှိုဏ်ခေါင်း အဆုံးကြမ်းပြင်၌ မြေကြီးများဖုံးအုပ်၍ ပုန်းကွယ်နေသည့် မျက်နှာဖုံးစွပ်တစ်ဦး၏ ဦးခေါင်းအား လုံခြုံရေးတပ်ဖွဲ့ဝင်တစ်ဦးမှ နင်းမိခဲ့ရာ ပြန်လည်တိုက်ခိုက်ရန် ကြိုးပမ်းခဲ့သဖြင့် လုံခြုံရေးတပ်ဖွဲ့ဝင်များက ပြန်လည်ခုခံရှင်းလင်းခဲ့ရာ နေရာတွင်ပင် သေဆုံးခဲ့သည်။

အဆိုပါနေရာအား ဆက်လက်ရှင်းလင်းရာ ကုလားပဲအိတ် ၁၀၀ ခန့်၊ ဆီ ၁၀ ပိသာပုံး ၅ ပုံး ထပ်မံသိမ်းဆည်း ရမိခဲ့သည်။ ဖြစ်စဉ်နှင့်ပတ်သက်၍ လုံခြုံရေးတပ်ဖွဲ့ဝင်များက ဆက်လက်၍ နယ်မြေရှင်းလင်း ဆောင်ရွက်လျက် ရှိကြောင်းသိရသည်။

မောင်တောဒေသတွင် နယ်မြေတည်ငြိမ်အေးချမ်းရေးနှင့် တရားဥပဒေစိုးမိုးရေး၊ပြည်သူများ စိတ်အေးချမ်းသာစွာ လုပ်ကိုင်သွားလာနေထိုင် စားသောက်နိုင်ရေးအတွက်နိုင်ငံတော်မှ စီမံဆောင်ရွက်နေမှု များကိုမျက်ကွယ်ပြုလျက် အကြမ်းဖက်လုပ်ရပ်များ ဆောင်ရွက်ရန်ကိုသာ ဦးတည်ရည်ရွယ်၍ လျှို့ဝှက်ကြံစည် ဆောင်ရွက်နေမှုများကို တွေ့ရှိရပါသည်။

