ရန်ကုန် ၊ ၂၉-၄-၂၀၁၅
မြန်မာနိုင်ငံ၌ ပြည်ပနိုင်ငံ များမှ တင်သွင်း ဖြန့်ဖြူးလာသော ကလေး ဖြည့်စွက်အစာ နှင့် နို့မှုန့်ဘူး တံဆိပ်များအား ဈေးကွက်အတွင်း ရောင်းချလျက် ရှိရာ မြန်မာနိုင်ငံ အစားအသောက် နှင့် ဆေးဝါး ကွပ်ကဲမှု ဦးစီးဌာန (FDA) ၏ ထောက်ခံချက် ရယူ စစ်ဆေးကာ တင်သွင်း ရောင်းချလျက် ရှိသော ကုမ္ပဏီမှာ အနည်းငယ်သာ ရှိကြောင်း သိရသည်။
၂ဝ၁၄ ခုနှစ် ဇူလိုင် ၂၄ ရက်က ကျန်းမာရေး ဝန်ကြီးဌာန မြန်မာနိုင်ငံ အစားအသောက် နှင့် ဆေးဝါးကွပ်ကဲမှု ဦးစီးဌာနမှ နို့စို့ကလေး နှင့် ဖြည့်စွက်အစာ စားသုံးရန် လိုအပ်သော ကလေးငယ်များ အတွက် ထုတ်လုပ် ထားသော အစားအသောက်များ ဈေးကွက် တင်သွင်းခြင်း ဆိုင်ရာ အမိန့်အမှတ် (၂၂/၂ဝ၁၄)ကို ထုတ်ပြန်ခဲ့ရာ ယင်း ကြေညာချက်တွင် မြန်မာနိုင်ငံ အတွင်းသို့ တင်သွင်း ရောင်းချမည့် နို့မှုန့်များကို မြန်မာဘာသာ အညွှန်းများ ပြန်ဆို၍ ရောင်းချမှု ပြုလုပ်ရမည် ဖြစ်ကြောင်း သိရသည်။ ထိုသို့ ထုတ်ပြန်ထားရှိခဲ့ရာ ဒူးမက်နို့မှုန့် နှင့် လက်တိုဂျင်နို့မှုန့် စသည့်တချို့သော အမှတ်တံဆိပ် အနည်းငယ် တွင်သာ FDA ၏ ထုတ်ပြန်ချက် အတိုင်း လိုက်နာမှု ရှိခဲ့ကာ ဈေးကွက်အတွင်း ဖြန့်ဖြူး ရောင်းချလျက် ရှိသော ကလေး ဖြည့်စွက်အစာနှင့် နို့မှုန့်များကို တင်သွင်းနေသော ကုမ္ပဏီ အမြောက်အမြား ရှိနေသော်လည်း စနစ်တကျ သတ်မှတ်ချက်များ အတိုင်း မလိုက်နာဘဲ ရောင်းချနေမှုများ ရှိနေကြောင်း သိရသည်။
ကလေးအာဟာရ ဖြည့်စွက်အစာ နှင့် ကလေးနို့မှုန့် များတွင် မြန်မာဘာသာ အညွှန်းပြန်ဆို ထည့်သွင်းရမည့် အမိန့် ကြော်ငြာစာ ထုတ်ပြန် ခဲ့သည်မှာ ကိုးလခန့် ကြာမြင့်နေပြီ ဖြစ်သော်လည်း ပြည်ပမှ တင်သွင်း၍ ဖြန့်ဖြူး ရောင်းချနေသော ကုမ္ပဏီတချို့မှာ လိုက်နာမှု မရှိသည့်အပြင် မူရင်း ရေးသားထားသည့် စာကို ဖျက်ထားကာ ရောင်းချ နေသည်ကိုလည်း တွေ့ရှိရ၍ ထိုသို့ ပြုလုပ်ခြင်းသည် မြန်မာနိုင်ငံ အတွင်းရှိ နို့စို့ ကလေးငယ် များနှင့် ကလေးများ အတွက် အန္တရာယ် ရှိသောကြောင့် မြန်မာဘာသာ အညွှန်း မပါဝင်သော ကလေး ဖြည့်စွက်အစာ နှင့် နို့မှုန့်ဘူး များကို မဝယ်ယူ သင့်ကြောင်း သိရသည်။
မိုးအောင်
#Themyawadydaily
.jpg)
No comments:
Post a Comment