ကသာ ၊ ၁-၁၂-၂၀၁၄
ကသာမြို့နယ် သို့ တရုတ်နိုင်ငံ မှ စံချိန်စံညွှန်း ကိုက်ညီမှု ရှိ-မရှိ မသိရသော ကြက်ဥနှင့် စားသုံးဆီများ၊ ရေယာဉ်များဖြင့် နေ့စဉ် ဝင်ရောက်လျက် ရှိကြောင်း သိရသည်။(ပုံ)
အာမခံချက် မရှိသော တရုတ် နိုင်ငံထုတ် လူသုံးကုန် ပစ္စည်းများနှင့် ကျန်းမာရေး ထိခိုက် စေနိုင်သည့် ထုတ်ကုန်များကို ရောင်းဝယ် ဖောက်ကားသူများ၊ သိုလှောင်သူများ များပြားလာရာ ကသာမြို့နယ် တွင် စားသုံးသူ ကာကွယ်ရေး ဥပဒေ မရှိ သကဲ့သို့ ဖြစ်နေပြီး လူသုံးကုန် ပစ္စည်းနှင့် စားသောက်ကုန် ပစ္စည်းများ၊ စိတ်မချရသည့် အခြေအနေထိ ဖြစ်နေကြောင်း ဒေသခံများ ထံမှ သိရသည်။
ထို့ပြင် တရုတ်နိုင်ငံမှ ကြက်ဥများ နေ့စဉ်ဝင်ရောက် နေ၍ စီးပွားဖြစ် ဥစားကြက် မွေးမြူသူများ အနေဖြင့် အခက်အခဲ ဖြစ်ပေါ်လျက် ရှိသည်။ ကြက်မွေးမြူသူ များသည် ကြက်သားဈေးနှင့် မကိုက် သောကြောင့် အကောင်ရေ လျှော့ချ မွေးမြူလာ ကြရာ ပြည်တွင်း၌ ကြက်ခြံများ လျော့ကျ လာခဲ့သည်။ ထို့ကြောင့် တရုတ်ပြည်မှ တင်သွင်း လာသည့် ဈေးနှုန်းချိုသော ကြက်ဥများကို ဝယ်ယူရောင်းချ နေကြရာ အန္တရာယ် ရှိ-မရှိ မသိရသောကြောင့် စားသုံးသူ ရေးရာ အနေဖြင့် သက်ဆိုင်ရာမှ စနစ်တကျ ကြပ်မတ်ပေး စေလိုကြောင်း ဒေသခံတစ်ဦး က ပြောပြသည်။
''ပြည်ပက ဝင်ရောက်နေတဲ့ စားသုံးဆီ ပုံးခွံတချို့မှာ သန့်ရှင်း သပ်ရပ်မှု မရှိသလို ပုံးခွံတွေမှာ ပါတဲ့ တံဆိပ်တွေကို မပျက်စီးအောင် တိပ်နဲ့ ပတ်ထားတာတွေ ရှိတယ်။ တံဆိပ်မပါ တာတွေလဲ ရှိတယ်။ ဒီတော့ အဲဒီ စားသုံးဆီ သန့်ရှင်းတယ် ဆိုတာ အတိအကျ မပြောနိုင် ပါဘူး။ သတ်မှတ် စည်းကမ်းနဲ့ အညီ ဖြစ်လာဖို့ အများပြည်သူ တွေကလဲ တာဝန်ရှိ သူတွေနဲ့ အတူ ပေါင်းစပ် ညှိနှိုင်း ကာကွယ်ဖို့ လိုအပ်ပါတယ် ... '' ဟု ၄င်းက ဆက်လက် ပြောပြ၍ သိရသည်။
ငွေအိုး(ကသာ)
#Yadanarpondaily
#ရတနာပုံနေ့စဉ်
.jpg)
No comments:
Post a Comment