နေပြည်တော် ၊ ၃၀-၁၁-၂၀၁၆
ရှမ်းပြည်နယ် အရှေ့မြောက် ဒေသ၊ မုံးကိုးမြို့ရှိ တပ်မတော် စစ်ကြောင်းက နယ်မြေလုံခြုံရေး ဆောင်ရွက်နေသည့် မုံးကိုးစခန်းအား နိုဝင်ဘာ ၂၈ ရက် နံနက် ၆ နာရီခွဲခန့်တွင် KIA အကြမ်းဖက် သောင်းကျန်းသူ အဖွဲ့မှ အင်အား ၂ဝ ဦးခန့်က စနိုက်ပါ၊ လက်နက်ငယ် များဖြင့် လာရောက် နှောင့်ယှက်ပစ်ခတ် ခဲ့သဖြင့် တပ်မတော် စစ်ကြောင်းက ပြန်လည် ပစ်ခတ်ခဲ့ရာ နံနက် ၆ နာရီ ၄၅ မိနစ်ခန့်တွင် ရန်သူများ အနောက်ဘက်သို့ ဆုတ်ခွာထွက် ပြေး သွားခဲ့သည်။ ဖြစ်စဉ်တွင် စစ်သည်တစ်ဦး ထိခိုက်ဒဏ်ရာ ရရှိခဲ့ကြောင်း သိရှိရသည်။
အလားတူ နိုဝင်ဘာ ၂၈ ရက် နံနက် ၁ဝ နာရီ ၂ဝ မိနစ် ခန့်တွင်လည်း ကြူကုတ် (ပန်ဆိုင်း) မြို့နယ်ရှိ ကောင်းကွေ့ စခန်းအား KIA အကြမ်းဖက် သောင်းကျန်းသူ အဖွဲ့မှ အင်အား ၁၂ ဦးခန့်က လည်းကောင်း၊ ထို့ပြင် နံနက် ၁ဝ နာရီ ၅ဝ မိနစ်ခန့်တွင် မုံးကိုးမြို့ရှိ ဖောင်းဆိုင် စခန်းအား KIA အကြမ်းဖက် သောင်းကျန်းသူ အဖွဲ့မှ အင်အား ၂ဝ ဦးခန့်က လည်းကောင်း လက်နက်ကြီး၊ လက်နက်ငယ် များဖြင့် ထပ်မံလာရောက် ပစ်ခတ်ခဲ့သဖြင့် တပ်မတော် စစ်ကြောင်းများက ပြန်လည်ပစ်ခတ် တိုက်ခိုက် ခဲ့ရကြောင်း သိရှိရသည်။
မြ၀တီနေ့စဉ်သတင်းစာ ၊ စာ(၁၁)
.jpg)
No comments:
Post a Comment