www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, October 27, 2015

ကမ္ဘာ့မျိုးစေ့ဘဏ် သို့မဟုတ် ကမ္ဘာ့ဒုတိယ နှလုံးခုန်သံ


ကမ္ဘာ့မျိုးစေ့ဘဏ် သို့မဟုတ် ကမ္ဘာ့ဒုတိယ နှလုံးခုန်သံ

ကမ္ဘာ့ မြောက်ဝင်ရိုးစွန်း နှင့် မိုင်ပေါင်း ၈၁၀ သာ ကွာဝေးတော့သည့် ဝေးလံသီခေါင် လှသော Artic Svalbard ကျွန်းစုရှိ နော်ဝေ အစိုးရပိုင် Spitsbergen ကျွန်းပေါ်တွင် လျှို့ ဝှက် လုံခြုံစွာ ထိန်းသိမ်း ထားရှိသော ကမ္ဘာ့ မျိုးစေ့ဘဏ် Svalbard Global Seed Vault တည်ရှိသည်။

ကမ္ဘာ့နိုင်ငံ အသီးသီးတွင် သဘာဝအရ ပေါက်ရောက်သော၊ လူတို့ စိုက်ပျိုးသော ကောက်ပဲသီးနှံ နှင့်အပင်တို့ ၏ မျိုးစေ့ကို သက်ဆိုင်ရာ နိုင်ငံက မျိုးစေ့ဘဏ် ဖွင့်လှစ် ထားရှိရ၏။ နိုင်ငံပေါင်း ၂၅၀ ကျော်တို့ ၏ မျိုးစေ့ဘဏ် တို့မှ မျိုးစေ့အမျိုး နမူနာ အားလုံးကို ဤ ကမ္ဘာ့မျိုးစေ့ဘဏ် တွင် စုဆောင်း သိုလှောင် ထိန်းသိမ်း ထားရှိရန် အပြည်ပြည်ဆိုင်ရာ စိုက်ပျိုးရေး သုတေသန အတိုင်ပင်ခံ အဖွဲ့ ၏ အကူအညီဖြင့် သဘာဝ ပတ်ဝန်းကျင် ထိန်းသိမ်းရေး သမား ကယ်ရီဖောင်လာ က စတင် ဆောင်ရွက်ခဲ့ခြင်း ဖြစ်သည်။ 





ကမ္ဘာ့နိုင်ငံ အသီးသီးတွင် စိုက်ပျိုးထားသော ကောက်ပဲသီးနှံ များသည် သဘာဝ ဘေးအန္တရာယ် ကြောင့်ဖြစ်စေ၊ လူလုပ် ဘေးအန္တရာယ် ကြောင့်ဖြစ်စေ ပျက်စီးသွားပါက ယင်းနိုင်ငံ၏ မျိုးစေ့ဘဏ် များမှ မျိုးစေ့များကို ထုတ်ယူ စိုက်ပျိုးကာ ယင်းနိုင်ငံ၏ အစာရေစာ ပြဿနာကို ဖြေရှင်းနိုင်မည် ဖြစ်၏။ ဘေးအန္တရာယ် ကျရောက်ချိန်တွင် မျိုးစေ့ဘဏ် လည်း ပျက်စီးသွားလျှင် အခြားနိုင်ငံ များ၏ မျိုးစေ့ဘဏ်မှ ချေးယူသုံးစွဲကာ အသက်ဆက်ရန် ဖြစ်သည်။ သို့ သော် ကမ္ဘာတစ်ဝန်းလုံး ပျက်စီးနိုင် လောက်သည့် ဘေးအန္တရာယ် ဆိုးကြီးများ ကျရောက်ကာ ကမ္ဘာတစ်ဝန်းရှိ မျိုးစေ့ဘဏ်များ ပျက်စီးဆုံးရှုံး သွားခဲ့သော် ကမ္ဘာကြီး၏ နောက်ဆုံးအဆင့် အသက်ကယ်ဆေး အနေဖြင့် ဤ ကမ္ဘာ့ မျိုးစေ့ဘဏ်မှ မျိုးစေ့များကို ထုတ်ယူဖြန့် ဝေ စိုက်ပျိုး စားသောက် ရှင်သန်ရန် ရည်ရွယ်စီစဉ် ထားခြင်းဖြစ်သည်။ 

ဤ ကမ္ဘာ့ မျိုးစေ့ဘဏ် ကြီးကို နေဝေအစိုးရ၊ ကမ္ဘာ့ ကောက်ပဲသီးနှံ ထိန်းသိမ်း စောင့်ရှောက်ရေး အဖွဲ့  GCDT နှင့် NordGen ဗီဇဓာတုပစ္စည်း အရင်းအမြစ်ဌာန တို့  ၃ ဖွဲ့ က ပူးပေါင်း ဆောင်ရွက်၊ ထိန်းသိမ်း စောင့်ရှောက် ထားခြင်း ဖြစ်သည်။ ဤမျိုးစေ့ ဘဏ်ကြီးအတွက် နော်ဝေ အစိုးရက ငွေကြေး အပြည့်အ၀ ထောက်ပံ့ထားရာ ဘဏ် ဆောက်လုပ်မှု ကုန်ကျစရိတ်မှာ အမေရိကန် ဒေါ်လာ ၉ သန်း ဖြစ်၏။ မည်သည့် နိုင်ငံမှ မျိုးစေ့ကို မဆို ဤ ဘဏ်ကြီးတွင် အခမဲ့ လာရောက် အပ်နှံထား နိုင်သည်။

