www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, July 7, 2015

အသားအမျိုးမျိုး နှင့် ရောဂါအထွေထွေ


အသားအမျိုးမျိုး နှင့် ရောဂါအထွေထွေ

အခုတလော ခေတ်စားနေတဲ့ Hot Dog စက်လေးတွေနဲ့ ကင်ပြီး ရောင်းချနေတဲ့ ဝက်အူချောင်း၊ ကြက်အူချောင်းတွေ တရုတ် စားသောက်ဆိုင် တွေမှာ အလွယ်တကူ မှာလို့ရတဲ့ ကြက်သားမွှကြော် တွေကို အဆင့်ဆင့် ပြင်ဆင် ချက်ပြုတ်ရတာ ဖြစ်တဲ့အတွက် ဗက်တီးရီးယား ကင်းစင်မှု ရာခိုင်နှုန်း မြင့်မားပါတယ်။ ဒါကြောင့် လူကို အန္တရာယ် ဖြစ်နိုင်ခြေ နည်းပါတယ်။ ဒါပေမဲ့ အဲဒီလို အဆင့်ဆင့် ပြင်ဆင် ချက်ပြုတ်တဲ့ အခါ အသုံးပြုရတဲ့ အနံ့ ၊ အရသာ ပါဝင်ပစ္စည်း တွေကြောင့် အဲဒီ အစားအစာ တွေဟာ ကာဗို ဟိုက်ဒရိတ် လွန်ကဲ နေတတ်ပြီး လူကို အဆီတိုး စေတယ်ဆိုတာ ဂရုပြုရပါမယ်။

ဝက်သား

ဒုတိယကမ္ဘာစစ် ကာလက အစာရေစာ ရှားပါးတော့ အိမ်မှာ မွေးထားတဲ့ ၀က်အပါအ၀င် တိရစ္ဆာန် များကို အစာရေစာ မကျွေး နိုင်ခဲ့ပါဘူး။ ဒါပေမဲ့ ဝက်ဆိုတဲ့ သတ္တဝါကတော့ အခြား အိမ်မွေး တိရစ္ဆာန် တွေရဲ့ မစင်ကိုစားပြီး ရှင်သန် နိုင်တာကို တွေ့ခဲ့ကြပြီး တဲ့နောက် မီးဖိုချောင်ထွက် အညစ်အကြေး တွေရော၊ လူကနေ ထွက်တဲ့ အညစ်အကြေး တွေကိုပါ ပေါင်းပြီး ဝက်တွေကိုကျွေး ၊ အသားတိုး အောင်လုပ်၊ တစ်ခါ အဲဒီ ဝက်တွေကို အသားပေါ်ပြီး ပြန်စား လုပ်ခဲ့ကြတဲ့ အစဉ်အလာဟာ ဒီနေ့ ဒီအချိန်ထိ ပါပဲ။ အချို့ ဝက်မွေးသူ တွေက အိမ်တကာက မီးဖိုချောင်တွေ ကနေ စွန့်ပစ်ထားတဲ့ ထမင်း၊ ဟင်း အကျန်တွေကို ပေါင်းပြီး ဝက်တွေကို ကျွေးမွေး နေကြဆဲ ဖြစ်ပါတယ်။ ဒီတော့ ဝက်သားဟာလဲ တုတ်ကောင်တွေ ပါတယ်၊ လူကို ဝစေတယ်၊ မသန့်ရှင်းတဲ့ အစားအစာ တွေကိုစားပြီး အသားတိုး လာတယ် အစရှိသဖြင့် နာမည်ဆိုးနဲ့ ကျော်ကြား တော့တာပဲပေါ့။ ဒါပေမဲ့ ဝက်သားကို ကောင်းကောင်း ကျက်အောင် ချက်မယ်ဆိုရင် လူကို အန္တရာယ် ဖြစ်နိုင်ခြေ အလယ်အလတ် အဆင့်ပဲ ရှိပါတယ်။

