လူငယ်တွေကို တွေးခေါ်ခွင့်လေ့လာခွင့် သင်ယူခွင့်ချပြခွင့် အခွင့်အရေးတွေပေးလိုက်ပါ

စိုးမိုး  ၂၉-၄-၂၀၁၇

မှောက်ခေတ်မှာ လူငယ်တွေရဲ့အခန်းကဏ္ဍက အလွန်ပဲအရေး ပါလာပါတယ်။ လူမှုရေးပရဟိတလုပ်ငန်းရပ် တွေအပါအဝင် တခြားနယ်ပယ်စုံ၊ ကဏ္ဍစုံမှာလည်း လူငယ်အများစုက နေရာယူ လာကြပါတယ်။

ရှေးထုံးလည်းမပယ်နဲ့၊ ဈေးသုံးလည်း မကြွယ်နဲ့ဆိုတဲ့ ဆိုရိုးစကားရှိသော်လည်း ယနေ့ခေတ်မှာ ပုံသေကားချရှေးထုံးစွဲ လူတချို့ကြောင့် ခေတ်ကာလအလိုက် ပြောင်းလဲတိုးတက်မှုမှာ အဟန့်အတားဖြစ် နေပြီး တိုးတက်မှု အရှိန်လျော့နည်း နေပါတယ်။

ပြောင်းလဲနေတဲ့ခေတ်နဲ့အတူ ခေတ်အမြင်၊ ခေတ်အတွေးတွေကို ရှေးထုံးထဲက ကောင်းမွန်တဲ့အချက်တွေနဲ့ ပေါင်းစပ် ဆောင်ရွက်ရမယ့်ခေတ်ပါပဲ။ နွားခြေရာခွက်ထဲမှာ ကျင်လည်နေတဲ့ ဖားသူငယ်ထက် အမြင်ကျယ်တဲ့ လယ်ကွက်ပေါ်က ဖားသူငယ်တွေများလာဖို့ လိုအပ်နေပါပြီ။ အဓိကကတော့ မြန်မာနိုင်ငံအတွက် အရည်အသွေး၊ အရည်အချင်းကောင်းတွေ ပိုင်ဆိုင်တဲ့ လူငယ်များစွာ မွေးဖွားပေါ်ထွက်လာ ဖို့လိုပါတယ်။ လက်ရှိမှာ နိုင်ငံတော် အုပ်ချုပ်ရေးပိုင်းမှာ သာမက စီးပွားရေးကဏ္ဍတွေမှာလည်း လူငယ်တွေခေါင်းဆောင်မှုတွေ ယူလာတာကို တွေ့လာရပါတယ်။ ယနေ့ခေတ် လူငယ်တွေက တီထွင်ကြံဆမှု ဥာဏ်အားကောင်း လာပါတယ်။ တစ်လောက ဂျာနယ်တစ်ခုမှာ မြန်မာနိုင်ငံက အင်ဂျင်နီယာ ကျောင်းသားတွေတီထွင်ထားတဲ့ စက်ရုပ်နှစ်ရုပ်အကြောင်း ဖတ်ရပါတယ်။ အလားတူပါပဲ ယနေ့ခေတ်စားနေတဲ့ ဒရုန်းယာဉ်ငယ် တွေကိုလည်း မြန်မာလူငယ်တွေ တီထွင်လာနိုင်ပါပြီ။ ကဏ္ဍစုံမှာ လူငယ်တွေကို နေရာပေးဖို့ လိုပါတယ်။ သူတို့လုပ်ဆောင်ချင်တဲ့ ကိစ္စရပ်တွေမှာ အခွင့်အရေးတွေ ပေးသင့်ပါတယ်။ အရည်အချင်းအပါအဝင် စိတ်ဓာတ်ခွန်အားတွေကိုလည်း မြှင့်တင် ပေးရမှာ ဖြစ်ပါတယ်။ အဓိကကျတာကတော့ အုပ်ထိန်းသူမိဘတွေအပါအဝင် ဆရာ၊ဆရာမတွေ၊ လုပ်ငန်းရှင်တွေ၊ သက်ဆိုင်ရာ အကြီးအကဲတွေအနေနဲ့ နွံနစ်နေတဲ့ပြည်တန် ပတ္တမြားလူငယ်တွေကို ဖော်ထုတ်ပေးဖို့ လိုလာပါပြီ။

