အဖြူရောင် ရွှေမန္တလေး အရောင် မဆိုးစေချင်
ရွှေမိ (မန်းတက္ကသိုလ်)
ရွှေမိတို့ မန္တလေး ရွှေမြို့တော်ကြီး ဟာဆိုရင် ဗြိတိသျှ ကိုလိုနီတုိ့ လက်သို့ လွှဲပြောင်း ပေးအပ် လိုက်ရတဲ့ သက်ဦးဆံပိုင် ဘုရင်စနစ်ရဲ့ နောက်ဆုံး မင်းနေပြည်တော် ဖြစ်သလို လက်မှုပညာ အနုပညာ လက်ရာ တွေနဲ့အတူ ဗုဒ္ဓဘုရား ယဉ်ကျေးမှု အမွေအနှစ် လက်ရာတွေ၊ မန္တလေးတောင်၊ လှပခံ့ညား လှတဲ့ မန္တလေး ကျုံးမြို့တော်၊ ကျုံးရေပြင် တို့နဲ့ သာယာ လှပတဲ့ မြို့တော်ကြီး ဖြစ်ပါတယ်။ အထက် မြန်မာပြည် တစ်ခုလုံးရဲ့ စီးပွားရေး အချက်အချာ မြို့ကြီး ဆိုရင်လဲ မမှားပါဘူး။ နိုင်ငံခြားသား တွေ ဥဒဟို လာရောက်ပြီး စိတ်ဝင်စားစွာ လေ့လာကြည့်ရှု ကြတာမြင်ရင် ရွှေမိတို့ အားရကျေနပ် လှစွာ ဂုဏ်ယူ နေမိတယ်။
ဒါပေမဲ့ အခုအခါ ရွှေမန္တလေးကို အရောင်ဆိုး ဖျက်ဆီး လာကြတဲ့ သူကောင်းသား လူမိုက်တွေကြောင့် ရွှေမန္တလေးရဲ့ အလှအပတရား ပျက်စီးစပြု လာပြီ ဖြစ်ပါတယ်။ အကျည်းတန် လာခဲ့ပါပြီ။ လူခြေတိတ်၊ လူပြတ်တဲ့ နေရာတင် မကတော့ဘဲ ဆိုင်ကယ် တစ်စီးကို နှစ်ယောက်စီး၊ တစ်ယောက်က မောင်း၊ နောက်က ထိုင်တဲ့ တစ်ယောက်က ဆွဲကြိုးဖြတ်၊ ပိုက်ဆံအိတ်လုကြလို့ ပါသွားကြတဲ့ လူတွေလဲ မနည်းလှ တော့ပါဘူး။
ဆွဲကြိုးဖြတ်၊ ပိုက်ဆံအိတ် လုကြတဲ့ လူတွေရဲ့ အဓိက ပစ်မှတ်ကတော့ အမျိုးသမီးလေး တွေပါပဲ။ ပိုက်ဆံအိတ် ကို ဘဏ်က ငွေထုတ်အပြန်၊ ပွဲရုံငွေကိုင် တာဝန်ခံတွေ ညနေ ငွေခံ၊ သိမ်းပြန် အလာကို အဲဒီ လူတွေက ကြိုတင် လေ့လာ ထားကြ ပါတယ်။ ဆိုင်ကယ်နဲ့ နှစ်ယောက် နောက်ကနေ မသိမသာ ကပ်လိုက် လာတတ်ပြီး ကူညီမယ့်သူဝေးလောက်တဲ့ နေရာ လောက်ကျမှ နောက်ကလူက ဆွဲကြိုးဖြတ် ရင်ဖြတ်၊ ပိုက်ဆံအိတ် လုရင်လု ရရာကိုကျူးလွန်တတ်ကြ ပါတယ်။ ဒါ့ပြင် အမျိုးသမီးလေး တွေရဲ့ ဆိုင်ကယ်ကို ခြေထောက်နဲ့ ကန်ခဲ့ တတ်ကြတဲ့ အထိ ပြုမူလာကြ ပါတယ်။ အခု လောလောဆယ် ကြုံတွေ့ နေရတာက ပွဲရုံတွေကနေ ငွေခံ( ငွေကောက်ဖို့) တာဝန်ပေးခံရတဲ့ မိန်းကလေးတွေ သွားတဲ့အချိန်၊ သွားတတ်တဲ့ လမ်းကြော ကနေ ကြိုတင် အကွက်ချ လေ့လာစီစဉ် လုယက် တတ်ကြတော့ အမျိုးသမီး လေးတွေ အနေနဲ့ ရွှေငွေ လက်ဝတ်ရတနာ တွေ သတိပြု ဝတ်ဆင်ကြဖို့၊ ပိုက်ဆံအိတ်၊ စလင်းဘက်အိတ် တို့ကို လုလို့ လွယ်ကူမယ့် နေရာမှာ မထားကြဖို့ လိုပါတယ်။ ဆိုင်ကယ် လက်ကိုင်မှာ ချိတ်ရင် ဆောင့်ဖြတ် ယူပြေးတတ်ကြ ပါတယ်။ လူပြတ်တဲ့ နေရာကို ပေါ့တီးပေါ့ဆ မသွားမိ ပါစေနဲ့။ အဖုံးမပါတဲ့ ဆိုင်ကယ် ရှေ့ခြင်းထဲမှာ လွယ်ကူစွာ မထည့်မိ ပါစေနဲ့၊ ဖြစ်နိုင်ရင် ဆိုင်ကယ် အဖုံးပါတဲ့ ရှေ့ခြင်းတပ် ထားပါ၊ လုံးဝတော့ စိတ်မချရပါ။ အဖိုးတန် ရွှေ၊ ငွေ လက်ဝတ် ရတနာတွေ ဝတ်ဆင်ခြင်းဟာ ရာဇဝတ်သား တွေကို လက်ယပ်ခေါ် နေသလိုပါပဲ။
ရွှေမိ သတိပေးချင် တာက ဘဏ်က ငွေထုတ်ပြီး အပြန်နဲ့ ညနေ ပွဲရုံမှငွေခံ အမျိုးသမီး လေးတွေကို ပါပဲ။ အလုခံရရင် ပြန်ရဖို့က မသေချာ တော့ပါ။ မိမိ အလုပ်လုပ်တဲ့ ကုမ္ပဏီ၊ ပွဲရုံကို မိမိကပဲ ပေးလျော်ရမှာ တော့ သေချာပါတယ်။ အမျိုးသား နှစ်ယောက် ဆိုင်ကယ်နဲ့ အနားကပ် လာရင် သတိ သေချာထားပါ။ အမြဲ ဂရုစိုက်ပါ။ (ဆိုင်ကယ်နဲ့ အမျိုးသားတိုင်း ကိုတော့ မဆိုလိုပါ)။
နောက်ထပ် သတိပေး လိုတာ တစ်ခုက ကိုယ့်အိမ်ရှေ့ ကိုယ်ထားတာ ပဲဆိုပြီး ဆိုင်ကယ်ကို ဇက်သော့ မခတ်ဘဲ ဖြစ်သလို ထားတတ် ကြတဲ့ အမျိုးသား၊ အမျိုးသမီးငယ် လေးတွေကို ပါပဲ၊ ဇက်သော့ခတ် မထားတဲ့ ဆိုင်ကယ်ကို သူတို့ သော့တူနဲ့ နှိုးလို့ရရင် နှိုးစီး သွားတတ်ကြ သလို နှိုးလုိ့မရရင် ဆိုင်ကယ်ကို ခပ်တည်တည်နဲ့ တွန်းသွားပြီး အဝေးရောက်မှ စောင့်နေတဲ့ အဖွဲ့နဲ့ သော့တူဖွင့်စီး ရင်စီး၊ မစီးရင် အသင့် စောင့်နေတဲ့ ကားပေါ် ဝိုင်းမတင် သွားတတ်ကြ ပါတယ်။ ဆိုင်ကယ်ကို ဇက်သော့ မခတ်မိရင် သူတို့အတွက် အကွက်ကောင်း