ယင်းကဲ့သို့ အပ်နှံရန် အခြား ကုန်ကျမှု များကို GCDT နှင့် နော်ဝေ အစိုးရက ထပ်မံကျခံ၏။ ယင်း ကုန်ကျမှုများ အတွက်  Microsoft ဖခင်ကြီး တည်ထောင် ထားသော Bill & Melinda Gates Foundation ကဲ့သို့  အလှူရှင် များက ဆက်လက် ထောက်ပံ့ပြီး နိုင်ငံတကာ အစိုးရ အဖွဲ့ များ ကလည်း တတ်အားသရွေ့ ပါဝင် လှူဒါန်းကြသည်။ 

NordGen သည် ၁၉၈၄ ခုနှစ် ကတည်းက Svalbard ရှိ ကျောက်မီးသွေး တွင်းအဟောင်း တစ်ခု၌ မျိုးစေ့များကို အအေးခံ သိုလှောင်ခြင်းကို စတင် လုပ်ကိုင်ခဲ့ရာ ကောက်ပဲသီးနှံ အမျိုးပေါင်း ၃၀၀ ကျော်၏ ထွန်ယက် စိုက်ပျိုးနိုင်သော အဆင့်ရှိ မျိုးစေ့ အမျိုးပေါင်း ၂၀၀၀ ကျော်အတွက် မျိုးစေ့ပေါင်း ၁၀၀၀၀ ကျော်ကို စုဆောင်း နိုင်ခဲ့၏။ NordGen သည် အာဖရိက တောင်ပိုင်းဖွံ့ ဖြိုး တိုးတက်ရေး အသိုက်အ၀န်း ထံမှလည်း မျိုးစေ့များကို ပွားယူ၏။ နောက်ပိုင်းတွင် NordGen က စုဆောင်းထားသော မျိုးစေ့များနှင့် အာဖရိက တောင်ပိုင်းမှ စုဆောင်း ထားသော မျိုးစေ့များ အားလုံးကို ကမ္ဘာ့ မျိုးစေ့ဘဏ်တွင် ထည့်သွင်း ထားခဲ့ခြင်း ဖြစ်သည်။ 

ကမ္ဘာ့မျိုးစေ့ ဘဏ်ကြီးကို စတင် တည်ဆောက်ရန် အုတ်မြစ်ချခြင်း အမှုကို ၂၀၀၆ ခုနှစ်၊ ဇွန်လ (၁၉) ရက်တွင် နော်ဝေ၊ ဆွီဒင်၊ ဖင်လန်၊ ဒိန်းမတ် နှင့် အိုင်စလန် နိုင်ငံတို့ မှ ၀န်ကြီးချုပ်များ ကိုယ်တိုင် အခမ်းအနားဖြင့် ပြုလုပ်ခဲ့ ကြသည်။

ကမ္ဘာ့မျိုးစေ့ ဘဏ်ကြီးသည် Spitsbergen ကျွန်းရှိ သဲကျောက်တောင် ကြီးတစ်ခုကို ထွင်းကာ ဆောက်လုပ် ထားခြင်းဖြစ်ပြီး အရှည် ၃၉၀ ပေ ရှိပြီး လုံခြုံရေး အဆင့်အတန်း မြင့်မားစွာဖြင့် စီမံထားရှိ၏။ မျိုးစေ့များကို အထူး ပြုလုပ်ထားသော ထုပ်ပိုးပစ္စည်း များဖြင့် (၄) ထပ် ထုပ်ပိုး၏။ စိုစွတ်ပျက်စီးမှု မရှိစေရန် အထုပ်အတွင်း၌ ရေငွေ့ အားလုံး ထွက်အောင် အပူ ပေးပြီးမှ အလုံပိတ် ထားသည်။ ဘဏ်၏ လုံခြုံရေးစနစ် မြင့်မားမှုကြောင့် လူသား အစောင့်အရှောက် များ အမြဲထားရှိရန် မလိုအပ် သော်လည်း NordGen က အစဉ် စောင့်ကြည့်လျက် ရှိသည်။

