မှိုတက်နေသော အစားအစာများ စားသုံးခြင်းနှင့် ဖြစ်ပွားနိုင်သော ဆိုးကျိုးများ

မမမော် (နမ့်စလပ်-ရှမ်းမြောက်)

နိုင်ငံတစ်နိုင်ငံ ဖွံ့ဖြိုးတိုးတက် ရန်မှာ စီးပွားရေး တိုးတက် ကောင်းမွန်ရေး သာမက ကျန်းမာရေး သည် အရေးကြီးသော အခန်းကဏ္ဍမှ ပါဝင်လျက် ရှိပေသည်။ ကျန်းမာမှ မိမိ၏တာဝန်၊ ကိစ္စအဝဝ၊ လူမှုရေး၊ စီးပွားရေး၊ ကူးသန်း ရောင်းဝယ်ရေး သာမက လူတစ်ဦး၏ တစ်နေ့တာ လုပ်ဆောင်ချက် တိုင်းကို စိတ်ချမ်းသာစွာ လုပ်ဆောင် နိုင်မည်သာ ဖြစ်ပေသည်။

ကျွန်ုပ်တို့နိုင်ငံတွင် လူတို့သည် အစားအစာကို နည်းမျိုးစုံ ပြုလုပ်စားသုံး တတ်ကြပေသည်။ လွယ်လွယ်ကူကူ ချက်ပြုတ်စားသုံး၍ ရသော်လည်း အစာကို တန်ဆာဆင်ကာ နည်းလမ်းသစ်များ အချဉ်၊ အစပ်၊ နှစ်ရှည်ထား၍ ပြုလုပ်ကာ စားသုံးတတ် ကြသည်။ အစာကို တန်ဆာဆင်ခြင်း ဆိုသည်မှာ ဂျုံဖြင့် ပြုလုပ်သော မုန့်အမျိုးမျိုးကို အရောင် ဆိုးဆေးများ ဆိုး၍လည်းကောင်း၊ မုန့်ထဲတွင် အရွက်အမျိုးမျိုး၊ အသား အမျိုးမျိုး၊ သကြားဖြင့် ပြုလုပ်သော အချိုကရင်(မ်) များအား အရောင်အမျိုးမျိုး ဆိုးကာ လှပသော ပုံသဏ္ဌာန် အမျိုးမျိုး ဖြင့် အစာသွတ် ပြုလုပ်ခြင်းကို အစာကို တန်ဆာဆင်ခြင်း ဟုပင် ဆိုရပေမည်။

ယခုအခါ မိုးတွင်းကာလ ဖြစ်သောကြောင့် အစားအစာ စားသုံးရာတွင် အထူးသတိပြု စားသုံးရန် လိုအပ်ပေသည်။ ရာသီဥတု၏ စွတ်စိုသော အအေးကြောင့် တချို့သော မုန့်တို့သည် ကြာရှည်မခံဘဲ မှိုတက်သည်။ မုန့်များ ပြုလုပ်ထုပ်ပိုး ရာတွင် စားသုံးရန် ကုန်ဆုံးမည့်ရက် ထည့်သွင်းဖော်ပြ ထားသော်လည်း တချို့မှာ မုန့်ဘူးထဲတွင် ပင် မှိုတက်နေသည်။ ရောင်းသူက အမှတ်မဲ့ ရောင်း၍ ဝယ်ယူစားသုံး သူက အမှတ်တမဲ့ စားသုံးကြသည်။ 

ရက်လွန်နေသော အစားအစာတွင် တက်သောမှိုတို့ သည် အရောင်အမျိုးမျိုး ရှိသည်။ တချို့မှိုတို့ကား အစိမ်းနုရောင် ရှိ၏။ တချို့က အဝါရောင် ရှိတတ်ပြီး တချို့မှာ မုန့်၏ ဆိုးထားသော အရောင်ပေါ် မူတည်၍ ရှိတတ်ကြ ပေသည်။ များသောအားဖြင့် အစားအစာ များတွင် တက်သောမှို များမှာ အဖြူရောင် ရှိသည်က များသည်။

