သံလွင်မြစ်

( ယခု ဖော်ပြသော " ရေအားလျှပ်စစ် စီမံကိန်း နှင့် ကျယ်လောင်လာတဲ့ ဆန့်ကျင်သံများ " ဆောင်းပါးသည် တာဝန်ရှိသူများ၏ အမြင်နှင့် ဒေသခံပြည်သူများ၏ အမြင်များ ၊ စိုးရိမ်ပူပန်မှု များကို စာဖတ်သူများ သိရှိစေရန် တင်ပြခြင်း ဖြစ်ပါသည်။ )

ခင်စန္ဒာမြင့်

ရေကာတာနဲ့ ရေအားလျှပ်စစ် စီမံကိန်း ဆန့်ကျင်တဲ့ တက်ကြွ လှုပ်ရှားသူတွေဟာ ကယားပြည်နယ် လွိုင်ကော်မြို့ အစည်းအဝေးကြီး တစ်ခုမှာ သဘာဝ ပတ်ဝန်းကျင်ဆိုင်ရာ ကျွမ်းကျင်သူတွေ၊ အစိုးရအရာရှိတွေ၊ စီးပွားရေးကုမ္ပဏီ ကိုယ်စားလှယ်တွေနဲ့ မျက်နှာချင်းဆိုင်ပြီး သူတို့ရဲ့ရင်ထဲမှာ ရှိနေတဲ့ မယုံကြည်မှု၊ မကျေနပ်မှု ခံစားချက် အသီးသီးကို ချပြပြီးဆွေးနွေးငြင်းခုံ နေကြပါတယ်။

ဖေဖော်ဝါရီ ၃ ရက်နေ့ ဆွေးနွေးပွဲရောက် တက်ကြွ လှုပ်ရှားသူတွေဟာ ရှမ်း၊ ကယားပြည်နယ်က အရပ်ဘက် လူမှုအဖွဲ့အစည်း တွေကို ကိုယ်စားပြုသူ တွေပါ။

ဘီလူးချောင်း အမှတ်(၁) စက်ရုံဝန်းကျင် မှာရှိတဲ့ ရှမ်းရွာရဲ့အုပ်ချုပ်ရေးမှူး ဦးသိန်းဇံ က မီးခွက်နဲ့နေထိုင်ခဲ့ ရတဲ့ ဒေသခံတွေထဲက အများအပြား လျှပ်စစ်ဓာတ်အား ရလာတဲ့အတွက် လူနေမှု အဆင့်အတန်း မြင့်မားလာတယ်။ 

ရေအားလျှပ်စစ် စီမံကိန်းတွေဟာ အဲဒီလို ကောင်းကျိုး ရှိသလို ပတ်ဝန်းကျင် ထိခိုက်ပျက်စီး တာမျိုးလို ဆိုးကျိုးတွေလည်း ရှိကြောင်း ပြောပါတယ်။

''ရှမ်းပြည်နယ် သံလွင်မြစ်မှာ ရေကာတာ တည်ဆောက်မယ် ဆိုရင် ရှမ်းပြည်နယ်၊ ကယားပြည်နယ်မှာ ရှိတဲ့ ရပ်ရွာတွေ အားလုံး ရေလွှမ်းမိုး သွားမယ်လို့ ပြောကြတယ်။ ကန့်ကွက်ချင် ကြတယ်လို့ ကြားတယ်။ ကျွန်တော်တို့ အနေနဲ့ဆိုလည်း ထပ်မဆောက် စေချင်ဘူး'' လို့ ဦးသိန်းဇံ က ပြောပါတယ်။

