www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, December 15, 2016

ပန်းသတင်း လေညင်းဆောင် လူ့သတင်း သတင်းစာကဆောင်


ပန်းသတင်း လေညင်းဆောင် လူ့သတင်း သတင်းစာကဆောင်

( သိင်္ခသူ )

မီဒီယာသည် နိုင်ငံတစ်နိုင်ငံတွင် မရှိမဖြစ် ကဏ္ဍတစ်ခု ဖြစ်သည်။ မီဒီယာက နိုင်ငံတကာနှင့် နိုင်ငံအတွင်း ဖြစ်ပေါ်နေသော နောက်ဆုံးရ သတင်းများ၊ အရေးကြီး သတင်းများနှင့် နိုင်ငံသားတိုင်း သိသင့်သိထိုက် သော သတင်းများ၊ နိုင်ငံတစ်ဝန်း ဖြစ်ပေါ်နေသော ကိစ္စရပ်များ ကို မှန်ရမည်၊ မြန်ရမည်၊ မျှတရမည် ဟူသော မသုံးလုံး ဖြင့် ရေးသားရိုက်နှိပ် ဖော်ပြရလေသည်။ ထိုသို့ ဖော်ပြရာတွင် သတင်းစာ ကျင့်ဝတ်၊ စာနယ်ဇင်း ကျင့်ဝတ်ကို လေးစားလိုက်နာ စောင့်ထိန်း ရလေသည်။

ပုဂ္ဂိုလ်ရေး ထိခိုက်မှုကို ရှောင်၍ မိမိ၏ အထင်အမြင် အယူအဆ အကြံအတွေး တို့ကိုလည်း ထည့်သွင်းရေးသား ခြင်းမှ ရှောင်ရှား ရလေသည်။ ထို့ပြင် လူမျိုးရေး၊ ဘာသာရေး၊ နိုင်ငံရေးကိစ္စများ၌ အထင်အမြင် လွဲမှားစေသော အရေးအသား၊ မြှောက်ပင့်၊ နှိမ့်ချရေးသားခြင်း တို့ကိုလည်း မပြုရပေ။ ဂိုဏ်းဂဏစွဲ များဖြင့် ဂိုဏ်းကွဲ၊ ဝါဒကွဲ၊ စနစ်ကွဲသော တစ်ဖက်အသင်း အဖွဲ့များအား စောင်းမြောင်းခြင်း၊ ရန်လိုခြင်း၊ ရန်တိုက်ပေးခြင်း၊ ဂိုဏ်းကွဲအောင် သွေးထိုးခြင်း များကိုလည်း မရေးသား သင့်ပေ။ ထို့ပြင် နိုင်ငံ့ခေါင်းဆောင် လူပုဂ္ဂိုလ်၊ အဖွဲ့အစည်းတို့ကို မိမိနှင့် ဘက်မတူတိုင်း အပြစ်ရှာ ရေးသားခြင်းလည်း မပြုအပ်ပေ။ မှန်ရာကိုသာ ထောက်ပြရေးသား ရသည်။

ဤနေရာ၌ မီဒီယာနှင့် ပတ်သက်သော သန် ၄ ကို (ကလောင်နာမည်) ရေးသားသည့် ပြည်တွင်းပြည်ပ ဟာသစာစုလေး တစ်ခုကို မူရင်းအတိုင်း ကိုးကားဖော်ပြ လိုပေသည်။ အဆိုပါ ဟာသစာစု ကလေး၏ ခေါင်းစီးက မီဒီယာဆိုသည်မှာ ဟူ၍ ဖြစ်သည်။

ဟိုရှေးရှေးတုန်းက မြန်မာနိုင်ငံမှာ ဝန်ကြီးချုပ်တစ်ပါး ရှိသတဲ့ကွယ်။ အဲဒီ ဝန်ကြီးချုပ်ဟာ စိတ်ညစ်နေတယ်။ ရေဘေးသင့် ဒေသလေး သွားစစ်မိပါတယ်။ လှေစီးတော့ စီးပြန်ပြီ၊ ရေထဲ ဆင်းလျှောက်တော့ လျှောက်ပြန်ပြီ၊ မီဒီယာတွေရဲ့အပြောကကို မလွတ်ဘူး။ ဒါနဲ့ လှေလည်း မစီးရ၊ ရေထဲလည်း ဆင်းမလျှောက် ရအောင် ရေပေါ်မှာ လမ်းလျှောက်နိုင်မှ ဖြစ်မယ်လို့ သူတွေးမိသတဲ့၊ အဲဒါနဲ့ ထူးခြားတဲ့ ကျင့်စဉ်တစ်ခုကို ပြင်းပြင်းထန်ထန် လေ့ကျင့် လိုက်တော့ အောင်မြင် သွားတယ်။ ခုရေပေါ်မှာ လမ်း လျှောက်တတ် သွားပြီ။ တစ်ရက်မှာ မီဒီယာတွေကို ဖိတ်လိုက်တယ်။ မြန်မာဘက်ကမ်း မြဝတီကနေ ထိုင်းဘက်ကမ်း မဲဆောက်ကို သောင်းရင်းမြစ် ရေပြင်ပေါ်က လမ်းဖြတ်လျှောက်ပြ လိုက်တယ်။ ထိုင်းဘက်က ပရိသတ်ကလည်း သောင်းသောင်းဖြဖြ ကြိုဆိုကြပြီး လက်ဆောင်တွေ ပေးလိုက်ကြတယ်။ အပြန်ခရီး မှာလည်း ရေပေါ် ကနေပဲ လမ်းလျှောက်ပြန် လာတယ်။ ဝန်ကြီးချုပ်စိတ်ထဲ ကြုံးဝါးလိုက်တယ်။ ဒါလောက်တောင် အပြစ်ပြော ချင်တဲ့ မီဒီယာတွေ ပြောကြစမ်း၊ ဒီတစ်ခါ ဘာပြောနိုင် မလဲဆိုတာ ကြည့်ကြသေး တာပေါ့။ 