ကျောင်းများတွင် နေ့စဉ်ရောင်း နေသော အသင့်စား မုန့်များတွင် မှိုတချို့ ပါဝင်နေသည်။ ဂျုံဖြင့်ပြုလုပ်သော မုန့်များ ဥပမာ-ပေါင်မုန့်၊ အသား အစာသွတ်မုန့်များ၊ မဆလာနှင့် ရောစပ်၍ ပြုလုပ်ထားသော အချဉ်ထုပ်၊ ဆီးထုပ်များ၊ ဆီးအမှုန့်နှင့် ပြုလုပ်ထားသော တော်ဖီများ၊ ငရုတ်ဆီမှုန့်နှင့် ရောစပ်ထားသော အချဉ်ထုပ်များ၌ မှိုများ ပါဝင်တတ်သဖြင့် ကလေးများအား သတိ ပြုစားရန် အထူးကြပ်မတ် ပေးသင့်သည်။

မှိုတက်သော အစားအစာ များသည် များသောအားဖြင့် အချဉ်ဆိမ့်သော အစားအသောက်များ၊ နှစ်ရှည်ခံ ပြုလုပ်ထားသော အစားအသောက်များ၊ ဆီစိမ်ပြုလုပ် ထားသော လက်ဖက်၊ ပဲပုပ်၊ ဆီတို့ဟူး စသည့် အစားအစာများ၊ ငရုတ်သီး အစိမ်းမှုန့်၊ ငရုတ်သီး အကျက်မှုန့်၊ ငရုတ်သီးခွဲကြမ်း အမှုန့်များသည် အစိုပြန်၍ မှိုတက်တတ် သည်ကို သိရှိရပေမည်။

လက်ဖက်ဆီစိမ် များတွင် ကာလကြာ ထားသည့်အခါ အပေါ်ယံ အလွှာ၌ အဖြူရောင် မှိုများ ဖြစ်လေ့ရှိသဖြင့် နှစ်ရှည်ခံ အစာများ စားသုံးရာတွင် အထူးသတိပြု ထားသင့်သည်။ ပုစွန်ချဉ် အထုပ်များ၊ ငါးလေးချဉ် အထုပ်များနှင့် ကောက်ညှင်းထုပ် များအား ဖက်ရွက်ဖြင့် တာရှည်ခံရန် ထုပ်ရာတွင် ၄င်းဖက်ရွက်မှ စေးထန်းသော အညိုရောင်မှိုများ တက်နေတတ်ပြီး စားသုံးမိသူများ အတွက် ဝမ်းပျက်ဝေဒနာများ၊ ဗိုက်အောင့်ခြင်း၊ မသန့်ရှင်းသော အစား အသောက်ကြောင့် အစာအိမ်ကိုထိခိုက်ခြင်း၊ မှိုတက်ခြင်း မှတစ်ဆင့် ဗက်တီးရီးယား ပိုးများ ပေါက်ပွား ဖြစ်ပေါ်လာပြီး အဆိပ်အတောက် ဖြစ်စေခြင်းအပြင် မှိုတက်စာများ မကြာခဏ စားသုံးမိခြင်းဖြင့် ကင်ဆာရောဂါ ကိုလည်း ဖြစ်ပွားနိုင်ကြောင်း သိရပေမည်။ မှိုတက်စာ စားမိသည့် အတွက် ကိုယ်ခံအားနည်း သူအဖို့ သွေးနှင့် ပတ်သက်၍ အရေပြား ယားယံခြင်း ဝေဒနာများလည်း ဖြစ်တတ်ပေသည်။

နှစ်စဉ်ဇွန်လမှ စ၍ မူလတန်း၊ အလယ်တန်း၊ အထက်တန်း ကျောင်းများ ဖွင့်ကြပြီး မိုးတွင်းကာလ ဖြစ်သည့် အလျောက် ရာသီဥတု ကူးပြောင်းချိန်တွင် စာသင်ကျောင်းနေ ကျောင်းသား၊ ကျောင်းသူတို့၏ ကျန်းမာရေးကို အထူးအလေးထား ဂရုစိုက်ရန် လိုအပ်ပေသည်။ ဆရာမိဘ ပူးပေါင်း၍ ကျောင်းသား၊ ကျောင်းသူများ၏ ကျန်းမာရေး အတွက် ကျောင်းကျန်းမာရေး တာဝန်ရှိသူ များနှင့် ပူးပေါင်း ဆောင်ရွက်ရန် လိုအပ်ပေသည်။