ဦးသိန်းဇံ လိုပဲ အနာဂတ် ရေအားလျှပ်စစ် စီမံကိန်းတွေ ရေရှည်တည်တံ့ နိုင်စေရေး အစီအစဉ် ရေးဆွဲတဲ့အခါ ဆုံးဖြတ်ချက် ချသူတို့ကို ကူညီနိုင်မယ့် ဒီဆွေးနွေးပွဲမှာ တက်ရောက် လာသူတွေက စီမံကိန်းရဲ့ အားသာချက်၊ အားနည်းချက် တွေကို ပွင့်ပွင့်လင်းလင်း ထုတ်ဖော် ကြတာ တွေ့ရပါတယ်။ ရေအားလျှပ်စစ် ဓာတ်အားပေး စက်ရုံ တည်ဆောက်ရေး စီမံကိန်း တွေကို ဆန့်ကျင်သူ တွေရဲ့အသံကတော့ ပိုပြီးကျယ်လောင် လာနေပါပြီ။ လတ်တလော လည်ပတ်နေတဲ့ ရေအားသုံး ဓာတ်အားပေး စက်ရုံတွေ ကလည်း နိုင်ငံအတွက် မရှိမဖြစ် အရေးပါတဲ့ အနေအထား မှာရှိပါတယ်။ ဓာတ်အားပိုမို လိုအပ်လာချိန်မှာ မျက်စိကျ လာကြတာ ကလည်း ရေအားလျှပ်စစ် စီမံကိန်း အကောင် အထည်ဖော်ရေး ပဲဖြစ်နေပါတယ်။ 

လျှပ်စစ် လိုအပ်ချက်နဲ့ စွမ်းအင်ရင်းမြစ် 

တစ်နိုင်ငံလုံးမှာ လျှပ်စစ်မီး မရတဲ့ အိမ်ထောင်စု ပေါင်း ၆၃ ရာခိုင်နှုန်း ရှိတယ်လို့ ဖေဖော်ဝါရီ ၉ ရက်နေ့ လျှပ်စစ်နှင့် စွမ်းအင် ဝန်ကြီး ဌာနရဲ့ ထုတ်ပြန်ချက် တစ်စောင်မှာ ဖော်ပြထား ပါတယ်။ တစ်နိုင်ငံလုံးရဲ့ လျှပ်စစ်သုံးစွဲမှုက ၂ဝ၁၅ မှာ ယူနစ်သန်းပေါင်း ၁၃ဝဝဝ နီးပါးရှိပြီး ၂ဝ၁၆ မှာတော့ သန်း ၁၅ဝဝဝ နီးပါး ရှိလာ ပါတယ်။ လိုအပ်နေတဲ့ ဓာတ်အားကို ရေအား၊ သဘာဝဓာတ်ငွေ့၊ ဇီဝပစ္စည်း လောင်စာ၊ နေရောင်ခြည်၊ ဒီဇယ်၊ ကျောက်မီးသွေး စွမ်းအင်တွေက ထုတ်လုပ်နေတာပါ။ မြန်မာ့လျှပ်စစ် ကဏ္ဍ စုစုပေါင်း ထုတ်လုပ်မှုရဲ့ လေးပုံသုံးပုံကို ရေအားကနေ ရရှိကြောင်း ကမ္ဘာ့ဘဏ်ရဲ့ စာရင်းများမှာ ဖော်ပြ ထားပါတယ်။

အကောင်အထည် ဖော်မယ့် ရေအားလျှပ်စစ်စီမံကိန်းများနဲ့ပ တ်သက်တဲ့ ဆွေးနွေးပွဲတွေကို သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန၊ လျှပ်စစ်နှင့် စွမ်းအင်ဝန်ကြီးဌာန၊ ကမ္ဘာ့ဘဏ်ရဲ့ အဖွဲ့ခွဲ နိုင်ငံတကာ ငွေကြေးစီမံခန့်ခွဲခြင်း ဆိုင်ရာ အဖွဲ့အစည်း (International Finance Corporation-IFC) တို့ ပူးပေါင်း ပြုလုပ်ခဲ့ကြ ပါတယ်။ လဆန်းပိုင်း လွိုင်ကော်မှာ တွေ့ခဲ့ရတဲ့ ဆွေးနွေးပွဲကတော့ အဲဒီထဲက တစ်ခုပါပဲ။