ဒီလိုနဲ့ နောက်ရက်ထုတ် သတင်းစာ တွေမှာ ခေါင်းကြီးသတင်းတွေ ပါလာတယ်။ သတင်းစာ တစ်စောင်မှာတော့ ''ဝန်ကြီးချုပ်တစ်ယောက် လုပ်နေပြီး ရေလေးတောင် မကူးတတ်''၊ တခြားသတင်းစာ တစ်စောင်မှာက ''ဝန်ကြီး ချုပ် အာဏာကို အလွဲသုံးစားလုပ်ပြီး ထိုင်းဘက်မှ တံစိုးလက်ဆောင် များယူ''၊ ကမ္ဘာကျော် သတင်းစာ တစ်စောင်မှာက ''ဝန်ကြီးချုပ် တရားမဝင် နယ်စပ်ဖြတ်ကျော်'' အထက်ပါ ဟာသတွင် မသုံးလုံး မကြေသော မီဒီယာ၏ အတွင်းသဘောကို အထင်းသား မြင်နိုင်လေသည်။

နိုင်ငံ၏ စတုတ္ထမဏ္ဍိုင် ဟု ဆိုအပ်သော မီဒီယာသည် သတင်း အချက်အလက် များကို ရေးသားဖော်ပြရုံမျှ သာမက နိုင်ငံအတွက် အကျိုးရှိစေမည့် နိုင်ငံဦးဆောင် အစိုးရအဖွဲ့၏ အားနည်းချက်များ၊ လုပ်နည်း လုပ်ဟန်များ၊ စီမံကိန်းများ၊ လာဘ်စားမှုများ၊ လူမှုရေး ဖောက်ပြန်မှုများ စသည်တို့ကိုလည်း အပြုသဘောဖြင့် ထောက်ပြ ရေးသားသည့် ဆောင်းပါးများကို ဖော်ပြရမည်။ မှန်ကန်တိကျ ဖို့လိုပြီး အထောက်အထား သက်သေသာဓက များလည်း ရှိဖို့လိုသည်။ ထိုမျှသာမက ပုဂ္ဂလိက စီးပွားရေး သမားများ၊ စက်ရုံ၊ အလုပ်ရုံများမှ သဘာဝ ပတ်ဝန်းကျင် ကိုထိခိုက် စေသော ကုန်ထုတ်လုပ်မှုများ၊ ပြည်သူလူထု ကျန်းမာရေး ကိုထိခိုက်စေသော အစားအစာ၊ ဆေးဝါးပစ္စည်း ထုတ်လုပ် ရောင်းချမှုများ ကိုလည်း တာဝန်ရှိသူတို့ စစ်ဆေး အရေးယူ နိုင်စေရန် အထောက်အထား ပြည့်စုံစွာ ရေးသားဖော်ပြဖို့ လိုသည်။ ပြည်သူများ၏ အိတ်ကပ်ထဲမှ ချွေးနှဲစာကို လိမ်ယူနေသော အစားအသောက်၊ ဆေးဝါးပစ္စည်း ကြော်ငြာများကို စုံစမ်းဖော်ထုတ် ပေးဖို့လိုသည်။ ဥပမာ- ကားကံစမ်းမဲ ဖောက်မည်ဟု ကြေညာသော်လည်း တကယ်ဖောက် မပေးခြင်း၊ ဘေးထွက် ဆိုးကျိုး ရှိသော်လည်း ချဲ့ထွင်၍ အလွန်အကြူး ကြော်ငြာသည့် ဆေးဝါးများ စသည်ဖြင့် မီဒီယာတွင် သတင်း၊ သုတ၊ ရသ ဆောင်းပါးများ၊ သတင်းမှတ်စု၊ တစ်ပတ်အတွင်း သတင်းပဒေသာ၊ မှုခင်းသတင်း၊ နိုင်ငံတကာ သတင်း၊ ဘာသာပြန် ဆောင်းပါး၊ ဖျော်ဖြေရေးကဏ္ဍ စသည်ဖြင့် စုံစုံလင်လင် ပါတတ်သော်လည်း ပြည်သူ့ဘဝကို ထင်ဟပ်စေသော ဆောင်းပါးများ၊ ယဉ်ကျေးမှု အနုပညာ နယ်ပယ်မှ ဆောင်းပါးများ၊ ဇာတိမာန်ကို ထက်သန် စေသော ဆောင်းပါးများကို ဦးစားပေး ဖော်ပြသင့်သည်။