ဖြစ်စဉ်များမှာ ၂၀၁၇ ခုနှစ် ဇန်န၀ါရီ ၄ ရက် မွန်းလွဲပိုင်းကလည်း မောင်ကြီးတောင်ကျေးရွာ၌ အကြမ်းဖက်သင်တန်း တက်ရောက်ခဲ့သူ ဂူမူရှူး ၁၉ နှစ်ပါ (၄)ဦးအား လုပ်သေနတ် ၁၃ လက် အပါအ၀င် ဆက်စပ်ပစ္စည်းများ၊ မတ် ၇ ရက်ညနေပိုင်းက ဘူးသီးတောင်မြို့နယ် တင်းပေကျေးရွာအနီး လျိုမြောင်အတွင်း၌ အကြမ်းဖက်သင်တန်းသား မော်လ၀ီအဒူလာမိန်အား ဖမ်းဆီးရမိပြီး လူနေတဲ ၄ လုံးနှင့် လူ့အသုံးအဆောင် ပစ္စည်းများ၊ မေ ၄ ရက် ညနေပိုင်း ကလည်းဘူးသီးတောင်မြို့နယ် သဲနီကျေးရွာ အနောက်ဖက်တောစပ်၌ ပေါက်ကွဲမှုဖြစ်ပွား၍ စာကိုင်းကျေးရွာနေ နိုအာလောင်၂၅ နှစ်ပါ ၂ ဦးသေဆုံးခဲ့ပြီး တောစပ်ပတ်ဝန်းကျင်မှ လက်လုပ်မိုင်း ပြုလုပ်သည့် ယမ်း၊ ကန့်နှင့် ဆက်စပ်ပစ္စည်းများ၊ လူ့အသုံးအဆောင်ပစ္စည်းများ၊ မေ ၂၆ ရက် နံနက်ပိုင်းတွင် မောင်တောမြို့နယ် သာဝန်ချောင်းကျေးရွာရှိ မာမတ်ရှော်ဖီ အိမ်ခြံဝင်းအတွင်းမှ အရှည်တစ်ပေခွဲခန့်ရှိ လုပ်သေနတ်(၃) လက်နှင့် ကျည်ဆန်များ၊ မေ ၁ ရက်နေ့ ရက်စွဲဖြင့် လူ (၂၀) ဦးအားလစာငွေထုတ်ပေး ပြီးကြောင်းပြေစာ (၁)စောင်၊ မေ၂၉ ရက် ညတွင် မောင်တောမြို့နယ် လေယာဉ်ကွင်းရွာနှင့် လေယာဉ်ကွင်းချောင်းအနီး မျက်နှာဖုံးစွပ်လျက် ခြုံတောအတွင်း ပုန်းအောင်းနေသည့် သရေကုန်းတန်းအနောက်ရွာနေ အကြမ်းဖက် စစ်သင်တန်းတက်ရောက်ပြီးသူ အဒူရာမန် (၂၇) နှစ်ပါ နှစ်ဦးတို့အား ဖမ်းဆီးမိခဲ့ပြီး စစ်ဆေးမေးမြန်းခဲ့ရာ ဘာသာရေးအစွန်းရောက်အဖွဲ့မှ ခေါင်းဆောင်ပါ (၁၂) ဦးတို့သည် ရာအိမ်မှူးနှင့်ဆယ်အိမ်မှူး တို့အားလုပ်ကြံသတ်ဖြတ်ရန် ကြံစည်နေကြောင်း၊ တစ်ရွာတည်းနေ ဂျော်ဒီဟူဆောင်း နေအိမ်၌စစ်သင်တန်းများ သင်ကြားပေးခြင်း၊ သိုင်းသင်တန်းသင်ခြင်း၊ ကျေးရွာသူကျေးရွာသား များအားအကြမ်းဖက် သင်တန်းများတက်စေရန် စည်းရုံးခြင်း၊ဖူတူးယာ (ခ)အေနာတူလာပါ (၁၂) ဦးအားလက်နက်ဖြင့် လေ့ကျင့်ပေးခြင်း၊ ကျေးရွာအမာခံလူငယ်များအား (၅) လကြာသင်တန်းပေးလျက်ရှိကြောင်း၊ တစ်ဦးလျှင် လစာငွေ(၂) သိန်းပေးကြောင်း၊ သင်တန်းဆရာ ဟာဘတ်မာတောရ်လာအား ပြည်ပနိုင်ငံအချို့မှ ငွေများပို့ပေးကြောင်း၊ မေ ၃၁ ရက် ညနေပိုင်းက ချောင်းကုလားမြောက်ရွာ နေအိမ်တစ်လုံးမှ စကားပြောစက် အလုံး (၄၀)နှင့် ဆက်စပ်ပစ္စည်းများ၊ ဇွန် ၁၅ ရက်ညပိုင်းတွင် ဘူးသီးတောင်မြို့နယ် သေကံရွာ၌ အကြမ်းဖက်သင်တန်း တက်ရောက်ပြီးသူ ကျောက်လှပြင်ကျေးရွာနေ ကာဒိလ်ဟူဆောင်း(၃၀) နှစ်အားတွေ့ရှိ၍ ဖမ်းဆီးခေါ်ယူ စစ်ဆေးခဲ့သည်။

ဖမ်းဆီးထားသည့် ကာဒိလ်ဟူဆောင်းအား စစ်ဆေးမေးမြန်းခဲ့ရာ ၂၀၁၂ ခုနှစ် ဒီဇင်ဘာလတွင် လက်ဝဲဒက်ပြင် ရှည်ရွာဥက္ကဋ္ဌ ဒီမာမောက်နေအိမ်အား ဓားပြတိုက်ရာ၌ ပါဝင်ခဲ့၍ထောင်ဒဏ်(၇)နှစ်ကျခံခဲ့ပြီး ၂၀၁၆ အောက်တိုဘာ ၂ ရက်နေ့တွင် ဘူးသီးတောင်အကျဉ်းထောင်မှ လွတ်မြောက်ခဲ့ကြောင်း၊ ၂၀၁၇ ဧပြီ ၂ ရက်မှမေ ၁၄ ရက်နေ့ထိ မေယုတောင်၏ အနောက်ဘက်ခြမ်း တောင်အလယ်ခန့်တွင် တောင်နံရံအားထွင်း၍ ပေ (၁၁၀)ခန့်အကျယ်ရှိသည့် လှိုဏ်ခေါင်း (၁)ခုနှင့် ရှေ့မျက်နှာတွင် ပေ (၂၀၀) ပတ်လည်ခန့် မြေပြင်၌အကြမ်းဖက် သင်တန်းအား ကျောက်လှပြင်ကျေးရွာနေ ၄င်းနှင့်နိုရာမောက် (ဘ)အာလီယာဘော်တို့ပါ (၅)ဦး အပါအ၀င်အင်အား (၁၀၀) ဦးခန့် တက် ရောက်ခဲ့ကြောင်း၊ နည်းပြအဖြစ် မောင်တောမြို့နယ် ဟန်ဒက်ရွာနေ မော်လ၀ီအီလီယာစ် ဦးဆောင်၍သင်တန်းသား (၁၀၀)ဦးခန့်အား ကရာတေးတိုက်ခိုက်နည်း ပညာများနှင့် လက်နက်ငယ် ပစ်ခတ်နည်း (သေနတ်အစားတုတ် ဖြင့်) သင်ကြားပေးကြောင်း၊ သင်တန်းချိန်အား နံနက် ၆ နာရီမှ ၉ နာရီထိ၊ ညနေ ၃ နာရီမှ ၅ နာရီ အထိဖြစ်ကြောင်း၊ သင်တန်းဆင်းပွဲတွင် အကြမ်းဖက်သင်တန်းပေးသည့် ကိစ္စရပ်များအား လျှို့ဝှက်ထားရန် ကုရ်အာကျမ်းကိုင်ပြီး သစ္စာဆိုခဲ့ကြောင်း၊ မော်လ၀ီအီလီယာစ်မှ ၄င်းတို့အားတောထဲတွင် လှုပ်ရှားနေထိုင်ရန်နှင့် ဘင်္ဂလားဒေ့ရ်ှနိုင်ငံတွင် သင်တန်းဆက်လက် တက်ရောက်ရမည် ဖြစ်ကြောင်း၊ မော်လ၀ီအီလီယာစ်ပါ (၅)ဦးမှ ကျေးရွာတွင်မိသားစုများ ရှိသဖြင့် ခေတ္တသွားရောက်ရန် ခွင့်တောင်းရာကျေးရွာတွင် လူသစ်စုဆောင်းရန်နှင့် ပြန်လာလျှင်တစ်ဦးလျှင် ၅၀,၀၀၀ ကျပ်စီယူဆောင်ခဲ့ရန် မှာကြားခဲ့ကြောင်း၊ ကျေးရွာတွင်နေထိုင်စဉ် လူငယ်များအား အကြမ်းဖက်သင်တန်း တက်ရောက်ရန် စည်းရုံးလျက်ရှိရာ လူသစ်မရရှိသေးဘဲ ဖမ်းဆီးခံရခြင်း ဖြစ်ကြောင်း သိရှိရသည်။