Spitsbergen သည် မြေအောက် ကျောက်သား ဆက်ကြောင်း ပေါ်တွင် မရှိသဖြင့် ငလျင်လှုပ်မည့် ဒဏ်ခံရနိုင်ခြေ အနည်းဆုံး ဖြစ်ခြင်း၊ အစဉ်သဖြင့် ရေခဲနေသော ဒေသ ဖြစ်သည့်အတွက် ရေခဲခန်း အထွေအထူး ပြုလုပ်ရန် မလိုအပ်ခြင်း၊ ပင်လယ် ရေမျက်နှာပြင် အထက် အမြင့် ၄၃၀ ပေ ရှိသဖြင့် ရေခဲတောင်များ အရည်ပျော် လျှင်လည်း ဘဏ်ထဲသို့ ရေ၀င်ရောက် နိုင်မည့် အလားအလာ မရှိခြင်း၊ ယင်းဒေသ၌ ကျောက်မီးသွေး ပေါများပြီး ရေခဲသေတ္တာ များအတွက် လျှပ်စစ်ဓာတ်အား ထုတ်လုပ်ရန် လောင်စာ လွယ်ကူခြင်း၊ ပတ်ဝန်းကျင် အပူချိန်သည် အနုတ် ၃ ဒီဂရီ စင်တီဂရိတ် သာ ရှိသဖြင့် ရေခဲ သေတ္တာများ ရပ်ဆိုင်း သွားလျှင်လည်း ရက်သတ္တပါတ် နှင့်ချီ မျိုးစေ့များ မပျက်မစီး တည်ရှိနိုင်ခြင်း အစရှိသည့် အားသာချက် များကြောင့် Spitsbergen ကို ကမ္ဘာ့မျိုးစေ့ဘဏ် ဆောက်လုပ်ရန် နေရာအဖြစ် ရွေးချယ်ထားခြင်း ဖြစ်၏။ 

ဤ မျိုးစေ့ဘဏ်ကြီး ကို ၂၀၀၈ ခုနှစ်တွင် တည်ဆောက် ပြီးစီးကာ ဖေဖော်ဝါရီလ (၂၆) ရက်နေ့ တွင် စတင်ဖွင့်လှစ် ခဲ့သည်။ စတင် ဖွင့်လှစ်ခဲ့သော အချိန်တွင် မျိုးစေ့ဘဏ် အတွင်း၌ မျိုးစေ့နမူနာ ၁ ဒသမ ၅ သန်း ရှိခဲ့၏။

နိုင်ငံတကာ က ပူးပေါင်းပါဝင် သိုလှောင်လေ၊ သိုလှောင်နိုင်သည့် မျိုးစေ့ အမျိုးအစားနှင့် ပမာဏများလေ ဖြစ်မည်။ ဤဘဏ်တွင် မျိုးစေ့ပေါင်း ၄ ဒသမ ၅ သန်းအတွက် နေရာရှိ၏။ မျိုးစေ့ တစ်မျိုးအတွက် နမူနာ မျိုးစေ့ ၅၀၀ ပေးရသည်။

ဤမျှ ဂရုတစိုက် စီစဉ်ထားရှိသော ကမ္ဘာ့မျိုးစေ့ ဘဏ်မှ မျိုးစေ့များကို ပထမဆုံး အကြိမ် ထုတ်ယူသုံးစွဲ ခဲ့ရသည်မှာ မကြာလှသေး၊ ၂၀၁၅ ခုနှစ်၊ အောက်တိုဘာလ (၁၉) ရက်နေ့ ၌ ဆီးရီးယား နိုင်ငံအား ငတ်မွတ် ခေါင်းပါးမှု ဘေးမှ ကယ်တင်နိုင်ရန် ကမ္ဘာ့မျိုးစေ့ ဘဏ်မှ မျိုးစေ့များကို ပထမဆုံး အကြိမ် ထုတ်ယူသုံးစွဲ ခဲ့ရသည်။

မိမိကိုယ်ကျိုး စီးပွားအတွက် အခြားသူ၏ အကျိုးစီးပွားကို ထိခိုက်စေသည့် အပြင် ကမ္ဘာ့လူသား မျိုးနွယ်စု တစ်ရပ်လုံး ကိုလည်း ထိခိုက် စေနိုင်သည့် သဘာဝ ပတ်ဝန်းကျင် ပျက်စီးမှုအား ဖြစ်စေသည့် ၀ိသမ လောဘသား များ၏ရန်ကို အံတုရန်၊ ပြင်းထန်သည်ထက် ပြင်းထန်လာသည့် မုန်တိုင်း ၊ ငလျင် ၊ မိုးခေါင်ရေရှား သည့်ဒဏ်များကို အံတုရန်၊ အဆုံးမသတ် နိုင်သော စစ်ဘေးဒဏ် များကြောင့် ပျက်စီးဆုံးရှုံးကာ ထွန်ယက် စိုက်ပျိုးရန် မဖြစ်နိုင် တော့သည့် ပြဿနာများကို အံတုရန် အရှည်ကို မျှော်တွေးကာ စီမံထားရှိသော ကမ္ဘာ့မျိုးစေ့ဘဏ် ကြီးအကြောင်း လေ့လာရေးသား တင်ပြလိုက်ရ ပါသည်။

#Yadanarpondaily

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page