ရန်ကုန် ၊ ၂၇-၇-၂ဝ၁၅
စစ်ကိုင်းတိုင်း ဒေသကြီးအတွင်း ရေကြီး ရေလျှံမှုများ ဖြစ်ပေါ် နေသော်လည်း မန္တလေး- မြစ်ကြီးနား လမ်းပိုင်း ခရီးစဉ်ကို ရထားနှင့်ကား ချိတ်ဆက် ပြေးဆွဲ ပေးသွားမည် ဖြစ်ကြောင်း မြန်မာ့ မီးရထားမှ သိရသည်။
မန္တလေး- မြစ်ကြီးနား အဆန် အထူးရထား သည် မန္တလေးနှင့် ကန့်ဘလူသို့ ပြေးဆွဲပေးမည် ဖြစ်ပြီး ကန့်ဘလူမှ ကောလင်းသို့ မော်တော်ယာဉ် များဖြင့် ပို့ဆောင် ပေးမည် ဖြစ်ကြောင်း၊ ယင်းမှတစ်ဆင့် ကောလင်း- မြစ်ကြီးနား အမှတ်(၄) အဆန်ရထား ဖြင့် ပြေးဆွဲမည် ဖြစ်ကြောင်း သိရသည်။
မန္တလေးမှ ရထား ထွက်မည့်အချိန် မှာ နံနက် ၅ နာရီဖြစ်ပြီး မွန်းလွဲ ၁ နာရီတွင် ကန့်ဘလူသို့ ရောက်ရှိမည် ဖြစ်သည်။ လက်မှတ်နှုန်းထား များမှာ ရိုးရိုးတန်း ငွေကျပ် ၁ဝဝဝ၊ ပထမတန်း ငွေကျပ် ၁၃၅ဝ နှင့် အထက်တန်း ငွေကျပ် ၂၃၅ဝ ဖြစ်သည်။ ကားခမှာ ငွေကျပ် ၁ဝဝဝ ဖြစ်ပြီး ကောလင်းဘူတာ သို့ ည ၇ နာရီတွင် ရောက်ရှိမည် ဖြစ်သည်။
ကောလင်း - မြစ်ကြီးနား အဆန် အထူးရထား လက်မှတ်နှုန်း များမှာ ရိုးရိုးတန်း ငွေကျပ် ၁၇ဝဝ၊ ပထမတန်း ငွေကျပ်၂၂၅ဝ နှင့် အထက်တန်း ငွေကျပ် ၃၉၅ဝ ဖြစ်ပြီး မြစ်ကြီးနား သို့ ည ၁၁ နာရီတွင် ရောက်ရှိမည် ဖြစ်သည်။
ထို့အပြင် မြစ်ကြီးနား- မန္တလေး အမှတ် (၄၂) အစုန်ရထား ကိုလည်း မွန်းတည့် ၁၂ နာရီ မှစတင် ပြေးဆွဲမည် ဖြစ်ပြီး မန္တလေး ဘူတာသို့ ညနေ ၄ နာရီတွင် ဆိုက်ရောက်မည် ဖြစ်သည်။ အဆိုပါ ရထား ခရီးစဉ်သည် ဇူလိုင် ၁၈ ရက်တွင် စစ်ကိုင်းတိုင်း ဒေသကြီးအတွင်း ရေကြီးရေလျှံ ဖြစ်စဉ်များကြောင့် ရပ်နား ထားခဲ့ရခြင်း ဖြစ်ကြောင်း သိရသည်။ (၄၄၃)
မြ၀တီနေ့စဉ် ၊ စာ(၆)
#Themyawadydaily
.jpg)
No comments:
Post a Comment