ပွဲဈေးတန်းများတွင်သာ အဓိကတွေကရတတ်သော မြန်မာ့ရိုးရာအစားအစာ ကောက်ညှင်းကျည်တောက် (ခေါ်) ခေါက်လံကျည်တောက်

( သီရိ ၊ H.O )

မြန်မာလူမျိုးတို့၏ မြန်မာ့ရိုးရာ အစားအစာများ ထဲတွင် အသက်အရွယ်မရွေး ကြိုက်နှစ်သက်ပြီး လက်ရှိအချိန်ထိ မပျောက်ပျက်ဘဲ စားသုံးနေသော စားစရာတစ်ခု ရှိပါသည်။ ၄င်းမှာ ကောက်ညှင်း ကျည်တောက် (ခေါ်) ခေါက်လံ ကျည်တောက် ဖြစ်သည်။

ထို ကောက်ညှင်း ကျည်တောက်မှာ ဘုရားပွဲဈေးတန်း၊ ညဈေးတန်း များတွင် မပါမဖြစ် ရောင်းချရသည့် မြန်မာ့ရိုးရာ စားစရာတစ်မျိုး လည်းဖြစ်သည်။ ယခင်က ကောက်ညှင်း ကျည်တောက်ကို ဆောင်းဦးရာသီ၏ ဝါးပေါများစွာ ထွက်လာသည့် အချိန်၌ တင်းဝါးများဖြင့် ပြုလုပ်ကြရ သောကြောင့် တစ်နှစ်ပတ်လုံး စားသုံး၍ မရဘဲ ထိုဆောင်းဦး ကာလမှသာ စားသုံး၍ ရသည်။ ယခု နောက်ပိုင်းတွင် မည့်သည်ကာလ တွင်မဆို ပြုလုပ် ရောင်းချမှုများ ရှိလာပြီဖြစ်သည်။

ကောက်ညှင်း ကျည်တောက် ပြုလုပ်ရာတွင် အဓိက အသုံးပြုသောဝါးမှာ တင်းဝါးဖြစ်သည်။ လွန်ခဲ့သည့် နှစ်ပေါင်း ၁ဝဝ ကျော် ကတည်းက မိရိုးဖလာ လုပ်ကိုင်ကြသော ဦးထွေး၊ ဒေါ်အေး၊ သမီးမဝိုင်း တို့၏ မျိုးဆက် ဒေါ်လှလှ က ကောက်ညှင်း ကျည်တောက် (ခေါ်) ခေါက်လံ ကျည်တောက် ပြုလုပ်ပုံ အဆင့်ဆင့်ကို ပြောပြရာတွင် ''လူအများစုက ကောက်ညှင်း ကျည်တောက် ပြုလုပ်တာကို လွယ်ကူတယ် ထင်ကြတယ်။ တကယ်တော့ မြန်မာ့ရိုးရာ အစားအစာတွေ ထဲမှာ ကောက်ညှင်း ကျည်တောက် ပြုလုပ်နည်းက ခက်ခဲပါတယ်။ ကောက်ညှင်း ကျည်တောက်က မီးအပြင်းလည်း သုံးလို့မရပါဘူး။ ဒါ့ပြင် မီးသွေးနဲ့လည်း ကင်လို့မရပါဘူး။ အစာသွတ် ထားတဲ့ ကောက်ညှင်း ကျည် တောက်ကို ဝါးအခြောက်၊ ဝါးဖတ်လေး တွေနဲ့ မီးကင်ရတာပါ။ လေငြိမ်၊ မငြိမ် ကလည်း အလွန် အရေးကြီးပြီး လေငြိမ်ရင် တစ်နာရီလောက်ပဲ ကင်ရပေမယ့် လေမငြိမ်ရင်တော့ တစ်နာရီမက ကြာပါတယ်။ မီးကင်မယ့် ဝါးကလည်း မနုလွန်း၊ မရင့်လွန်း အရွယ်အနေအထား သင့်တင့်တဲ့ တင်းဝါးကို အသုံးပြုရတယ်။ ကောက်ညှင်း ကျည်တောက် ပြုလုပ်မယ်ဆိုရင် ပထမဆုံး ကောက်ညှင်းကို အနည်းဆုံး နေ့တစ်ဝက်လောက် ရေစိမ်ထား ရပါတယ်။ 

ပြီးရင် စိမ်ထားတဲ့ ကောက်ညှင်းကို ဆားနဲ့နယ်ထားပြီး တင်းဝါးထဲကို ထည့်ကာ ကောက်ညှင်းထဲကို ရေလောင်းထည့်ပြီး တစ်ဖက်ကို ငှက်ပျောရွက်နဲ့ ပိတ်ပြီး မီးကင်ရပါတယ်။ ဒီလိုမီးကင်တဲ့ နေရာမှာ ကျွမ်းကျင်မှုက အဓိကလို့ပြော လို့ရပါတယ်။ တစ်ခါတည်း မီးနဲ့ကင်ရတာ မဟုတ်ဘဲ တစ်ဆင့်ချင်းကင်ရပါတယ်။ ပထမဆုံး ကင်မယ့် ကောက်ညှင်းကျည်တောက်ကို တန်းဘေးမှာ ထောင်ပြီး အောက်ခြေကစတင် မီးမြှိုက်ရတယ်။ ပြီးမှ အလယ်၊ အထက်ဆိုပြီး တစ်ဆင့်ချင်း မီးကင်ရပါတယ်။ ဒီလိုမီးကင်တာ မကျွမ်းကျင်ရင် မနပ်တဲ့ ကောက်ညှင်းတွေ ပါလာမှာဖြစ် ပါတယ်။ ကောက်ညှင်း ကျည်တောက်ကို လှည့်ပြီး သေချာ မီးကင်ရတာကြောင့် ကြည့်ရင် အလွယ်တကူ ပြုလုပ်လို့ရတဲ့ စားစရာလို့ ထင်မြင်ကြပေမယ့် အမှန်က အလွန် လက်ဝင်တဲ့ မြန်မာ့ရိုးရာ စားစရာတစ်ခု ဖြစ်ပါတယ်'' ဟု ပြောသည်။

ထို့ပြင် ကောက်ညှင်း ကျည်တောက် ပြုလုပ်ရာတွင် ကောက်ညှင်းဆန် အမျိုးအစားပေါင်း များစွာကို အသုံးပြုကြ သော်လည်း အမှန်တကယ် အလွန်နူးညံ့သော ကောက်ညှင်း ကျည်တောက် ရရှိရန် ပုသိမ်သွယ် ဟူသော ကောက်ညှင်းဆန်ကို အသုံးပြုလျှင် ကောင်းမွန်သည့် ကောက်ညှင်း ကျည်တောက်ကို ရရှိမည်ဖြစ်သည်။ ကောက်ညှင်းဆန် တစ်ပြည်လျှင် ကောက်ညှင်း ကျည်တောက် အလုံး အကြီး၊ အသေးပေါ် မူတည်၍ ပျမ်းမျှ ခေါက်လံ ကျည်တောက် ၂ဝ ရရှိပြီး အလုံးကြီးပါက ခေါက်လံ ကျည်တောက် ၁၅ ခုသာ ရရှိကြောင်း သိရသည်။

ထို ကောက်ညှင်း ကျည်တောက် သည် လူတန်းစားမရွေး ကြိုက်နှစ်သက်စွာ စားသုံးကြပြီး တချို့ဒေသများ၌ သကြားနှင့် အုန်းသီးကိုရော၍ စားကြသည်။ တချို့ဒေသ များ၌ ပဲနှင့်ရောသွတ်ကာ စားကြသကဲ့သို့ အုန်းသီးပါ တစ်ပါးတည်း သွတ်၍ စားကြကာ အချို၊ အဆိမ့် ဟူ၍ နှစ်မျိုးခွဲ စားသုံးကြသည်။

ကောက်ညှင်း ကျည်တောက် သည် မည်သည့်ဆိုးဆေး၊ နှပ်ဆေးများ ထည့်သွင်း အသုံးပြုစရာ မလိုသည့် စားစရာ ဖြစ်သည်။ အာဟာရ ပြည့်ဝပြီး ဝမ်းဝစေကာ ကောက်ညှင်းဆန် ကိုသာ အဓိကထားပြီး အသုံးပြုထားသော စားစရာ တစ်ခုလည်း ဖြစ်သည်။ ထို့ကြောင့် စာဖတ်သူ ပရိသတ်များ အနေဖြင့် သရေစာ စားစရာ အမျိုးအစား များစွာရှိ သော်လည်း ကောက်ညှင်း ကျည်တောက်မှာ တန်ဖိုးလည်း နည်းပြီး ကျန်းမာရေး အရလည်း သင့်လျော်သည့် အတွက် ပြုလုပ်စားသုံး နိုင်ရန် ရေးသားလိုက်ရ ပါသည်။

မြ၀တီနေ့စဉ်သတင်းစာ ၊ စာ(၅)