အုန်းနို့ခေါက်ဆွဲ ဓာတ်စာ

အုန်းနို့ခေါက်ဆွဲ ဓာတ်စာ

ကြည်မြင့်လွင် (မုဒြာ)

မုန့်ဟင်းခါးကို မြန်မာလူမျိုးတို့ ကြိုက်သကဲ့သို့ အခြား အကြိုက်တွေ့ ကြသောအစာမှာ 'အုန်းနို့ခေါက်ဆွဲ' ဖြစ်သည်။ မုန့်ဟင်းခါး ကဲ့သို့ပင် ခံတွင်းကောင်း နှုတ်မြိန်စေသော ဓာတ်စာမျိုး ဖြစ်သည်။ အုန်းနို့ နှင့် ကြက်သားလည်း ပါသဖြင့် ပထဝီဓာတ် အားတိုးစေသော အစာမျိုးလည်း ဖြစ်သည်။ အသက်ကြီး၍ ခွန်အားဖြည့် လိုသော လူကြီးများ အတွက် သင့်တော်သည်။ သံဃာတော် များကိုလည်း နံနက် အရုဏ်တွင် အုန်းနို့ခေါက်ဆွဲ ဆွမ်းချက်ပြီး ကပ်လှူလေ့ ရှိကြသည်။

သဘာဝဓမ္မ ဆရာသန်း ၏ ကျန်းမာရေး ဓာတ်စာ စားနည်းကျမ်းတွင် အုန်းနို့ခေါက်ဆွဲ ရိုးရိုး ချက်နည်းမှာ ခေါက်ဆွဲ နှစ်ပိဿာ ၅ဝ ကျပ်သား ချက်လျှင် ကြက်သား တစ်ပိဿာ ၅ဝ ကျပ်သား၊ အုန်းသီး သုံးလုံး (အရည်ညှစ်) အုန်းနို့၊ ငါးဖယ်ဆုပ်ကြော် ၂၅ ကျပ်သား၊ ပဲမှုန့် ၁၅ ကျပ်သား၊ ကြက်သွန်နီ ၁၂ ကျပ်ခွဲသား၊ ကြက်သွန်ဖြူ ငါးကျပ်သား၊ ငရုတ်သီးခြောက် နှစ်ကျပ်သား၊ နနွင်းမှုန့် ရှစ်ပဲသား၊ ဆီ ၂၅ ကျပ်သား၊ ငံပြာရည် ၁ဝ ကျပ်သား၊ ဆား နှစ်ကျပ် ရှစ်ပဲသား၊ ချင်းတက် တစ်ကျပ် ရှစ်ပဲသား၊ ငရုတ်ကောင်း ရှစ်ပဲသား၊ ဘဲဥ ခုနစ်လုံး၊ အုန်းနို့ရည်၊ ကြက်ပြုတ်ရည်၊ ရေရိုးရိုး သုံးမျိုးပေါင်းလျှင် သုံးပိဿာ ၅ဝ ကျပ်သား ထည့်ချက်ရန် လိုသည်ဟု ဖော်ပြထားသည်။ အထူးရှယ် ချက်လိုလျှင် ကြက်သားကို နှစ်ပိဿာ ၅ဝ ကျပ်သား၊ အုန်းသီးကို ငါးလုံးထိ တိုး၍ ထည့်နိုင်သည် ဟု ဆိုသည်။

အုန်းနို့ ခေါက်ဆွဲတွင် အဓိက ပါဝင်သော ကြက်သားသည် ချိုပြီး ဆိမ့်သော၊ ဖန်သော အရသာ ရှိသော်လည်း အပူစာ ဖြစ်သည်။ အစာကြေ လွယ်ပြီး ဝမ်းမီးတောက် စေသည်။ လူ၏အားကို အမြန်ဆုံး ဖြစ်စေပြီး အကြော အားလည်း ကောင်းစေသည်။ နာလန်ထ အားနည်းသူများ အား ကြက်သားကို ပေါင်းပြီး ကျွေးလေ့ ရှိသည်။ အုန်းနို့သည် တက်စာ၊ ဖွဲ့စာ ဖြစ်သည်။ အကြောအခြင်များ တောင့်တင်း စေသဖြင့် ဟင်းရည် ချက်သောအခါ ချင်း၊ ငရုတ်ကောင်း၊ ကြက်သွန်ဖြူ တို့ကို ဆီသတ်ပြီး မှသာ အုန်းနို့ရည်ကို ထည့်ရသည်။ အလွန်ဆိမ့်၍ အရသာ ရှိသည်။ လျှာအရသာ အာရုံကြောများ ပွင့်စေသည်။ စားတတ်လျှင် သြဇာဓာတ် ရသည်။ တန်ဆေး လွန်ဘေးဖြစ်၍ သင့်ရုံသာ စားရမည်။

