www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, October 27, 2015

Lovejoy ကြယ်တံခွန်က တစ်စက္ကန့်လျှင် ၀ိုင်ပုလင်း ၅၀၀ နှင့် ညီမျှသော အယ်လ်ကိုဟောများ ထုတ်လွှတ်




ပဲရစ် ၊ ၂၇-၁၀-၂၀၁၅

ကမ္ဘာကို နှစ်ပေါင်း ၈ဝဝဝ တွင် တစ်ကြိမ် ဖြတ်သန်းလေ့ ရှိသည့် ကြယ်တံခွန် Lovejoy သည် တစ်စက္ကန့်လျှင် ဝိုင်ပုလင်း ၅ဝဝ နှင့်ညီမျှသော အယ်လ်ကိုဟော ကို ထုတ်လွှတ်ကြောင်း ပြင်သစ်နိုင်ငံ အခြေစိုက် ပဲရစ်နက္ခတ် တာရာကြည့် မျှော်စင်မှ သုတေသီ နီကိုးလပ်ဘိုင်ဗာ က ပြောပြသည်။

အဆိုပါ အယ်လ်ကိုဟော သည် အီသိုင်း အယ်လ်ကိုဟော ဖြစ်ပြီး သကြားဓာတ် တစ်မျိုးဖြစ်သော ဂလိုင်ကို လယ်ဒီဟိုက် ကိုလည်း ထုတ်လွှတ်ကြောင်း၊ ၄င်းဓာတ် နှစ်ခုသည် အဆိုပါ ကြယ်တံခွန်ရှိ ရေခဲထုအတွင်း တည်ရှိ နေကြောင်း ၄င်းက ဆက်လက် ပြောပြသည်။

''ကမ္ဘာကြီးရဲ့ သယံဇာတ တွေကို တူးဖော်သုံးစွဲ နေထိုင် နေကြတဲ့ လူသားတွေဟာ အင်္ဂါဂြိုဟ်ကိုလဲ နယ်ချဲ့ပြီး နေထိုင်ရှင်သန် နိုင်ဖို့ ကြိုးစားနေသလို ကမ္ဘာ့ပြင်ပ ဂြိုဟ်တွေပေါ် မှာလဲ သတ္တုတွင်းထွက် တွေကို တူးဖော်နိုင်ဖို့  အကြံကြီးကြီး နဲ့ ရည်ရွယ် ဆောင်ရွက် နေကြပါတယ်။ ဂြိုဟ်တွေအပြင် ကြယ်တံခွန်နဲ့ ဥက္ကာပျံ တွေကိုလဲ စူးစမ်းလေ့လာ နေတာဖြစ်ပြီး အခုဆိုရင် အယ်လ်ကိုဟော နဲ့ သကြားကို ထုတ်လွှတ်နေတဲ့ ကြယ်တံခွန်ကြီး ကိုလဲ တွေ့ရှိခဲ့ပြီ ဖြစ်ပါတယ်။ တစ်နေ့နေ့ မှာတော့ ကမ္ဘာ့ပြင်ပ အာကာသ ထဲကနေ လူသားတွေ အတွက် အသုံးပြုနိုင်မယ့် ဓာတ်သတ္တု ပစ္စည်းတွေ ယူဆောင် လာနိုင်လိမ့်မယ်လို့ မျှော်လင့် ပါတယ်'' ဟု ၄င်းက ဆက်လက် ပြောပြသည်။

ကြယ်တံခွန် အများစုသည် ကျောက်သား၊ ရေခဲ၊ ရေနှင့်ဖုန်မှုန့် များဖြင့် ဖွဲ့စည်း ဖြစ်တည်ရာတွင် အခြားသော ဓာတ်ပေါင်း အများအပြား လဲ ပါဝင်နိုင်ကြောင်း ၊ သို့သော် အယ်လ်ကိုဟောနှင့် သကြားပါဝင်သည့် ကြယ်တံခွန်မှာ Lovejoy ကြယ်တံခွန် တစ်ခုတည်းသာ ရှိသေးကြောင်း၊ ကြယ်တံခွန် များတွင် ပါရှိသော ဓာတုပစ္စည်း များကို လေ့လာပြီး ဂြိုဟ်များစတင် ဖြစ်ပေါ်လာပုံနှင့် သက်ရှိဘဝ စတင်တည်ရှိ ရှင်သန် ကြီးထွားလာပုံ တို့၏ အစကို ဖော်ထုတ်သိရှိ နိုင်မည်ဟု သုတေသီ များက ယုံကြည် ထားကြသည်။

Lovejoy ကြယ်တံခွန် ကို ကမ္ဘာပေါ်မှာ ယခုနှစ် ဇန်နဝါရီ ၃ဝ ရက်က နောက်ဆုံး တွေ့ရှိခဲ့ခြင်း ဖြစ်ပြီး အဆိုပါ ကြယ်တံခွန်ကို ကြည့်ရှုခွင့် ရရန် သုတေသီ များက စပိန်နိုင်ငံ၊ Institute de Radioastronomie Milllimetrique ရှိ မီတာ ၃ဝ ရေဒီယို အင်တာနာကို အသုံးပြုကာ ဖမ်းယူကြည့်ရှု ခဲ့ရကြောင်း၊ Lovejoy ကြယ်တံခွန် သည် ကမ္ဘာကို ၁ဝဝ၁၅ ခုနှစ်တွင် နောက်ထပ် တစ်ကြိမ် ဖြတ်သန်းမည် ဖြစ်ကြောင်း သိရသည်။

ရတနာပုံနေ့စဉ် ၊ စာ(၁၂)

#Yadanarpondaily

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page