( ကောင်းထက် )
Glioblastomas ဆိုသည်မှာ ဦးနှောက် ကင်ဆာပုံစံ တစ်မျိုးဖြစ်ပြီး လွန်ခဲ့သည့် နှစ်နှစ်အတွင်း ယင်းကင်ဆာ ရောဂါ ခံစားရသူ ၇ဝ ရာခိုင်နှုန်းမှာ အသက် ရှင်သန်ခွင့် မရရှိခဲ့ပေ။ အဘယ်ကြောင့် ဆိုသော် ဦးနှောက် ကင်ဆာရောဂါ သည် ဆေးပညာရှင်များ အတွက် ကုသရန် ခက်ခဲသော ရောဂါတစ်မျိုး ဖြစ်နေသော ကြောင့်ပင် ဖြစ်သည်။
သို့သော် ယခုအခါတွင်မူ မြောက်ကယ်ရိုလိုင်းနား တက္ကသိုလ်မှ သုတေသန ပညာရှင် များသည် အရေပြားဆဲလ် များကို ကင်ဆာဆဲလ် များအား ရှာဖွေတိုက်ဖျက် နိုင်သော ပင်မဆဲလ်များ အဖြစ် ပြောင်းလဲ နိုင်သည့် နည်းလမ်းကို တွေ့ရှိထားပြီ ဖြစ်ပြီး ယင်းနည်းလမ်းဖြင့် ပြုပြင်ပြောင်းလဲ ထားသော ပင်မဆဲလ် များသည် ဦးနှောက် ကင်ဆာဆဲလ် များကို ရှာဖွေချေမှုန်း နိုင်စွမ်းရှိသည်။
ယခုကဲ့သို့ ကင်ဆာရောဂါ ကုသရာတွင် ဆဲလ်များကို တိုက်ရိုက် ပြန်လည် ပြုပြင်ခြင်း၊ နည်းပညာ အသုံးပြု နိုင်ခြင်းသည် နှစ်ပေါင်း ၃ဝ အတွင်း ပထမဆုံးအကြိမ် ဖြစ်သည့် အပြင် ၂ဝ၁၂ ခုနှစ်က ဆေးပညာ နိုဘယ်လ် ဆု ရရှိခဲ့သည့် ပင်မဆဲလ် နည်းပညာကို တိုးတက် လုပ်ဆောင် ထားခြင်း ဖြစ်သည်။
သုတေသန ပညာရှင် များသည် အရေပြားဆဲလ်များ ဖြစ်ပေါ်စေသည့် ကိုလာဂျင်နှင့် တစ်သျှူးများကို အာရုံကြော ဆိုင်ရာ ပင်မဆဲလ် များအဖြစ် ပြောင်းလဲကာ ကြွက်များကို စမ်းသပ်ခဲ့ခြင်း ဖြစ်သည်။ ထို့နောက် ယင်း အာရုံကြော ဆိုင်ရာ ပင်မဆဲလ် များသည် ကင်ဆာဆဲလ် များ တိုက်ဖျက်ရေး ပရိုတိန်းများကို ထုတ်လုပ်ပြီး ဦးနှောက် အတွင်းရှိ ကင်ဆာဆဲလ်များ အားလုံးကို အကြွင်းအကျန် ပင်မရှိရ လေအောင် သုတ်သင်နိုင်ခဲ့ သည်ကို တွေ့ရှိရသည်။
ထို့ကြောင့် သုတေသန ပညာရှင် များသည် လူသားများတွင် ယင်းကဲ့သို့ ဆဲလ်များ အသုံးပြု၍ ကင်ဆာအကျိတ် များကို ချေမှုန်းနိုင်သည့် အာရုံကြော ဆိုင်ရာ ပင်မဆဲလ် များကို ဖန်တီးပြီး ပိုမို ထိရောက်သည့် ကင်ဆာ တိုက်ဖျက်ရေး ကုသမှု နည်းလမ်းများ ဖော်ထုတ် သွားရန် ဆက်လက် လုပ်ဆောင် သွားမည် ဖြစ်ပြီး အဆိုပါ ဆဲလ်များ ခန္ဓာကိုယ် အတွင်း ရေရှည်တည်တံ့ နိုင်ရေးအတွက် နည်းလမ်း များကိုလည်း ရှာဖွေသွားမည် ဖြစ်ကြောင်း ဆေးပညာ သိပ္ပံ၏ ဖွံ့ဖြိုး တိုးတက်မှု သတင်းကောင်း အား ရေးသား တင်ပြ လိုက်ရပါသည်။
မြ၀တီနေ့စဉ် ၊ စာ(၂၁)
.jpg)
No comments:
Post a Comment