ရန်ကုန် ၊ ၁၁-၁၂-၂ဝ၁၄
၂ဝ၁၅ ခုနှစ်တွင် ရောင်းချမည့် ကျန်းမာရေး အာမခံကို အနည်းဆုံး တစ်ယူနစ်မှ အများဆုံး ငါးယူနစ်အထိ ဝယ်ယူနိုင်မည် ဖြစ်ကြောင်း မြန်မာ့အာမခံ လုပ်ငန်းမှ တာဝန်ရှိသူ တစ်ဦး၏ ပြောကြားချက် အရ သိရသည်။
ကျန်းမာရေး အာမခံသည် အာမခံ အမျိုးအစားသစ် တစ်ခုဖြစ်ပြီး အဆိုပါ အာမခံ တစ်ယူနစ်အတွက် ကျသင့်သည့် ပရီမီယံကြေး ကို တစ်နှစ်အတွက် ငွေကျပ် ငါးသောင်း သတ်မှတ် လိုက်ကြောင်း သိရသည်။ ယင်း နှုန်းထားသည် နိုင်ငံတကာ နည်းတူ အသက်သာဆုံး နှုန်းထား ဖြစ်စေရန် ဆောင်ရွက် ထားခြင်း ဖြစ်ကြောင်း သိရသည်။ ထို့အပြင် ကျန်းမာရေး အာမခံများကို စမ်းသပ် ကာလအဖြစ် တစ်နှစ် သတ်မှတ်ထားပြီး ၂ဝ၁၅ ခုနှစ် အစောပိုင်းတွင် စတင် ဆောင်ရွက်မည် ဖြစ်ကြောင်း ၄င်းက ဆက်လက် ပြောသည်။
ကျန်းမာရေး အာမခံတွင် အာမခံ ထားရှိသူများ အတွက် ခံစားခွင့်များ အနေဖြင့် ဆေးရုံ တက်ခြင်းကြောင့် ဆေးကုသစရိတ် အဖြစ် တစ်ရက်လျှင် ငွေကျပ် တစ်သောင်းခွဲ နှင့် ရက်ပေါင်း ၃ဝ အထိ ခံစားခွင့် ရရှိမည်
ဖြစ်ပြီး၊ မတော်တဆ ထိခိုက်မှု အတွက် သေဆုံးခြင်းကို ငွေကျပ် ၁ဝ သိန်းအထိ အများဆုံး ခံစားခွင့် ရမည် ဖြစ်ကြောင်း သိရသည်။
အာမခံ ထားရှိသူများ အတွက် ဆေးရုံတက် စရိတ်၊ ခွဲစိတ်ကုသမှု စရိတ်၊ ဆေးဝါး ကုန်ကျစရိတ် များကို ပေးအပ်သွားမည် ဖြစ်၍ ဝယ်ယူသည့်ယူနစ် အလိုက် ခံစားခွင့် ပိုမို ရရှိနိုင်ကြောင်း သိရသည်။ အမျိုးအစားသစ် တစ်ခုဖြစ်သည့် ကျန်းမာရေး အာမခံကို ရန်ကုန်နှင့် မန္တလေး မြို့ကြီးတို့၌ စတင်ရောင်းချ ပေးသွားမည် ဖြစ်ကြောင်း သိရသည်။
မြတ်လေးငုံ
#Themyawadydaily
#မြ၀တီနေ့စဉ်
.jpg)
No comments:
Post a Comment