IFC ရဲ့ဆက်သွယ်ရေး အရာရှိ တစ်ဖနီဟက်ကာ နော့စကီ က ဆွေးနွေးပွဲဟာ ရေအားလျှပ်စစ် ကဏ္ဍအတွက် မဟာဗျူဟာမြောက် သဘာဝ ပတ်ဝန်းကျင်ဆိုင်ရာ ဆန်းစစ်မှု (Strategic Environmental Assessment - SEA) ကိုရေးဆွဲနိုင်ဖို့ ရည်ရွယ်ကြောင်း ပြောပါတယ်။ သို့သော်လည်း IFC ဟာ နာမည်ကျော် မြစ်ဆုံစီမံကိန်း၊ ဧရာဝတီနဲ့ သံလွင်မြစ်ပေါ်က ရေအားလျှပ်စစ် စီမံကိန်းတွေမှာ တခြား ဘယ်အခန်းကဏ္ဍ ကနေမှ ပါဝင်မှာ မဟုတ်သလို၊ ညှိနှိုင်းဆောင်ရွက် ပေးတာတွေလည်း ပြုလုပ်မှာ မဟုတ်ဘူးလို့ သူက ပြောပါတယ်။

SEA အကြံပြု ဖော်ပြချက် နောက်ဆုံး အစီရင်ခံစာကို လာမယ့် အောက်တိုဘာမှာ ထုတ်ပြန် သွားမယ်လို့ IFC အကြီးတန်း အရာရှိတစ်ဦး ဖြစ်တဲ့ ကိတ်လာဇရုစ် က ပြောပါတယ်။

ဒေသခံတို့ရဲ့ပူပန်ချက်

လောပိတ ရွာပေါင်း ၁၇ ရွာထဲက ရှမ်းရွာဟာ ဘီလူးချောင်း အမှတ်(၁) စက်ရုံအနီး တည်ရှိပါတယ်။ ရွာနောက်ဘက် မှာတော့ တောင်ကတုံး ဖြစ်လုနီးပါး အခြေအနေကို မြင်နေရပါတယ်။

ရှမ်းရွာ အုပ်ချုပ်ရေးမှူး ဦးသိန်းဇံ က ဒေသ စိုက်ပျိုးရေးဟာ ဘီလူးချောင်း ရေကို အားထားခဲ့ရ ပေမယ့် ရေအားလျှပ်စစ် စီမံကိန်း ဖော်ဆောင်ပြီးတဲ့ နောက်ပိုင်းမှာ ရေမလုံလောက် တော့တဲ့အတွက် ရွှေ့ပြောင်း တောင်ယာ စိုက်ပျိုးရာကနေ တောပြုန်းလာ ရတယ်လို့ ပြောပါတယ်။

ဆွေးနွေးပွဲရောက် ကယားပြည်နယ် ဒေသခံ ဦးသက်တင် ကလည်း ဓာတ်အား စီမံကိန်းအတွက် ရေကာတာ တည်ဆောက်ရေးကို လုံးဝကန့်ကွက်သူ တစ်ဦး ဖြစ်ပါတယ်။

''သံလွင်မြစ်မှာ ရေကာတာ ခုနစ်စင်း ဆောက်မှာလေ၊ ရေမြုပ်ဧရိယာက ဘယ် လောက်လဲ၊ အဲဒီမှာ တောတွေ၊ သဘာဝ ပတ်ဝန်းကျင်၊ ဂေဟစနစ်၊ နောက်ပြီးတော့ ဒေသဆိုင်ရာ ယဉ်ကျေးမှုရိုးရာ တွေ ဘယ်လောက်ပျက်စီး သွားမလဲဆိုတဲ့ အချက်အလက်  ကို ကျွန်တော်တို့ ပြည်သူတွေကို ချမပြဘူး။ အခုဆောက်မယ် ပြောတဲ့ စီမံကိန်းတွေ အတွက် ကျေးရွာတွေ ဆင်းပြီး ရွာသူရွာသား တွေရဲ့ ထောက်ခံချက်ကို သူတို့ မယူထားဘူး'' လို့ ဦးသက်တင် က ပြောပါတယ်။

စီမံကိန်း ဖြစ်မြောက်ရေး အလားအလာ 

ရေလွှမ်းဧရိယာ ဟာ ဒေသခံတွေ ယူဆသလောက် ကြီးမားမှာ မဟုတ်ဘူးလို့ ဘီလူးချောင်း(၃) စက်ရုံက ပညာရှင်တစ်ဦးက ယူဆပါတယ်။

