www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, July 13, 2016

သမိုင်းဘာသာရပ် သင်ပြသူနည်းပါးပြီး သမိုင်းဖွံ့ဖြိုးရေး အတွက် ဆန်းစစ်လုပ်ဆောင်ရန်လို



ရန်ကုန် ၊ ၁၃-၇-၂၀၁၆

မြန်မာ့ ပညာရေး လောကအတွင်း သမိုင်း ဘာသာရပ် နှင့် ပတ်သက်၍ သင်ကြား ပြသပေးသူ နည်းပါးလာပြီး သမိုင်း ဘာသာရပ် ဖွံ့ဖြိုးရေး အတွက် ဆန်းစစ် လုပ်ဆောင်ရန် လိုအပ်လာကြောင်း ရန်ကုန်တိုင်း ဒေသကြီး ပညာရေး မှူးရုံးမှ ဒုတိယ ညွှန်ကြားရေးမှူး (ပညာ) ဒေါ်ဆွေဆွေလဲ့ က ပြောသည်။

ပညာရေး ကဏ္ဍတွင် သမိုင်း ဘာသာရပ် သင်ယူသူ အရေအတွက်မှာ သိသိသာသာ နည်းပါး လာကြောင်း၊ ယခုကဲ့သို့ နည်းပါး လာခြင်းသည် သိပ္ပံ၊ ဝိဇ္ဇာ ဘာသာရပ် ခွဲခြားခြင်း၊ လုပ်ငန်းကဏ္ဍ များသည် အိုင်တီခေတ် နှင့်အညီ အိုင်တီနှင့် ဆက်နွှယ်သည့် လုပ်ငန်း များသာ လုပ်ကိုင်ခြင်း များကြသဖြင့် သမိုင်း သင်ယူမှု နည်းပါး လာသည့် အနေအထား ဖြစ်နိုင်ကြောင်း သိရသည်။

ထို့ပြင် သမိုင်းဘာသာရပ် သင်ကြားသူ နည်းပါး လာသည်နှင့် အတူ သမိုင်း၊ ပထဝီ ဘာသာရပ် တို့ဖြင့် စာမေးပွဲ ကျရှုံးသူများလည်း ရှိလာသဖြင့် ယခုအခါ သင်္ချာ၊ အင်္ဂလိပ်စာ ဘာသာရပ်တို့ နှင့်အတူ သမိုင်း၊ ပထဝီဝင် ဘာသာရပ် တို့မှာလည်း အလေးထားရန် လိုအပ်ကြောင်း သိရသည်။

ပညာရေးကဏ္ဍ တွင် အဋ္ဌမတန်း ပြီးပါက  ဘာသာရပ်ခွဲရာတွင် ဝိဇ္ဇာ ဘာသာရပ်ကို သင်ယူသူနည်းပြီး သိပ္ပံ ဘာသာရပ်ကိုသာ သင်ယူသူ အရေအတွက် များနေကာ အဝေးသင် တက္ကသိုလ် တက်ရောက် ရာတွင်လည်း ပထဝီနှင့် မြန်မာစာ ဘာသာရပ်များ ကိုသာ လျှောက်ထားမှု များပြီး သမိုင်းဘာသာရပ် ကို လျှောက်ထားသူ နည်းပါးလျက် ရှိသည်။

သို့ဖြစ်၍ ကျောင်းသား၊ ကျောင်းသူများ မြန်မာစာ နှင့် ပထဝီဝင် ဘာသာရပ်များကို စိတ်ဝင်စားမှု ရှိနေပြီး သမိုင်းဘာသာရပ် ကိုပါ စိတ်ပါဝင်စားမှု ရှိလာစေရန်နှင့် မြန်မာလူမျိုးများ မြန်မာ့သမိုင်း စဉ်ဆက် သိရှိစေရန် ဆန်းစစ် လုပ်ဆောင်သွားရန် လိုအပ်ကြောင်း သိရသည်။ (ကေကေ)

မြ၀တီနေ့စဉ် ၊ စာ(၁၂)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page