www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, January 31, 2017

ရခိုင်ပြည်နယ် မောင်တောဒေသ၏ လက်ရှိတည်ငြိမ် အေးချမ်းနေမှု အခြေအနေများ ဆွေးနွေး


နယ်စပ်ရေးရာ ဝန်ကြီးဌာန ပြည်ထောင်စု ဝန်ကြီး ဒုတိယဗိုလ်ချုပ်ကြီး ရဲအောင် 
ဆွစ်ဇာလန်နိုင်ငံ သံအမတ်ကြီး H.E. Mr. Paw R.Seger အား လက်ခံတွေ့ဆုံစဉ်

နေပြည်တော် ၊ ၃၁-၁-၂၀၁၇

နယ်စပ်ရေးရာ ဝန်ကြီးဌာန ပြည်ထောင်စု ဝန်ကြီး ဒုတိယဗိုလ်ချုပ်ကြီး ရဲအောင် အား ဆွစ်ဇာလန်နိုင်ငံ သံအမတ်ကြီး H.E. Mr. Paw R.Seger သည် ယမန်နေ့မွန်းလွဲ ၂ နာရီတွင် ပြည်ထောင်စု ဝန်ကြီး၏ ဧည့်ခန်းမ၌ လာရောက် တွေ့ဆုံသည်။

တွေ့ဆုံစဉ် ရခိုင်ပြည်နယ် မောင်တောဒေသ၏ လက်ရှိတည်ငြိမ် အေးချမ်းနေမှု အခြေအနေ များနှင့် နှစ်ဖက် လူ့အဖွဲ့အစည်း အတွင်း ရေရှည် သဟဇာတ ဖြစ်စွာ အတူလက်တွဲ နေထိုင်ရေးနှင့် လူသားချင်း စာနာ ထောက်ထားမှု အကူအညီများ ထောက်ပံ့ပေး နေမှု အခြေအနေများနှင့် လူမှုစီးပွားဘဝ ဖွံ့ဖြိုး တိုးတက်ရေး ဆောင်ရွက်ပေး နေမှုများ၊ ကချင်ပြည်နယ် နှင့် ရှမ်းပြည်နယ်တို့ရှိ IDPs များနှင့် ပတ်သက်၍ လူသားချင်း စာနာထောက် ထားမှု အကူအညီပေးရေး ဆိုင်ရာ ကိစ္စရပ်များ၊ နိုင်ငံတော် အစိုးရက လက်နက်ကိုင် ပဋိပက္ခများ ချုပ်ငြိမ်းစေရေး အတွက် အမျိုးသားပြန် လည်သင့် မြတ်ရေးနှင့် ငြိမ်းချမ်းရေး ဖော်ဆောင် နိုင်ရေးအတွက် ကြိုးပမ်းဆောင်ရွက် နေမှုများ၊ နယ်စပ်ရေးရာ ဝန်ကြီးဌာနနှင့် ဆွစ်ဇာလန် နိုင်ငံခြားရေး ဝန်ကြီးဌာနတို့၏ ပူးပေါင်း ဆောင်ရွက်ရေးနှင့် လူသားချင်း စာနာမှု အကူအညီ ပေးရေးဆိုင်ရာ အဖွဲ့အစည်း ဖြစ်သည့် ဆွစ်ဖွံ့ဖြိုးရေးနှင့် ပူးပေါင်း ဆောင်ရွက်ရေး အဖွဲ့ (SDC) တို့အကြား ပူးပေါင်း ဆောင်ရွက်လျက် ရှိသည့် ကရင်ပြည်နယ် နှင့် မွန်ပြည်နယ် တို့၌ အမေရိကန် ဒေါ်လာ ၅ ဒသမ ၅ သန်းဖြင့် ပညာရေး၊ ကျန်းမာရေး၊ အခြေခံ အဆောက်အအုံ လုပ်ငန်းနှင့် စွမ်းဆောင်ရည် မြှင့်တင်ခြင်း လုပ်ငန်းများ၏ အောင်မြင် ဖြစ်ထွန်းမှု များနှင့် ရှေ့ဆက်လက် ပိုမိုပူးပေါင်း ဆောင်ရွက်ရေး ဆိုင်ရာကိစ္စရပ် များအား ဆွေးနွေးခဲ့ ကြကြောင်း သိရှိရသည်။

မြ၀တီနေ့စဉ်သတင်းစာ ၊ စာ(၁၇)


No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page