ပါပဲ။ ဇက်သော့ ခတ်ကြဖို့ ဖြစ်နိုင်ရင် ကြိုးသော့ ထပ်ခတ်တာ သေချာပါတယ်။ ပါသွားပြီးပြီ ဆိုရင်တော့ 'တာ့တာ'ပါပဲ။ ခဏလေးပဲ ဖြစ်ဖြစ် လက်ဖက်ရည် ဆိုင်ထဲဝင်ဝင်၊ အိမ်ထဲဝင်ဝင် ဇက်သော့ ခတ်ဖို့ မမေ့ကြဖို့ သတိပေးချင် ပါတယ်။
ဒါကြောင့် ခြုံငုံပြီး သတိပေး ရမယ်ဆိုရင် အဖုံးပါတဲ့ ဆိုင်ကယ် ရှေ့ခြင်း တပ်ဆင်ခြင်း၊ ကြိုးသော့တွေ တပ်ဆင်ခြင်းဖြင့် ကာကွယ်ပါ။ အလုခံရရင် ပြန်ရတော့မှာ မဟုတ်ပါဘူးလို့ စိတ်လျှော့ပြီး အဆုံးမခံ ပါနဲ့။ သက်ဆိုင်ရာ ရဲစခန်းကို ဖြစ်စဉ်နဲ့ လုယက်သူ တွေရဲ့ ပုံပန်း သဏ္ဌာန်ကို ပြောပြပြီး တိုင်ချက်ဖွင့် ထားပါ။ ဆိုင်ကယ် သူခိုးတွေ၊ ဆိုင်ကယ် သူခိုးဂိုဏ်းတွေ ရံဖန်ရံခါ မိခဲ့လို့ တိုင်ချက်ဖွင့် ထားမိရင် ကံကောင်း ထောက်မစွာ ပြန်ရတတ် ပါတယ်။ ရဲစခန်း မတိုင်ဘဲ စိတ်လျှော့ပြီး အဆုံးခံ မယ်ဆိုပါက အဆိပ်ပင် ရေလောင်းသလို လုယက်သူ တွေကို အားပေးသလို ဖြစ်နေမှာ အမှန်ပါ။ ပိုမို အတင့်ရဲ လာကြမှာ ဧကန်မလွဲပါ။
ပြီးတော့ ဆိုင်ကယ်စီးရင် လိုင်စင် ပါပါစေ။ ဦးထုပ် ဆောင်းခြင်းဖြင့် မိမိရဲ့ အသက်အန္တရာယ် ကို ကာကွယ်ပါ။ ည အချိန်မတော် ကိစ္စ အရေး မကြီးရင်လဲ အပြင်မထွက် ပါက အကောင်းဆုံး ဖြစ်ပါတယ်။ အချိန်မတော် ညထွက်ခြင်း ကြောင့် မလိုလား အပ်တဲ့ ပြဿနာတွေ ဖြစ်ပွားတတ် ပါတယ်။ စိတ်ကြွဆေး၊ မူးယစ်ဆေး သုံးစွဲသူတွေရဲ့ အန္တရာယ်မှ ကိုယ့်ကိုယ်ကိုယ် ကာကွယ် နေတတ်ဖို့ လိုပါတယ်။
ထို့ကြောင့် အလွန် လှပပြီး နေချင်စဖွယ်၊ သာယာလှပတဲ့ ရွှေမန္တလေး မြို့ကြီးကို ရာဇဝတ်မှုတွေ ကင်းစင် ပပျောက်တဲ့ အဖြူရောင် မြို့တော်ကြီး အဖြစ် မြို့သူမြို့သား တွေက ဝိုင်းဝန်း စောင့်ရှောက် ကာကွယ်ကြဖို့ လိုပြီး အရောင်မဆိုးမိ ကြစေဖို့ သတိပေး လိုက်ရပါတယ်။
#Yadanarpondaily
#ရတနာပုံနေ့စဉ်
.jpg)
No comments:
Post a Comment