ဇွန် ၂၀ ရက်နံနက် ၁ နာရီခန့်တွင် လုံခြုံရေးတပ်ဖွဲ့ဝင်များသည်သတင်းအရ ကျွန်းဂေါင်းကျေးရွာအား ၀င်ရောက်ရှင်းလင်းရာ Arakan Rohigya Salvation Army-ARSA အဖွဲ့၏ဘဏ္ဍာရေးတာဝန်ခံ မော်လ၀ီဂျီရာဘူရာမန်အား နေအိမ်၌ဖမ်းဆီးရမိခဲ့ပြီး စစ်ဆေးလျက်ရှိကြောင်း သိရသည်။ ၂၀၁၆ ခုနှစ် အောက်တိုဘာ အကြမ်းဖက်တိုက်ခိုက်မှု ဖြစ်စဉ်ကို Aqua Mul Mujahidin- AMM အဖွဲ့က ဆောင်ရွက်ခဲ့ခြင်းဖြစ်ကြောင်း သိရှိရပြီး ၎င်းအဖွဲ့အပြင် Rohingya National Security Committee -RNSA အဖွဲ့လည်းရှိကြောင်း သိရသည်။ အဆိုပါအဖွဲ့နှစ်ဖွဲ့ပေါင်း၍ Arakan Rohigya SalvationArmy-ARSA အဖွဲ့အဖြစ် ၂၀၁၇ ခုနှစ်မတ် ၁၅ ရက်တွင် စတင်ပြောင်းလဲဖွဲ့စည်းခဲ့ကြောင်းသိရပြီး စစ်ရေးတာဝန်ခံမှာ AquaMul Mujahidin- AMM အဖွဲ့မှ ဟာဗစ်ဒူဟာဖြစ်ကြောင်း သိရသည်။

မောင်တောဒေသအတွင်း အကြမ်းဖက်နည်းဖြင့် ခြိမ်းခြောက်ကာ သြဇာလွှမ်းမိုးထိန်းချုပ်နိုင်ရန် ရည်ရွယ်၍ ကျေးရွာဆယ်အိမ်မှူး၊ ရာအိမ်မှူးနှင့် စာကြည့်တိုက်မှူး အပါအ၀င်အပြစ်မဲ့ပြည်သူ ၃၄ ဦးတို့အား နည်းမျိုးစုံဖြင့်သတ်ဖြတ် ခြင်း၊ အပြစ်မဲ့ပြည်သူ ၂၂ ဦးအားဖမ်းဆီးခေါ်ဆောင် သွားခြင်းများလည်း ပြုလုပ်ခဲ့ကြောင်း နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီမှ သတင်း ထုတ်ပြန်ထားကြောင်း သတင်းရရှိသည်။

#Themyawadydaily