ကျိုင်းတုံ ၊ ၁၃-၇-၂၀၁၆
ရှမ်းပြည်နယ် (အရှေ့ပိုင်း) ကျိုင်းတုံ တက္ကသိုလ် တွင် ရှမ်းစာပေကို စတင်သင်ကြား ပေးမည်ဖြစ်ကြောင်း ကျိုင်းတုံ တက္ကသိုလ် ရူပဗေဒဌာနမှူး ပါမောက္ခ ဒေါက်တာ စိုင်းထွန်းအေး က ပြောသည်။
''ကျိုင်းတုံ တက္ကသိုလ်မှာ တက်ရောက်နေတဲ့ ရှမ်းတိုင်းရင်းသား တွေက အကြောင်း အမျိုးမျိုးကြောင့် ရှမ်းစကားနဲ့ ရှမ်းစာပေ မတတ်ခဲ့ကြလို့ သင်ကြားပေး တာပါ။ ခွင့်ပြုချက် ရရင် ဒီလအတွင်း စတင် သင်ကြားပေး ပါမယ်'' ဟု ၄င်းက ပြောသည်။
ကျိုင်းတုံတက္ကသိုလ် ရှမ်းစာပေနှင့် ယဉ်ကျေးမှု ကော်မတီ အနေဖြင့် ရှမ်းတိုင်းရင်းသား များအပါအဝင် တခြား စိတ်ပါဝင်စားသည့် တိုင်းရင်းသား များကိုပါ ရှမ်းစာပေ သင်ကြားပေးမည် ဖြစ်ကြောင်း သိရသည်။
ရှမ်းပြည်နယ် (အရှေ့ပိုင်း) ကျိုင်းတုံမြို့ရှိ ကျိုင်းတုံတက္ကသိုလ် အပါအဝင် နည်းပညာ တက္ကသိုလ်နှင့် ကွန်ပျူတာ တက္ကသိုလ် တို့၌ ရှမ်းစာပေနှင့် ယဉ်ကျေးမှု ကော်မတီများကို ၂ဝ၁၅ ခုနှစ်က စတင်ဖွဲ့စည်း ခဲ့သည့်အပြင် တက္ကသိုလ်များ စုပေါင်း၍ ရှမ်းစာပေနှင့် ယဉ်ကျေးမှု ကော်မတီအဖြစ် ထပ်မံဖွဲ့စည်း ထားသည်။
တိုင်းဒေသကြီးနှင့် ပြည်နယ်များ၌ တိုင်းရင်းသား ဘာသာစကား များကို ကျောင်းချိန် ပြင်ပတွင် တရားဝင် သင်ကြားခွင့်အား ၂ဝ၁၃ ခုနှစ် အောက်တိုဘာလ ကခွင့်ပြုပြီး ဖြစ်သော်လည်း သက်ဆိုင်ရာ ဒေသရှိ စာသင်ကျောင်း များ၏ စာသင်ခန်း၊ စားပွဲ၊ ထိုင်ခုံနှင့် ကျောက်သင်ပုန်း များကို အသုံးပြု ရမည် ဖြစ်သောကြောင့် ရုံးစည်းမျဉ်း၊ စည်းကမ်းများ နှင့်အညီ စနစ်တကျ ဖြစ်စေရန် မြို့နယ် ပညာရေးမှူးရုံး သို့ ခွင့်ပြုချက် တောင်းခံ ခဲ့ခြင်းဖြစ်ကြောင်း သိရသည်။
ဇာဏီ
မြ၀တီနေ့စဉ် ၊ စာ(၁၂)
.jpg)
No comments:
Post a Comment