အစားအသောက် များကို သန့်ရှင်း လတ်ဆတ်စွာ စားသုံးနိုင်ရန် သတိပေးချက်များ၊ အသိပေး လက်ကမ်း စာစောင်များဖြင့် ညွှန်ကြားနိုင်ရန် လိုအပ်ပေသည်။ ကျန်းမာရေးနှင့် ပတ်သက်၍ ကျောင်းများတွင် ရောင်းရန် မသင့်သော အစာများ မရောင်းရန် ချမှတ် အကောင် အထည်ဖော် ပြုလုပ်နေသည်မှာလည်း အထူးပင် ကောင်းမွန်လှ ပေသည်။ ကလေးများ အတွက် အာဟာရ ပြည့်စုံ သန့်ရှင်းရေးသည် အဓိက ဖြစ်ပေသည်။ 

အရောင်ဆိုးဆေး ပါသော အစားအစာများ မစားသင့် သလို မုန့်များတွင် မှိုရှိ၊ မရှိ သေချာကြည့်ရှု ပြီးမှ စားသုံးသင့် ကြောင်း ထပ်၍ အသိပေး လိုက်ပါသည်။

အချုပ်အားဖြင့် ဆိုသော် ကျန်းမာခြင်းသည် လာဘ်တစ်ပါး ဖြစ်သည်။ ပါးစပ်က အရသာကို တစ်ခဏသာ ခံစား၍ ကိုယ်ခန္ဓာက အစားအသောက်ကို လက်ခံ ချက်ခြင်းသာ ဖြစ်သည်။ ''အစားတစ်လုပ် အဆုံးအသက်'' မဖြစ် စေလိုပါ။ မျက်မှောက် ကာလတွင် အစားအစာသည် လူတိုင်းအတွက် သုံးတတ်လျှင်ဆေး ဖြစ်၍ မစားသုံးတတ် လျှင် ဘေးဖြစ်စေ ပါသည်။ ''အစာလည်းဆေး ဆေးလည်းအစာ'' ဟု သိထားကြရ ပေမည်။ အစားအစာအား ကျန်းမာရေး ကောင်းမွန်စေရန် ပူပူနွေးနွေး စားသုံးသင့်ပြီး လတ်ဆတ်သော အသီးအရွက်များ စားသုံးခြင်း၊ ယင်နားစာများ ရှောင်ရှား၍ စားသုံးခြင်း၊ အချဉ်ဖောက် ထားသော အစားအသောက်များ၊ နှစ်ရှည်ခံ အစားအစာများ၊ ရက်လွန်သော အစားအစာများ၊ အစားအစာ အရောင်ပေါ် မူတည်၍ မှိုစွဲနေသော အစားအစာများ၊ နှစ်ရှည်ခံ ပြုလုပ်ထားသော ငရုတ်၊ အရောင်တင်မှုန့် များအား သတိပြု ရှောင်ရှား စားသုံးရန် လိုအပ်ကြောင်း အသိပေးအပ် ပါသည်။

ရောဂါတစ်ခု မဖြစ်ခင်က ကြိုတင် ကာကွယ် ရှောင်ရှားခြင်း သည် ရောဂါဖြစ်လာမှ ကုသခြင်းထက် ပို၍ အကျိုးထူး ရှိပေသည်။ ကြိုတင် ကာကွယ်ခြင်းကြောင့် ရောဂါမဖြစ်နိုင်၊ မပြန့်ပွားနိုင်ဘဲ အချိန်တို အတွင်း အကျိုးထူး ရရှိစေပါသည်။ ရောဂါတစ်ခု ဖြစ်ပွားလာမှ ကုသခြင်းသည် မိမိ၏ ကျန်းမာရေးနှင့် အချိန်များ၊ ငွေများကို ပေးနေရခြင်းဖြင့် လူတိုင်းအတွက် အကျိုးထူး မရနိုင်ပေ။ ဤသို့ဖြင့် အစားအစာ တစ်ခုမစားခင် မိမိနှင့် အဆင်ပြေ၊ မပြေ၊ လတ်ဆတ်မှု ရှိ၊ မရှိ၊ မှိုတက်ခြင်း ရှိ၊ မရှိ သတိထား၍ စားသုံးသင့်ကြောင်း စေတနာ ကောင်းဖြင့် တိုက်တွန်းနှိုးဆော် လိုက်ပါသည်။

မြ၀တီနေ့စဉ် ၊ စာ(၁၃)