မြောက်ကိုရီးယားနှင့် ပဋိပက္ခကို ရှောင်ရှားလိုဟု ထရန့်ပြောကြား

ဘာသာပြန်ဆောင်းပါး ၂၉-၄-၂၀၁၇

မြောက်ကိုရီးယားနဲ့ ထိပ်တိုက်တွေ့မယ့် အလားအလာ တစ်နေ့ထက် တစ်နေ့ ပိုပိုပြီး မြင့်မားလာနေ တဲ့အလျောက် ကမ္ဘာ့ကုလသ မဂ္ဂလုံခြုံရေး ကောင်စီက မြောက်ကိုရီးယား အရေးဆွေးနွေးမှုကို စတင်လိုက်ပြီး ဒေါ်နယ်ထရန့်ကလဲ မြောက်ကိုရီးယားအရေးကို သံတမန်နည်းလမ်းနဲ့ ဖြေရှင်းလိုကြောင်း ထုတ်ဖော် ပြောကြား လိုက်ပါတယ်။

အမေရိကန် ပြည်ထောင်စု နိုင်ငံခြားရေး ဝန်ကြီး Rex Tillerson ကလဲ ဝါရှင်တန်က မြောက်ကိုရီးယားနဲ့ စေ့စပ်ညှိနှိုင်း လိုကြောင်း၊ မြောက်ကိုရီးယားအနေနဲ့ နျူကလီးယားလက်နက်ကိုzစွန့်လွှတ်ဖို့ပဲတောင်းဆိုမှာဖြစ်ပြီး အစိုးရအပြောင်း အလဲလုပ်ပေးဖို့ တောင်းဆိုမှာမဟုတ်ကြောင်း၊ ဒါ့ပြင် တောင်ကိုရီးယားနဲ့ ပြန်လည်စေ့စပ်ညှိနှိုင်းဖို့လဲ အဆောတလျင် တောင်းဆိုမှာ မဟုတ်ကြောင်း၊ ကိုရီးယားကျွန်းဆွယ်ကို နျူကလီးယား လက်နက်ကင်းမဲ့ ဇုန်အဖြစ် မြင်လိုခြင်းသာဖြစ်ကြောင်း ပြောကြားခဲ့ပါတယ်။

ထူးခြားတယ်လို့တော့ဆိုရမှာပါ။ တရုတ် နဲ့အမေရိကန်တို့က အခုကျမှ မြောက်ကိုရီးယားကို ပြန်ချော့နေတဲ့ သဘောကြားသိနေရ လို့ဖြစ်ပါတယ်။ တစ်လောကပဲ တရုတ်နိုင်ငံ သမ္မတရှီကျင့်ဖျင်က ကင်မ်ဂျုံအန်လက်ထက်

မြောက်ကိုရီးယားကို ကိုင်တွယ်ပုံ သဘောကျတယ်။ ကင်မ်ဟာ နိုင်ငံကိုချစ်တတ်တဲ့ လူတစ်ယောက်ဖြစ်တယ်လို့ ချီးကျူးပြောဆို ခဲ့သလို ထရန့်ကိုယ်တိုင်ကလဲ ကင်မ်လို အသက်ငယ်ရွယ်တဲ့ လူတစ်ယောက်အတွက်

မြောက်ကိုရီးယားလိုနိုင်ငံမျိုးရဲ့ တာဝန်အဝဝကို ပခုံးပြောင်းထမ်းဆောင်ဖို့ ဆိုတာအတော် ခက်ခဲခဲ့မှာပဲလို့ အပြုသဘောသုံးသပ်ပြခဲ့ပါ သေးတယ်။ ဒါပေမဲ့ အဲဒါ ကင်မ်ကိုချီးကျူး တာမဟုတ်ကြောင်း၊ ခေါင်းအေးအေးထားပြီးမှန်ကန်တဲ့ဆုံး ဖြတ်ချက်တွေ ချနိုင်ဖို့တော့ လိုမယ်လို့ဆိုလို ချင်တာဖြစ်ကြောင်း ဖြည့်စွက်ပြောကြား ခဲ့ပါတယ်။ ဖခင်သေဆုံးသွား ခဲ့တဲ့အတွက် ကင်မ်ဟာ အသက် ၂၇နှစ်မှာ နိုင်ငံရဲ့အာဏာကို ဆက်ခံခဲ့ တာဖြစ်ပါတယ်။

ဒီလိုပြောမှ လဲရမယ့် အနေအထားကို ရောက်နေပြီလားမသိ။ မြောက်ကိုရီးယားရဲ့ နျူကလီးယားထိပ်ဖူး တပ်ဒုံးကျည်တွေ ပစ်ခတ်ထိရောက် နိုင်မယ့်အကွာ အဝေးတွေက တရုတ်၊ ဂျပန်၊ ရုရှား၊ ကနေဒါ၊ အမေရိကန်

အားလုံးကို ခြိမ်းခြောက်နေပါတယ်။ အဲဒီနိုင်ငံတွေက ပြန်ခုခံနိုင်တယ်ထား တတိယ ကမ္ဘာစစ်ကြီး စလိုက်တာပဲ ဖြစ်မှာမို့ ထရန့်ကလဲ သံတမန်နည်းလမ်းနဲ့ ဖြေရှင်းလိုပါ တယ်လို့ စကားသံထွက်လာတာ ဖြစ်နိုင်ပါတယ်။