သတင်းစာသည် တစ်ချိန်တွင် သမိုင်းရေးသားရန် အထောက်အကူ ဖြစ်လာနိုင် သောကြောင့် ခေတ်ကာလ၏ လူနေမှုစနစ်၊ စီးပွားရေး၊ နိုင်ငံရေးစသည့် အမှန်တကယ် ကိုးကားထိုက်သည့် အကြောင်းအရာ များပါဝင်အောင် ထည့်သွင်းဖော်ပြ နိုင်ရမည်။ သမိုင်းဟု ဆိုရာ၌ လူတို့၏ အကြောင်းအရာ များသာမက သတင်းရေးသား ဖော်ပြသော သဒ္ဒါ၊ ဝေါဟာရ၊ အသုံးအနှုန်း၊ စာလုံးပေါင်း သတ်ပုံ စသည့် မြန်မာစာပေ သမိုင်းကို လည်း ထင်ဟပ်စေမည် ဖြစ်သည်။ တချို့က သတင်း ရေးသားရာ၌ ပေါ့ပေါ့တန်တန် ရေးသားခြင်းဖြင့် လည်းကောင်း၊ မြန်မာစာ ရေးထုံးသတ်ပုံ များကို အလေးမထားဘဲ အသံထွက်ကိုသာ အလွယ်တကူ ရေးသားခြင်းဖြင့် လည်းကောင်း၊ ဝေါဟာရဟု မဆိုနိုင်သော ခေတ်စကား၊ ဗန်းစကား တို့ကို ထည့်သွင်း ရေးသားခြင်း ဖြင့်လည်းကောင်း မြန်မာစာကို ဖျက်ဆီးကြသည်။

မြန်မာဘာသာဖြင့် ဖော်ပြ၍မရသော အသုံးအနှုန်း များအား အင်္ဂလိပ်စာလုံး များဖြင့် ရောယှက်ဖော်ပြ ရသော်လည်း မြန်မာဘာသာဖြင့် အဓိပ္ပာယ်ဖွင့်ဆို ပြနိုင်ပါက အင်္ဂလိပ်စာ မတတ်သူတို့ နားလည် သဘောပေါက် အောင် မြန်မာလိုပင် ရေးသားဖော်ပြ ရပေမည်။ အထူးသဖြင့် ပါဠိ၊ ပါဌ်ဆင့် ရေးသားခြင်းကို အတတ်နိုင်ဆုံး ရှောင်ကြဉ်ကာ ခေတ်သုံး ဝေါဟာရများ ကိုသာ ရေးသားသင့်သည်။

သတင်းစာဟူသည် နေ့စဉ်နှင့်အမျှ လူ့ပတ်ဝန်းကျင်တွင် ဖြစ်ပေါ်လျက် ရှိသော အဖြစ်အပျက် များကို လိုရင်းနှင့်တိုရှင်း ဖြစ်အောင် တိတိကျကျ ရေးသားဖော်ပြ ခြင်းဖြင့် အများပြည်သူတို့ သတင်းပေး ရေးသားခြင်း ဖြစ်သည်။ ဂျာမန်စကားပုံ တစ်ခုတွင် စကား၌ သတင်းပါသည် ဟုဆိုထား သောကြောင့် သတင်းစာ မပေါ်မီကပင် လူသားတို့အနေဖြင့် တစ်ဦးမှတစ်ဦး သို့ သိသင့် သိထိုက်သော စကားများ၊ မိမိ ထင်မြင်ယူဆချက် များ၊ အချင်းချင်း နှီးနှောမှုများကို စကားဖြင့် သိစေခြင်းဖြင့် ပန်းသတင်း လေညင်းဆောင် လူသတင်း လူချင်းဆောင် ဟူသော မြန်မာဆိုရိုးစကား တစ်ခုပင် ဖြစ်လာသည်။ ထို့ကြောင့် သတင်းစာသည် လူ့လောက အတွင်းရှိ လူတို့၏ သတင်းကို ဖော်ပြရင်းဖြင့် အနာဂတ် ကာလတွင် တင်မည့် သမိုင်းအတွက် မြန်မာစာပေနှင့် မြန်မာ့လူနေမှု ပုံရိပ်တို့ကို အထောက်အကူ ပြုမည့် အထောက်အထား များကို ကြိုတင်ရေးသားခြင်း ဖြစ်ပါကြောင်း တင်ပြလိုက်ရ ပေသည်။

မြ၀တီနေ့စဉ်သတင်းစာ ၊ စာ(၁၀)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page