www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, September 21, 2016

ရန်ကုန်မြို့ပြ အမွေအနှစ်မဟာဗျူဟာ မကြာမီ ထုတ်ပြန်မည်



ရန်ကုန် ၊ ၂၁-၉-၂၀၁၆

ရန်ကုန်မြို့၏ ရှေးဟောင်း အမွေအနှစ် များကို ထိန်းသိမ်း ကာကွယ်ရန်နှင့် လက်ရှိ ရန်ကုန်မြို့၏ ဖြစ်နိုင်ခြေ အလားအလာ များကို ပြုစုထားသည့် ရန်ကုန်မြို့ပြ အမွေအနှစ် မဟာဗျူဟာ Yangon Heritage Strategy ကို မကြာမီထုတ်ပြန် ပေးသွားမည် ဖြစ်ကြောင်း ရန်ကုန်မြို့ပြ အမွေအနှစ် ထိန်းသိမ်း စောင့်ရှောက်ရေး အဖွဲ့မှ သိရသည်။

ရန်ကုန်မြို့ပြ အမွေအနှစ် များကို ထိန်းသိမ်း စောင့်ရှောက် ရာတွင် တစ်မြို့လုံးကို ခြုံငုံ ဆောင်ရွက်ရန် လိုအပ်ပြီး တခြားမြို့များ ၏ အားနည်းချက် များကို သင်ခန်းစာ ယူကာ လူဦးရေ တိုးပွားလာသည် နှင့်အမျှ ကွဲပြား စုံလင်လှသည့် လူ့အသိုင်းအဝိုင်း၊ ရိုးရာဓလေ့၊ စီးပွားရေးနှင့် သမိုင်း အကြောင်းအရာ တို့ကို မြို့ပြနေထိုင်မှု ဘဝထဲ၌ ပါဝင်အောင် ဆောင်ရွက် သင့်ကြောင်း ရန်ကုန်မြို့ပြ အမွေအနှစ် ထိန်းသိမ်း စောင့်ရှောက်ရေး အဖွဲ့မှ တာဝန်ရှိသူ တစ်ဦးက ပြောသည်။

ထို့ပြင် အထပ်မြင့် အဆောက်အအုံ များကို ထိန်းချုပ်ပြီး အမွေအနှစ် ထိန်းသိမ်း စောင့်ရှောက်ရန် ကျယ်ဝန်းသည့် နေရာရှိခြင်း အားဖြင့် မြို့၏အထင်ကရ နေရာများ နှင့် ကောင်းမွန်သည့် ပတ်ဝန်းကျင်ကိုပါ ကာကွယ်ထား နိုင်မည် ဖြစ်ခြင်းကြောင့် ယင်း ရည်ရွယ်ချက် များကို အောင်မြင်စွာ ဆောင်ရွက် နိုင်ပါက ရန်ကုန်မြို့၏ လူမှုရေးနှင့် စီးပွားရေး ကဏ္ဍများအပေါ် ကောင်းမွန်သော အကျိုး သက်ရောက်စေမည် ဖြစ်သည်။

ရန်ကုန်မြို့၌ စိမ်းလန်းပြီး စနစ်တကျ ရေးဆွဲထားသည့် မြို့တည်ထားမှု နှင့် ယဉ်ကျေးမှု အမွေအနှစ် များစွာရှိနေပြီး ယင်းတို့သည် အာရှတိုက်၏ ရှားပါး လက်ကျန် သမိုင်းဝင်မြို့ပြ ရှုခင်းလည်း ဖြစ်သည်။ ထို့ကြောင့် ကောင်းမွန်သည့် ရင်းနှီးမြှုပ်နှံ မှုနှင့် စီမံခန့်ခွဲမှုများ ဆောင်ရွက်ပါက အာရှ၏ အချက်အချာမြို့များ ဖြစ်သည့် ဗန်ကောက်၊ ကွာလာလမ်ပူ၊ ဟောင်ကောင် နှင့် မနီလာ စသည့်မြို့များ ကဲ့သို့ ဖြစ်လာ နိုင်ကြောင်း သိရသည်။ (၄၄၇)

မြ၀တီနေ့စဉ် ၊ စာ(၃)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page