ယနေ့အချိန်မှာ အမျိုးသားတွေသာမက အမျိုးသမီးတွေပါ အခွင့်အလမ်းတွေ ပိုမိုရရှိလာကြပါတယ်။ လူမှုအဖွဲ့အစည်းတွေနဲ့ နိုင်ငံတော် တိုးတက်ရေးဖြစ်တဲ့ စီးပွားရေး၊ နည်းပညာ၊ ကုမ္ပဏီစတဲ့ လုပ်ငန်းကြီးတွေရဲ့စီမံခန့်ခွဲမှု ထိပ်တန်းနေရာတွေမှာ ပိုမိုဝင်ရောက်လာနိုင်တာကို တွေ့ရပါတယ်။လက်ရှိမှာ အလုပ်အကိုင်အခွင့်အလမ်း တွေပေါ်ပေါက်လာသော်လည်း အရည်အချင်းပြည့်ဝတဲ့ လူငယ်လူရွယ် တွေဖြစ်လာစေဖို့ ကျောင်းပညာရေးအပြင် တခြားသက်မွေး ပညာရပ်တွေကို ငွေကြေးမြင့်မားစွာ အကုန်အကျခံသင်ကြား နေရဆဲဖြစ်ပါတယ်။ သက်မွေးကျောင်းပညာရပ် (လက်တွေ့) ကို အခြေခံကျောင်းတွေမှာ သာမက တက္ကသိုလ်တွေမှာလည်း သင်ကြားပို့ချပေးနိုင်လာမယ်ဆိုရင် မြန်မာလူငယ်လူရွယ် တွေအတွက် များစွာအကျိုးဖြစ်ထွန်း လာစေမှာဖြစ်ပါတယ်။ နောက်တစ်ချက်ကတော့ လူငယ်တွေ ရှေ့တန်းကနေ ရဲဝံ့စွာလုပ်ကိုင် လာနိုင်ဖို့ ကဏ္ဍစုံက မြှင့်တင်ပေး ဖို့လည်း လိုအပ်ပါတယ်။

လက်ရှိမှာ လူငယ်တွေက ပြည်ပနိုင်ငံတွေကို သွားရောက်လုပ်ကိုင် နေကြတဲ့အတွက် ပြည်တွင်းမှာ လူ့စွမ်းအားအရင်းအမြစ်တွေ ဆုံးရှုံးနေရပါတယ်။ ပြည်တွင်းမှာ အခွင့်အလမ်းတွေ များပြားလာရင်တော့ ပြည်ပ ကနေ ပြည်တွင်းကို ပြန်လည်ဝင်ရောက် လာမှာဖြစ်ပါတယ်။ နိုင်ငံတည်ဆောက်ရေးမှာ လူ့စွမ်းအားအရင်းအမြစ်တွေ များစွာမွေးထုတ် ပေးနိုင်မှသာ နိုင်ငံအတွက် လိုအပ်တဲ့ ဖွံ့ဖြိုးတိုးတက်မှု ကဏ္ဍတွေမှာ လူငယ်တို့ရဲ့အင်အားနဲ့ ဆက်လက်ချီတက်နိုင်မှာ ဖြစ်ပါတယ်။

ယနေ့အချိန်အခါမှာ နိုင်ငံတကာက ဝင်ထွက်သွား လာမှုတွေရှိသလို နိုင်ငံတကာမှာ လူငယ်တွေသွားရောက် ပညာသင်နိုင်တဲ့ အပြင် ဆက်သွယ်ရေးကဏ္ဍတွေ အမြင့်ဆုံးအပိုင်းကို တက်လှမ်းလာနိုင်တာ ကြောင့်လူငယ်တွေ အသိအမြင်တွေ ကျယ်ပြန့်လာပြီး နိုင်ငံတကာနဲ့ချီတဲ့ အမြင်ကျယ်မှုတွေ ရှိလာကြပါပြီ။ ကမ္ဘာအရပ်ရပ်က သတင်းအချက်အလက်တွေ၊ ပညာတွေကိုလည်း လက်လှမ်းမီသင်ယူလာ နိုင်ကြပြီဖြစ်ပါတယ်။စိန်ခေါ်မှုတွေ ပြင်းထန်နေတဲ့ ယနေ့ခေတ်မှာ အများနဲ့တန်းတူလိုက်နိုင်ဖို့ လူငယ်တွေ အစွမ်းကုန်ကြိုးစား ကြပါတယ်။ ပညာရေးစနစ်တွေ ပြောင်းလဲပြီး လူ့စွမ်းအား အရင်းအမြစ်တွေတိုးတက်ဖို့ နိုင်ငံတော်က ဆောင်ရွက်လာတဲ့အတွက် ကျောင်းသား ဗဟိုပြုစနစ်တွေ အောင်မြင်လာနိုင်ပါတယ်။ မိုဘိုင်းလ်ဖုန်းနဲ့ အင်တာနက်တွေ အသုံးပြုမှုများပြား လာချိန်မှာ မြန်မာလူငယ်တွေ တီထွင်တဲ့ဂိမ်းတွေကိုလည်း နိုင်ငံတကာ ဂိမ်းကုမ္ပဏီကြီးတွေက ဝယ်ယူလာတယ်လို့သတင်းတစ်ခုမှာ ဖတ်ရပါတယ်။ နိုင်ငံတကာမှာသာမက လူငယ်တွေကြား ရေပန်းစား နေတဲ့ဂိမ်းတွေကို မြန်မာလူငယ်တွေလည်း တီထွင်လုပ်ဆောင်လာနိုင်တာက အများကြီးဂုဏ်ယူဖွယ် ကောင်းနေပါတယ်။ ဂိမ်းကစားခြင်းက စိတ်ဖိစီးမှုကို လျော့ကျစေနိုင်ပေမယ့် တစ်ဖက်မှာ ဆိုးကျိုးအနေနဲ့ အိပ်ရေးမဝခြင်း၊ စိတ်ကယောင်ကတမ်း ဖြစ်စေခြင်းနဲ့ အချိန်ဖြုန်းမှုများပြားခြင်း စတဲ့အချက်တွေကြောင့် လူငယ်လူရွယ်တွေ အလွန်အကျွံဂိမ်းကစားခြင်းကို ရှောင်ကြဉ်ဖို့လည်း သတိပေးလိုပါတယ်။ ဒါ့အပြင် အင်တာနက် အလွန်အကျွံအသုံးပြုခြင်း၊ အသိပညာရှာ ခြင်းထက် အဆိုးဘက်မှာ အလွဲအသုံးချခြင်း တွေကြောင့်လည်း မဖြစ်သင့်တဲ့မှုခင်းဖြစ်ရပ်တွေ ရှိလာနေပါတယ်။