ကျန်းမာရေး ဓာတ်စာစားနည်း နိဿရည်း ကျမ်းတွင် အုန်းနို့ခေါက်ဆွဲ ဟင်း၏ တွဲဖက်ဖြစ်သော အုန်းနို့၊ ငရုတ်ဆီ၊ ချင်း၊ ငရုတ်ကောင်း၊ ကြက်သွန်နီ၊ ကြက်သွန်ဖြူ တို့က အပွင့် အာကာသ ရစေသောကြောင့် ကြက်သား၏ အဖန်အဖွဲ့ ဓာတ်ကို ချေဖျက်ပြီး အခိုးထွက်ခြင်း၊ ချွေးထွက်ခြင်း၊ အာကာသ ရခြင်း ကျေးဇူးပြုသည်။ ဝမ်းမီးဓာတ် ပိုကောင်းပြီး အစာကြေ စေသည်။ အုန်းနို့သည် လူတို့၏ အင်အား၊ အသွေးအသား၊ အကြော၊ အရိုးစသော ပထဝီ လွန်သော ကိုယ်အစုကို အများဆုံး ဖြစ်ပေသည်။ ကောဋ္ဌာသ အားလုံး စိုပြည်ကြည်လင် စေသည်။ အသက်ရှည်၍ အရွယ်နုပျို လိုသော သူများအတွက် အစာ အာဟာရ ကောင်း တစ်ခု ဖြစ်ပေသည်ဟု ဖော်ပြထားသည်။

စာရေးသူ ကိုယ်တွေ့ မုန့်ဟင်းခါးနှင့် အုန်းနို့ခေါက်ဆွဲ တစ်ပွဲ ပြင်ဆင်ရာတွင် မတူသည်မှာ အုန်းနို့ခေါက်ဆွဲ ပွဲပြင်လျှင် ကြက်သွန်နီ ဥကြီးကို ပါးပါးလှီးပြီး ရေဆေး၍ အစိမ်းအတိုင်း ထည့်ပေးခြင်း ဖြစ်သည်။ ခေါက်ဆွဲခြောက် ကြော်များကိုလည်း ဖြူး၍ ထည့်ပေးလေ့ ရှိသည်။ ကြက်သွန်နီမှ ထွက်သော မွှန်စူးရှသော အနံ့သည် အကြောတက်ခြင်း၊ သွေးလေးခြင်း ကို သက်သာ စေသော အာနိသင်ရှိသည်။ မုန့်ဟင်းခါးတွင် သွေးမတက် စေရန် နံနံပင် အုပ်သကဲ့သို့ အုန်းနို့ခေါက်ဆွဲ တွင်လည်း သွေးမတက် စေရန် ကြက်သွန်နီ ထည့်စားခြင်းမှာ ဓာတ်စာ သဘောအရ သင့်လျော် မှန်ကန်ကြောင်း တွေ့ရပေသည်။

ခေါင်းမူးရောဂါ၊ အတက်ရောဂါ၊ သွေးတိုးရောဂါ၊ ဇက်ကျီး ပေါင်းတက် ရောဂါရှိ သူများသည် အုန်းနို့ခေါက်ဆွဲ ကို အလွန်အကျွံ မစားသင့်ပေ။ မိမိဆန္ဒအရ စားချင်လျှင် သွေးတိုးခြင်းမှ ကာကွယ် စေရန် ကြက်သွန်နီ ထည့်သည့်အပြင် ရှောက်ရည် ညှစ်ထည့်စားပါ။ လတ်ဆတ်သော ရှောက်သီး၊ သံပရိုသီး အရည်များသည် သွေးတိုး တက်ခြင်း မှ ကာကွယ် စေနိုင်သည်။ စားပြီးမှ ရှောက်သီး ဖျော်ရည်၊ သံပရာသီး ဖျော်ရည် သောက်ခြင်း ဖြင့်လည်း အတက် သက်သာ စေနိုင်သည်။

#Yadanarpondaily