အမေရိကန် နိုင်ငံခြားရေး ဝန်ကြီးကတော့ မြောက်ကိုရီးယားနဲ့ စေ့စပ်ဆွေးနွေးလို ကြောင်းပြောကြားခဲ့သလို ကိုရီးယားကျွန်း ဆွယ်ဟာ တစ်ကမ္ဘာလုံးအတွက် အန္တရာယ် ဇုန်တစ်ခုဖြစ်လာနေပြီ လို့ပြောရင်မှန်ပြီလားဆိုတာ ထည့်သွင်းစဉ်းစား ရတော့မယ့်အချိန် ရောက်နေပြီလို့ မြောက်ကိုရီးယားရဲ့ တစ်နိုင်ငံတည်း သောမဟာမိတ် တရုတ်နိုင်ငံကို သတိပေးပြောကြား လိုက်သလို မြောက်ကိုရီး ယားရဲ့ရန်ကနေ တရုတ်ကိုယ်တိုင်လဲမလွတ်ကင်းဘူး ဆိုတာကိုလဲ ထောက်ပြ ထားပါတယ်။

ထရန့်ကိုယ်တိုင်လဲ ရွေးကောက်တင် မြှောက်ခံရပြီး မကြာခင်မှာပဲ တရုတ်က မြောက်ကိုရီးယားကို ထိန်းချုပ်နိုင်ဖို့ ထိထိရောက်ရောက် စွမ်းဆောင်မှုမရှိတဲ့အတွက် အမေရိကန်ဝင်ပါရမယ့် ကိန်းဆိုက်လိမ့်မယ်လို့ သတိပေး ပြောကြားထား ခဲ့တဲ့အတိုင်း အခုဖြစ်လာနေတာကတော့ အမှန်ပါပဲ။ တရုတ် နိုင်ငံခြားရေးဝန်ကြီးကလဲ ကိုရီးယားကျွန်း ဆွယ်ကတင်းမာမှုတွေကို ဆက်ပြီးထိန်း ထားဖို့မဖြစ်နိုင်တော့တဲ့ အခြေအနေ ရောက်လာနိုင်တယ်လို့  သတိပေးပြော ကြားထားပြီး မြောက်ကိုရီးယားက နျူကလီးယားစမ်းသပ် မှုတွေဆက်လုပ်ရင် ဒဏ်ခတ်ပိတ်ဆို့မှုတွေ ပိုလုပ်မယ်လို့ အမေရိကန်နဲ့ တရုတ်နှစ်နိုင်ငံ စလုံးက သတိပေးထားပါတယ်။ မြောက်ကိုရီယားကလဲ နျူကလီးယားလက်နက် စမ်းသပ်မှု နောက်ထပ် ခြောက်ကြိမ်လုပ် မယ်လို့ ခြိမ်းခြောက် ထားပါတယ်။

လတ်တလော ရက်သတ္တပတ်တွေမှာ ကိုရီးယားကျွန်းဆွယ်က လှုပ်ရှားမှုတွေကတော့ အောက်ပါ အတိုင်းဖြစ်ပါတယ်။ မြောက်ကိုရီးယားက ဒုံးကျည်စမ်းသပ်ပစ်ခတ်မှု ထပ်လုပ်ခဲ့ပါတယ်။ ဒါပေမဲ့ မအောင်မြင်ခဲ့ပါဘူး။ မြောက်ကိုရီးယား တပ်မတော်နေ့ ကျင်းပရာမှာ ဧရာမစစ်ချီအခမ်းအနားကြီး တွေလုပ်ပြီး အင်အားပြခဲ့ပါတယ်။ အမေရိကန်က တိုက်သင်္ဘောကြီး တွေနဲ့ ရေငုပ်သင်္ဘောကြီး တစ်စီးကို စေလွှတ်လိုက်ပါတယ်။ မြောက်ကိုရီးယားက အဲဒီသင်္ဘောကို တစ်ချက်တည်းနဲ့ မြှုပ်ပစ်မယ်လို့ ကြုံးဝါးပါတယ်။ အမေရိကန်က တောင်ကိုရီးယားမှာ Thaad ဒုံးခွင်းဒုံးလက်နက်ကို စတင်တပ် ဆင်ပါတယ်။ ကုန်ကျစရိတ် အမေရိကန်ဒေါ်လာ တစ်ဘီလီယံထက်မနည်း ရှိပါတယ်။ ထရန့်က တောင်ကိုရီးယားက ဒီကုန်ကျ စရိတ်ကိုပေးရမယ် လို့ပြောပါတယ်။ တောင်ကိုရီးယားကတော့ အမေရိကန်ပဲ အကုန်အကျခံရမယ်လို့ တုံ့ပြန်ထားပါတယ်လို့ လေ့လာရေးသား တင်ပြလိုက် ရပါတယ်။

မြ၀တီနေ့စဉ်သတင်းစာ စာ(၃၁)

#Themyawadydaily