ဒါတွေကို အုပ်ထိန်းသူတွေက ထိန်းကျောင်းပေးရမှာ ဖြစ်ပါတယ်။ အသိပညာ ဗဟုသုတရရှိစေမယ့် စာပေတွေကို လေ့လာပြီး အမှားအမှန်သိရှိနိုင်တဲ့ ဆင်ခြင်တုံ တရားတွေတိုးပွားအောင် လူငယ်တွေကို လေ့ကျင့်ပျိုးထောင် ပေးရမှာဖြစ်ပါတယ်။ ဒါ့အပြင် ကျေးလက်နေ လူငယ်လူရွယ်တွေ အထိ မြေတောင်မြှောက်ပေး နိုင်မယ့်အခြေ အနေတွေကိုလည်း ဖန်တီးပေးလာနိုင်မယ် ဆိုရင် ကျေးလက်၊ မြို့ပြမကျန် တစ်ပြေးညီ အရည်အသွေးပြည့်ဝတဲ့ လူငယ်တွေကို မွေးထုတ်ပေးနိုင်မှာ ဖြစ်ပါတယ်။ လူငယ်တွေရဲ့ အနာဂတ် ရည်မှန်းချက်တွေ၊ မျှော်မှန်းချက်တွေ တိမ်းစောင်းမသွားစေဖို့ ဝိုင်းဝန်းလုပ်ဆောင် ပေးကြဖို့လည်း လိုလာပါတယ်။

အတန်းပညာတတ်ရုံနဲ့ ပညာတတ်လို့ ခေါ်နိုင်တာမဟုတ်ပါဘူး။ ဘဝပညာ ရပ်ပေါင်းများစွာက သေဆုံးချိန်အထိ သင်ယူမဆုံးပါဘူး။ လိုအပ်တဲ့အခြေအနေ၊ အချိန်အခါပေါ်မူတည်ပြီး အနာဂတ်လူငယ် တွေအတွက် အခွင့်အလမ်းတွေ ရှာဖွေပေးနိုင်အောင် လုပ်ဆောင်ပေးကြ ရမှာဖြစ်ပါတယ်။ အခွင့်အလမ်း တွေရရှိလာမှသာ လုပ်ဆောင်ချက်တွေ ခိုင်မာလာမယ်၊ တိုးတက်လာမယ်၊ စိတ်ဓာတ်ခွန်အားတွေ မြင့်မားလာစေမှာ ဖြစ်ပါတယ်။ ဒါကြောင့် လူငယ်တွေကို လက်တွဲခေါ်ဖို့၊ လက်ဆင့်ကမ်း အမွေတွေပေး နိုင်ဖို့လိုပါတယ်။ နိုင်ငံတော်ဖွံ့ဖြိုး တိုးတက်ရေးအတွက် လူငယ်တွေရဲ့ အခန်းကဏ္ဍကလည်း တစ်စိတ်တစ်ပိုင်း အနေနဲ့ပါဝင်နေတာကြောင့် လူငယ်တွေကိုတွေးခေါ်ခွင့်၊ လက်တွေ့လုပ်ဆောင်ခွင့်၊ လေ့လာသင်ယူခွင့်၊ လက်တွေ့ချပြခွင့်၊ လူငယ်ပီပီ တစ်ပါးသူကို အနှောင့်အယှက် မဖြစ်စေတဲ့ လွတ်လပ်စွာနေထိုင် ပြုမူခွင့်စတဲ့ အခွင့်အရေးတွေပေး နိုင်စေဖို့ တိုက်တွန်းရေးသားလိုက်ရပါတယ်။ 

#Themyawadydaily