''လွိုင်ကော်မြို့ရဲ့ ပင်လယ်ရေ မျက်နှာပြင် အမြင့်က ပေ ၃,ဝဝဝ နီးပါးပေါ့။ ပေ ၅ဝဝ တမံတည်ရင် တမံထိပ်က ပေ ၈၅ဝ ပဲရှိမယ်။ တကယ် ဆောက်မယ်ဆိုရင် သံလွင်က အမြင့်ကြီး ဆောက်လို့ရတယ်။ စက်မောင်း ကောင်းအောင်လောက်ပဲ ဆောက်တာကြောင့် အများထင်နေသလို စင်ကာပူလောက်ရှိတဲ့ ရေလွှမ်းလွင်ပြင် မဖြစ်နိုင်ပါဘူး'' လို့ ပြောပါတယ်။

လောပိတရေအား လျှပ်စစ် ထုတ်လုပ်ရေး၊ ဘီလူးချောင်း အမှတ်(၃)စက်ရုံ က ပညာရှင် တစ်ဦးဖြစ်သူ ကလည်း ကျောက်မီးသွေး၊ သဘာဝဓာတ်ငွေ့ တို့က လျှပ်စစ်ဓာတ်အား ထုတ်လုပ်ခြင်းဟာ ကုန်ကြမ်း အမြဲတမ်း လုံလုံ လောက်လောက် ရမယ်လို့ အာမ မခံနိုင်ကြောင်း၊ ကိုယ့်လက်ထဲမှာ အသင့်ရှိနေတဲ့ ရေအားကိုပိုမို အသုံးချပြီး လျှပ်စစ်ဓာတ်အား ကို ထုတ်လုပ်သင့်ကြောင်း သုံးသပ်ပါတယ်။

လတ်တလော SEA အစီရင်ခံစာ ရေးဆွဲနိုင်ဖို့ ပြင်ဆင်နေဆဲ ကာလမှာ အကြီးစား ရေအားလျှပ်စစ် စီမံကိန်း တွေကို ရပ်နားထားရပါပြီ။

SEA ထွက်လာပြီးတဲ့ နောက်ပိုင်းမှာတော့ ကာလ အခြေအနေအရ တောင်းဆိုလာတဲ့ အပေါ်မူတည်ပြီး ချုပ်ထားပြီးသား စာချုပ်ထဲက အချက်အလက် တွေကို ပြောင်းလဲပြင်ဆင် သွားနိုင်ပါတယ်လို့ သယံဇာတနှင့် သဘာဝပတ် ဝန်းကျင် ထိန်းသိမ်းရေး ဝန်ကြီးဌာန ဒုတိယ ညွှန်ကြားရေးမှူး တစ်ဦးဖြစ်တဲ့ ဦးရဲဆွေ က ပြောပါတယ်။

လျော်ကြေးမပေး ရအောင်လို့ သဘောတူပြီးသား အကြီးစားစီမံကိန်း တွေကို အသေးစားစီမံကိန်း တွေအဖြစ် ပြောင်းလဲ နိုင်သလို၊ အစိုးရကိုယ်တိုင် စီမံအုပ်ချုပ်တဲ့ စီမံကိန်းများအဖြစ် ပြောင်းလဲတာလည်း ဖြစ်လာနိုင်တယ် လို့ ဒုတိယညွှန်ကြားရေးမှူး က ရှင်းပြပါတယ်။

ဖွံ့ဖြိုးရေးအတွက် သဘာဝတရားကို ဖျက်တယ်ဆိုတာထက် ပြုပြင်၊ ပြောင်းလဲ ပြင်ဆင်ရမှာ ဖြစ်တယ်။ ဒေသခံတွေရဲ့ နားလည်မှုကို ရဖို့အတွက် သူတို့ပြစ်တင်ငြိုငြင် တာတွေကို ရဲရဲရင့်ရင့် ရင်ဆိုင်သွားမယ်လို့ ဒုတိယ ညွှန်ကြားရေးမှူး ဦးရဲဆွေ က ဆိုပါ တယ်။ 

''ဖုန်ထတာကို ကြောက်နေရင် လမ်းကောင်းရနိုင်မှာ  မဟုတ်ဘူး'' လို့ ဦးရဲဆွေ က ပြောလိုက်ပါတယ်။

မြ၀တီနေ့စဉ်သတင်းစာ ၊ စာ(၂၅)