www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, August 25, 2016

မြန်မာ့တပ်မတော် အစီအစဉ်ဖြင့် မလေးရှားနိုင်ငံရှိ ထိန်းသိမ်းရေးစခန်း များမှ မြန်မာနိုင်ငံသား စုစုပေါင်း ၄၁၁ ဦးအား အခမဲ့ ပြန်လည်ခေါ်ဆောင်ပေး


တာဝန်ရှိသူများက မလေးရှားနိုင်ငံမှ ပြန်လည်ရောက်ရှိ လာသော မြန်မာနိုင်ငံသား များအား ကြိုဆိုနှုတ်ဆက်စဉ်

နေပြည်တော် ၊ ၂၅-၈-၂၀၁၆

မလေးရှားနိုင်ငံရှိ ထိန်းသိမ်းရေး စခန်း ၁၁ ခုတွင် အကြောင်း အမျိုးမျိုးကြောင့် ရောက်ရှိထိန်းသိမ်းခံ နေကြရသည့် မြန်မာနိုင်ငံသား များအနက် နေရပ်ပြန်ရန် အခက်အခဲရှိ နေသူများမှ ၄ဝဝ ကျော်အား တပ်မတော် (ကြည်း၊ ရေ၊ လေ) မိသားစုများ၏ စိတ်စေတနာ အရ မြန်မာ့တပ်မတော် ၏ အစီအစဉ်ဖြင့် MAI စင်းလုံးငှား လေယာဉ်နှင့် မလေးရှားနိုင်ငံ ကွာလာလမ်ပူ မြို့မှ အမိ မြန်မာနိုင်ငံ ရန်ကုန်မြို့သို့ အခမဲ့ပြန်လည် ခေါ်ဆောင် ပေးလျက်ရှိသည်။

ထိုသို့ ခေါ်ဆောင် ပေးလျက်ရှိရာ ယမန်နေ့ ညနေပိုင်းတွင် ၁၃၆ ဦးကို တတိယ အသုတ်အဖြစ် ပြန်လည်ခေါ်ဆောင် ခဲ့ပြီး ရန်ကုန် အပြည်ပြည်ဆိုင်ရာ လေဆိပ်သို့ ည ၈ နာရီ ၄ဝ မိနစ်တွင် ရောက်ရှိရာ တပ်မတော် အရာရှိ ကြီးများ၊ နိုင်ငံခြားရေး ဝန်ကြီးဌာန၊ ပြည်ထဲရေး ဝန်ကြီးဌာန၊ ပို့ဆောင်ရေးနှင့် ဆက်သွယ်ရေး ဝန်ကြီးဌာန၊ အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အား ဝန်ကြီးဌာန၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေး ဝန်ကြီးဌာနမှ တာဝန်ရှိ သူများ၊ ကမ္ဘောဇ အနာဂတ် အလင်းတန်း မြန်မာ ဖောင်ဒေးရှင်းမှ တာဝန်ရှိသူများ၊ IOM ရုံးမှတာဝန် ရှိသူများ၊ ပြန်လည် ရောက်ရှိလာကြ သူများ၏ မိသားစုဝင်များက နွေးထွေးစွာ ကြိုဆိုခဲ့ ကြသည်။

အဆိုပါ ၁၃၆ ဦးမှာ နေပြည်တော် ကောင်စီနယ်မြေ မှတစ်ဦး၊ ရန်ကုန်တိုင်း ဒေသကြီးမှ ခြောက်ဦး၊ မန္တလေးတိုင်း ဒေသကြီးမှ နှစ်ဦး၊ စစ်ကိုင်းတိုင်း ဒေသကြီးမှ လေးဦး၊ ပဲခူးတိုင်း ဒေသကြီးမှ ရှစ်ဦး၊ မကွေးတိုင်း ဒေသကြီးမှ လေးဦး၊ တနင်္သာရီတိုင်း ဒေသကြီးမှ ၁၈ ဦး၊ ကချင်ပြည်နယ်မှ တစ်ဦး၊ ကယားပြည်နယ် မှ တစ်ဦး၊ ကရင်ပြည်နယ်မှ ၁၇ ဦး၊ မွန်ပြည်နယ်မှ ၃၈ ဦး၊ ရခိုင်ပြည်နယ်မှ ၂၁ ဦး၊ ရှမ်းပြည်နယ်မှ နှစ်ဦးနှင့် ချင်းပြည်နယ်မှ ၁၃ ဦး တို့ဖြစ်ကြောင်း သိရှိရသည်။

ပြည်သူလူထု၏ အသက်အိုးအိမ် စည်းစိမ်ကို ကာကွယ် စောင့်ရှောက်ရန်၊ ပြည်သူလူထု အကျိုးစီးပွားကို ဖော်ဆောင်ပေး ရန်မှာ တပ်မတော်၏ အမျိုးသားရေး တာဝန် ထမ်းဆောင်မှု ဖြစ်သည်နှင့် အညီ ပြည်ပနိုင်ငံ များတွင် ဒုက္ခမျိုးစုံဖြင့် ရင်ဆိုင်ကြုံတွေ့ နေသည့် မြန်မာနိုင်ငံသား များအား အမိနိုင်ငံသို့ ပြန်လည် ခေါ်ယူနိုင်ရေး အတွက် တစ်တပ်တစ်အား ကူညီ ဆောင်ရွက်ခဲ့ရာ ပထမအသုတ် အဖြစ် ၁၃၈ ဦးအား သြဂုတ် ၁၇ ရက်တွင်လည်း ကောင်း၊ ဒုတိယအသုတ် အဖြစ် ၁၃၇ ဦးအား သြဂုတ် ၁၉ ရက်တွင် လည်းကောင်း၊ တတိယ အသုတ်အဖြစ် ၁၃၆ ဦးအား ယမန်နေ့တွင် လည်းကောင်း စုစုပေါင်း ၄၁၁ ဦးအား ခေါ်ဆောင် ပေးခဲ့ကြောင်း သတင်း ရရှိသည်။ 

(၁၀၀)

မြ၀တီနေ့စဉ် ၊ စာ(၆)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page