အအေးခံထားသောအသားများ

အသားတွေကို အအေးခံ လိုက်မယ် ဆိုရင် မချက်ခင်မှာ အဲဒီအသားခဲ နေတာကို သဘာဝ အတိုင်း အရည်ပျော်အောင် လုပ်ဖို့ အရေးကြီး ပါတယ်။ အိမ်ရှင်မ အများစုဟာ ရေခဲသေတ္တာ ထဲက အေးခဲမာတောင့် နေတဲ့အသားကို ရေနွေးပွက်ပွက် ဆူထဲ ပစ်ထည့်တတ်ကြ ပါတယ်။ အဲဒါဟာ အသားထဲမှာ ပါတဲ့ လစ်စတီးရီးယား ပိုးကို မသေစေ နိုင်ဘူးလို့ ပညာရှင်တွေက သတိပေးထား ပါတယ်။ လစ်စတီးရီးယား ပိုးကြောင့် ဝမ်းကိုက်၊ ဝမ်းလျှော၊ အော့အန်ခြင်း ပြင်းထန်စွာ ဖြစ်စေနိုင်ပြီး အရပ်အခေါ် အစာ အဆိပ်သင့် တဲ့ ဝေဒနာကို ခံစားရပါတယ်။ အခန့်မသင့်ရင် အသက် ဆုံးရှုံးနိုင်ပြီး ကိုယ်ဝန်ဆောင် အမျိုးသမီးတွေ သားပျက်၊ သားလျှော နိုင်ပါတယ်။ ဒါပေမဲ့ ကျန်းမာရေး ကောင်းမွန်တဲ့ သာမန် လူငယ်တွေက လစ်စတီးရီးယား နည်းနည်း ပါလာတာ လောက်ကို ခြေဖျက်နိုင်စွမ်း ရှိတဲ့အတွက် အအေးခံ အသားတွေရဲ့ လူအား အန္တရာယ် ဖြစ်စေနိုင်ခြေကို အလယ်အလတ် အဆင့်လို့ပဲ သတ်မှတ်ထား ပါတယ်။

အသားခြောက်များ

လူကို အန္တရာယ် ဖြစ်စေနိုင်ခြေ မြင့်မားပါတယ်။ သာမန် အသားတွေမှာ ဗက်တီးရီးယား က အပေါ်ယံလွှာ မှာပဲရှိတဲ့ အတွက် ချက်ပြုတ် လိုက်တဲ့အခါ ဒီပိုးတွေ သေသွားပါတယ်။ အသားခြောက်တွေ ကိုကျတော့ ထုပ်ပိုးရ လွယ်အောင်၊ အမြင်လှအောင် အချောင်းလိုက် လှီးတာ ၊ အပြားလိုက် လှီးတာ လုပ်ရပါတယ်။ အဲဒီလို လှီးတဲ့အခါ အသား မျက်နှာပြင်ပေါ်က ဗက်တီးရီးယား တွေကို အသားရဲ့ အလယ်ခေါင်ထဲ နစ်ဝင် သွားအောင် ဓားသွားက တွန်းပို့ပေး ပါတယ်။ ဒါကို မကျက်တကျက် ကင်တာတို့၊ ချက်ပြုတ် စားသောက်တဲ့ အခါမှာ ပွက်ပွက် ဆူအောင် မပြုတ်ဘဲ ဒီအတိုင်း ချက်လိုက်တာတို့ လုပ်မယ်ဆိုရင် လစ်စတီးရီးယား ဗက်တီးရီးယား တွေကို လက်နဲ့ခပ်ယူပြီး မျိုချနေတဲ့ အတိုင်း ဖြစ်နေမှာပါ။

ကြက်သား

လူကို အန္တရာယ် ဖြစ်စေနိုင်ခြေ အမြင့်ဆုံး ဖြစ်ပါတယ်။ ကြက်သားက ဘာဖြစ်လို့ လူကို အန္တရာယ် ဖြစ်စေနိုင်ခြေ အမြင့်ဆုံးလဲ လို့ မေးလာမယ် ဆိုရင်တော့ လူတွေစားတာ အများဆုံး ဖြစ်လို့ပါ။ ဝက်၊ အမဲ အစရှိတာ တွေကို လူတိုင်း မစားကြ ပေမယ့် ကြက်သားကိုတော့ လူတိုင်း စားပါတယ်။ ဒါကြောင့် မသန့်ရှင်းတဲ့ ကြက်သားဟာ လူကို အန္တရာယ် ဖြစ်စေနိုင်ခြေ အမြင့်ဆုံးပဲ ဖြစ်ပါတယ်။ ဒါ့ပြင် ကြက်ကို အမွေးနုတ်တဲ့ အချိန်က စပြီး သင့်ဟင်းအိုးထဲ စထည့်တဲ့ အထိ ရေအမျိုးမျိုး၊ လက်အမျိုးမျိုး၊ မျက်နှာပြင် အမျိုးမျိုး၊ ထုပ်ပိုးမှု အမျိုးမျိုးနဲ့ ရောက်လာတာမို့ ကြက်သားမှာ ဗက်တီးရီးယား တွေက ဆိုးရွားစွာ ပျံ့နှံ့ နေပါတယ်။ ဒါ့ပြင် ကြက်သားဟာ နူးညံ့ပြီး အသားမှာ အမြှောင်းတွေ ပါပါတယ်။ လစ်စတီးရီးယား ဟာ အဲဒီ အမြှောင်း တွေထဲမှာ ဝင်နေပြီး ကြက်သားကလဲ နူးတာမြန်တော့ အကြိမ် ၁ဝဝ မှာ ၁ဝ ဒသမ ၅ ကြိမ်ကတော့ လစ်စတီးရီးယား ပါတဲ့ ကြက်သားကို လူတွေ စားနေကြတာ ဖြစ်ပါတယ်။

