www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, July 13, 2016

တောင်ကြီးတက္ကသိုလ်၌ ခရီးသွားလုပ်ငန်းဆိုင်ရာ ဘွဲ့ကြိုသင်တန်း တိုးချဲ့ဖွင့်လှစ်မည်



တောင်ကြီး ၊ ၁၃-၇-၂၀၁၆

ရှမ်းပြည်နယ် (တောင်ပိုင်း) တောင်ကြီးမြို့ ရှိ တောင်ကြီး တက္ကသိုလ်၌ ၂ဝ၁၆-၂ဝ၁၇ ပညာသင်နှစ်မှ စ၍ ခရီးသွား လုပ်ငန်းဆိုင်ရာ ဘွဲ့ကြိုသင်တန်း တိုးချဲ့ဖွင့်လှစ် သွားရန် စီစဉ် ထားကြောင်း ဟိုတယ်နှင့် ခရီးသွားလာရေး ဝန်ကြီးဌာနမှ တာဝန်ရှိသူ တစ်ဦးက ပြောသည်။

B.A(Tourism & Hospitality Management) ဘွဲ့ ပေးအပ် ချီးမြှင့်မည့် ခရီးသွားလုပ်ငန်း ဆိုင်ရာ ဘွဲ့ကြိုသင်တန်း တိုးချဲ့ဖွင့်လှစ်ရန် စီစဉ်ထားခြင်း ဖြစ်ပြီး လာမည့် တက္ကသိုလ် ပညာသင်နှစ်မှ စ၍ ဖွင့်လှစ်သွားမည် ဖြစ်ကြောင်း သိရသည်။ အဆိုပါ ဘာသာရပ်ကို တက်ရောက်ရန် ၂ဝ၁၅-၂ဝ၁၆ ပညာသင်နှစ် တက္ကသိုလ်ဝင် စာမေးပွဲဖြေဆို အောင်မြင်ခဲ့သူများ လျှောက်ထား နိုင်ကြောင်း သိရသည်။

ထို့ပြင် အမှတ် ကန့်သတ်ချက် မရှိဘဲ တစ်နှစ်လျှင် ဘွဲ့ကြို သင်တန်းသား ဦးရေ ၁ဝဝ ခန့် ခေါ်ယူသွားမည် ဖြစ်ပြီး ကျောင်းသား၊ ကျောင်းသူများ အတွက်လည်း အဆောင်များ စီစဉ်ပေးသွားမည် ဖြစ်သည်။

မြန်မာနိုင်ငံ၌ ဟိုတယ်နှင့် ခရီးသွားလုပ်ငန်း ကဏ္ဍ မြှင့်တင်ရေးကို တစ်ဖက်တစ်လမ်းမှ အထောက်အကူ ဖြစ်စေရန်နှင့် ပြည်တွင်းမှ ကျောင်းသား၊ ကျောင်းသူများ အနေဖြင့် အဆင့်မြင့် ခရီးသွား လုပ်ငန်းဆိုင်ရာ ဘာသာရပ်များ လေ့လာသင်ယူ နိုင်စေရန် စသည့် ရည်ရွယ်ချက် များဖြင့် နိုင်ငံတစ်ဝန်းရှိ တက္ကသိုလ် ကျောင်းများ၊ ဒီဂရီကောလိပ် များ၌ ခရီးသွားလုပ်ငန်း ဆိုင်ရာ ဘွဲ့ကြို သင်တန်းများ ဖွင့်လှစ်သွားမည် ဖြစ်ရာ ရှေးဦးစွာ တောင်ကြီး တက္ကသိုလ် ၌ တိုးချဲ့ဖွင့်လှစ်ရန် စီစဉ်ထားခြင်း ဖြစ်ကြောင်း သိရသည်။

လက်ရှိတွင် ခရီးသွားလုပ်ငန်း ဆိုင်ရာ ဘာသာရပ်များ သင်ကြားပေးသော B.A (Tourism) ဘွဲ့ကြိုသင်တန်း များကို ရန်ကုန် နှင့် မန္တလေးမြို့ တို့၌ ဖွင့်လှစ် သင်ကြားပေး နေပြီး ရန်ကုန်တိုင်း ဒေသကြီး ဗိုလ်တထောင် မြို့နယ်၌ ဖွင့်လှစ်ထားသော အမျိုးသား စီမံခန့်ခွဲမှု ပညာဒီဂရီ ကောလိပ် (NMDC) ၌ သင်ကြား ပို့ချလျက် ရှိကြောင်း သိရသည်။

ဆောင်းဦး

မြ၀တီနေ့စဉ် ၊ စာ(၄)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger