နေပြည်တော် ၊ ၁၉-၁၀-၂၀၁၆
နေပြည်တော်၌ တည်ဆောက် နေသော ရေအရည်အသွေး ဆန်းစစ်သည့် ဓာတ်ခွဲခန်းတွင် လိုအပ်သော စက်ပစ္စည်း များကို အောက်တိုဘာလ အတွင်း အပြီးတပ်ဆင် သွားမည် ဖြစ်ကြောင်း သယံဇာတနှင့် သဘာဝ ပတ်ဝန်းကျင် ထိန်းသိမ်းရေး ဝန်ကြီးဌာနမှ သိရသည်။
အဆိုပါ ရေအရည်အသွေး ဆန်းစစ်သည့် ဓာတ်ခွဲခန်းကို နော်ဝေနိုင်ငံ နိုင်ငံတကာ သုတေသန ဌာန၏ ပံ့ပိုးကူညီမှုဖြင့် တည်ဆောက် နေပြီး လက်ရှိတွင် လိုအပ်သော စက်ပစ္စည်းများ တပ်ဆင်လျက် ရှိကာ ဝန်ထမ်း များကိုလည်း သင်တန်းများ ပေးလျက်ရှိ သည်။ ဓာတ်ခွဲခန်း တည်ဆောက် ပြီးစီးပါက မြစ်ချောင်းများမှ ရေ၏ အရည်အသွေး များကို ဆန်းစစ် လေ့လာမှုများ ပြုလုပ်မည် ဖြစ်ပြီး လူအများ အသုံးပြုသော မြစ်ချောင်းများရှိရေများကို အဓိကထား လေ့လာ သွားမည်ဖြစ်ကြောင်း၊ ထို့ပြင် မြစ်ချောင်းများရှိ ရေအရည်အသွေး ညစ်ညမ်းမှု မရှိစေရန် ထိန်းသိမ်းခြင်း လုပ်ငန်းများကိုပါ ဆောင်ရွက်မည် ဖြစ်သည်။
''မြစ်ချောင်းတွေ ထဲကရေတွေ ညစ်ညမ်းနေရင် အသုံးပြုသူ တွေရဲ့ ကျန်းမာရေးကို ထိခိုက်မှု ရှိလာနိုင်သလို ရေနေသတ္တဝါ တွေလည်း မျိုးသုဉ်းမှု အန္တရာယ်တွေ ရှိလာ နိုင်ပါတယ်။ ဒါကို ထိန်းသိမ်းဖို့ အတွက် ပြည်တွင်းမှာ ရေအရည်အသွေး ဆန်းစစ်တဲ့ ဓာတ်ခွဲခန်းတွေ တည်ဆောက် နိုင်ဖို့ လိုအပ်ပါတယ်။ ဒါကြောင့် အချိန်မီ ကာကွယ် နိုင်အောင် လုပ်ဆောင် နေတာပါ''ဟု သယံဇာတနှင့် သဘာဝ ပတ်ဝန်းကျင် ထိန်းသိမ်းရေး ဝန်ကြီး ဌာနမှ တာဝန်ရှိသူ တစ်ဦးက ပြောသည်။
ယင်း ရေအရည်အသွေး ဆန်းစစ်သည့် ဓာတ်ခွဲခန်း တည်ဆောက်ပြီး ပါက ရေတွင် ပျော်ဝင်သော ဓာတ်များ၏ ဂုဏ်သတ္တိများ ကို အသေးစိတ် စစ်ဆေးနိုင်မည် ဖြစ်ကြောင်း သိရသည်။
မြ၀တီနေ့စဉ် ၊ စာ(၆)
.jpg)
No comments:
Post a Comment