ဒီတော့ ဘယ်လို လုပ်ကြမလဲ။ မိသားစု တစ်စုလုံးရဲ့ ကျန်းမာရေးဟာ ဈေးဝယ်သူရဲ့ လက်ထဲမှာ ရှိပါတယ်။ ကိုယ်က အသားကို အလကား ယူတာမဟုတ်ဘူး။ ပိုက်ဆံပေးပြီး ဝယ်တာပါ။ ဒီတော့ စိတ်ကြိုက် ရွေးပါ။ အသားကို ထုပ်ထားတာ အရည်တွေ အများကြီး ထွက်နေရင် မဝယ်ပါနဲ့။ အသား ထည့်ထားတဲ့ ပုံးကို ငုံ့ကြည့်ပါ။ ခြောက်သွေ့နေရင် အဲဒီအသား လတ်ပါတယ်။ အရိအရွဲတွေ ထွက်နေတယ် ဆိုရင် အဲဒီအသားဟာ ရက်ကြာ နေပါပြီ။

အသားကို မဆေးပါနဲ့လို့  အမေရိကန် ပြည်ထောင်စု အစားအစာနှင့် အဖျော်ယမကာ ကြီးကြပ် ကွပ်ကဲရေး အဖွဲ့က ဆိုပါတယ်။ အသားကို ရေဆေးတာ ဘယ် ဗက်တီးရီးယား ကိုမှ မသေစေတဲ့ အပြင် တစ်နေရာထဲ
စုနေတဲ့ ဗက်တီးရီးယား ကို ကိုယ်က အသားအနှံ့ ရောက်အောင် ပွတ်ဖြန့် ပေးရာ ရောက်ပြီး ကိုယ့်လက်၊ အဝတ်အစား၊ လက်ဆေးကန် အစရှိတဲ့ နေရာတွေကိုလဲ ဗက်တီးရီးယား တွေ ပျံ့နှံ့ သွားစေတယ်လို့ ဆိုပါတယ်။

သင့်လက်၊ စဉ်းတီတုံး၊ ဟင်းပြင်ဆင်တဲ့ စားပွဲ အစရှိတာ တွေကို မကြာမကြာ အထူး သန့်ရှင်းရေး လုပ်ပေးပါ။ ရေနွေးပူပူနဲ့ ဆပ်ပြာရည် ဖျော်ပြီးဆေးဖို့ လိုအပ် ပါလိမ့်မယ်။ လက်နှီး သုံးတယ်ဆိုရင် ရေနွေးပူ ဆပ်ပြာရည်နဲ့ နေ့တိုင်းလျှော်ပါ။ အသားကို မကျက်တကျက် ဘယ်တော့မှ မစားပါနဲ့။ သင့်ဟင်းအိုးဟာ အပူချိန်ကို ဖော်ပြတဲ့စနစ် ရှိတယ်ဆိုရင် ၁၆ဝ ဒီဂရီ ဖာရင်ဟိုက် ရောက်တဲ့အထိ အပူပေး ရပါမယ်။ အသား အမျိုးမျိုး ကနေ လူကိုဖြစ်ပွား စေနိုင်တဲ့ ရောဂါ အထွေထွေ အကြောင်း လေ့လာရေးသား တင်ပြ လိုက်ရပါတယ်။

#Yadanarpondaily

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger