ရောင်းသူ ၀ယ်သူ အသံတူပါစေ
ကြယ်စင်စိုး (မန္တလေး)
တစ်လမ်းလုံး စီးလာရတဲ့ ဘတ်စ်ကား ကလဲ ခရီးသည်က ခပ်ကျပ်ကျပ် နဲ့ လုံးထွေးစွာ စီးနင်းလိုက်ပါ ခဲ့ရသလို နေကပူ လေကပူနဲ့ တစ်ကိုယ်လုံးလဲ နေလောင်ခံ ထားရတဲ့ ဖယောင်းတိုင် တစ်ချောင်းလို ပျော့ဖတ် နေပါပြီ။ တော်သေး တာပေါ့။ ဘတ်စ်ကား ပေါ်က ဆင်းဆင်းချင်း သူသွားချင်တဲ့ နေရာက တန်းရောက်သွား လို့ပေါ့။ ဒီလိုမှမဟုတ် နေပူ လေပူ အောက်မှာ လမ်းလျှောက် ရတာကိုက မသက်သာလှ။
ဘတ်စ်ကား ပေါ်မှ ဆင်းပြီးတာနဲ့ ကုန်တိုက် တစ်ခုရဲ့ အပေါက်ဝ ကနေ အပေါ်ထပ်ကို လှေကားထစ် တွေအတိုင်း တက်လိုက် သွားခဲ့ရတယ်။ ကုန်တိုက်ထဲမှာ တပ်ဆင် ထားကြတဲ့ လေအေးစက် တွေကြောင့် အစောက ခံစား လာခဲ့ရတဲ့ အပူတွေ ကလဲ ဘတ်စ်ကားပေါ် ကနေဆင်း ကုန်တိုက်ပေါ် ခြေချမိ လိုက်တာနဲ့ ရုတ်ခြည်း ပျောက်ကွယ် သွားတာ တစ်ခဏ အတွင်းမှာပဲ သူ့ခန္ဓာကိုယ် တစ်ခုလုံး အအေးဓာတ် လေးတွေ စိမ့်ဝင်ပျံ့နှံ့ သွားပြီး သူ့ စိတ်တွေလဲ အခုမှ သက်သာရာ ရတော့တယ်။
ဘတ်စ်ကား ပေါ်မှာ လူကြား သူကြားထဲ တိုးကာ ဝှေ့ကာ ထိုင်လိုက်လာ ရတာမို့ ဖိုသီဖတ်သီ ဖြစ်နေတဲ့ သူ့ အဝတ်အစား လေးတွေကို အနည်းငယ် ပြင်ဆင်လိုက်ပြီး တဖျပ်ဖျပ်နဲ့ လင်းနေတဲ့ ရာဘာတုတ် လေးတွေကို ကိုယ်စီ ကိုင်ကာ စစ်ဆေးရေး တာဝန်ကို ပြုလုပ် နေကြတဲ့ အမျိုးသားလေး နှစ်ယောက်ရှိတဲ့ နောက်ထပ် အပေါက်ဝ တစ်ခုဆီကို ဝင်ဖို့ရာ အတွက် ချဉ်းကပ်လိုက် မိတယ်။ အဲဒီ အမျိုးသားလေး နှစ်ယောက် ရှိတဲ့ နောက်ထပ် အပေါက်ဝ တစ်ခုဆီကို ဝင်ဖို့ရာ အတွက် ချဉ်းကပ်လိုက် မိတယ်။ အဲဒီ အမျိုးသားလေး နှစ်ယောက်ရှေ့ ကနေ ကျော်ဖြတ်ပြီး တာနဲ့ သူ့နားထဲကို စကားလုံး လေးတွေက အလျှိုလျှို ဝင်ရောက် လာပါတယ်။
''မင်္ဂလာပါရှင်၊ မင်္ဂလာပါ ခင်ဗျာ...က ကြိုဆို ပါတယ်။ ဘာများ ကူညီပေး ရမလဲ...'' စတဲ့ ကြိုဆို နှုတ်ဆက်တဲ့ စကားသံတွေ၊ စကားသံတွေ အားလုံးဟာ သူ့ကိုချည်း ပြောနေတာ မဟုတ်ဘဲ သူ့လိုပဲ ဒီနေရာကို ဝင်ရောက် လာကြသူတွေ အားလုံးကို ပြောနေခြင်း ဖြစ်ပါတယ်။ ''မင်္ဂလာပါ'' လို့ ပြန်လည် နှုတ်ဆက် စကား ဆိုလိုက်ရင်း သူ့နောက်က ကပ်လိုက် လာတဲ့ အမျိုးသားလေး တစ်ဦးဆီကို သူ့ မှတ်ပုံတင်ကို ပြကာ လာရင်း ကိစ္စကို ပြောပြ လိုက်တယ်။ အဲဒီ အမျိုးသား လေးကပဲ သူ့မှတ်ပုံတင် နဲ့ စာရွက် စာတမ်းလေးကို ကောင်တာမှာ ထပ်မံပြ လိုက်ပြီး သူ့ကို ခဏထိုင် စောင့်ဖို့၊ မိုက်ခရိုဖုန်း ကနေ နာမည် ခေါ်သံကြားရင် ထလာဖို့ တရင်းတနှီး ပြောပါတယ်။ နီးစပ်ရာ ကုလားထိုင် တစ်လုံးပေါ်မှာ အများ နည်းတူ ဝင်ထိုင် လိုက်ရင်း သူ့နာမည် ခေါ်မယ့် အသံလေး ကိုပဲ နားစွင့် နေလိုက်တယ်။
အခု သူ ဒီနေရာကို ရောက်လာ ရခြင်းကတော့ ပုဂ္ဂလိက ဘဏ် တစ်ခုဆီကို ငွေထုတ်ဖို့ ရောက်ရှိလာခြင်း ဖြစ်ပါတယ်။ ကုလားထိုင် လေးပေါ်မှာ ထိုင်နေမိရင်း သူ့မျက်လုံး တွေက အစောက ဘဏ်ထဲကို စတင် ဝင်လာမိတဲ့ ဝင်ပေါက်ဆီ ကိုပဲ အကြည့် ရောက်ရှိ သွားခဲ့တယ်။ ငွေထုပ်ကို ဆွဲပြီး ဝင်လာကြတဲ့ သူတွေရှိကြ သလို ငွေထုပ်ကို ကိုင်ပြီး ဘဏ်ထဲကနေ ထွက်ခွာ သွားကြသူ တွေနဲ့ အဆက်မပြတ် လူမျိုးပေါင်းစုံ အမျိုးသား၊ အမျိုးသမီး တွေကို ထိုင်နေရင်းနဲ့ မြင်နေ ရပါတယ်။ ဝင်လိုက်ကြ၊ ထွက်လိုက်ကြ နဲ့ ဥဒဟို လုပ်နေကြတဲ့ လူတွေကိုလဲ အစောက ပြောတဲ့ ဝန်ထမ်းဖြစ်သူ အသက်အစိတ် လောက် ရှိနိုင်မယ့် အမျိုးသား၊ အမျိုးသမီး လေးတွေက တစ်ဖက် တစ်ချက်စီ ကနေ ဖော်ရွေစွာ နဲ့ခေါင်း တွေကို ကိုယ်စီငုံ့ကာ '' မင်္ဂလာပါရှင်၊ မင်္ဂလာပါ ခင်ဗျာ၊ ဘာများ ကူညီ ပေးရမလဲ၊ ငွေထုတ် မလားရှင်၊ ငွေလွှဲ မလားခင်ဗျာ'' စတဲ့ နှုတ်ခွန်းဆက် ကြိုဆိုတဲ့ စကားတွေကို ပြောဆို နေကြ ပါတယ်။ တစ်ဦးတစ်ယောက် ထဲကို ပြောနေတာ မဟုတ်ဘဲ လာသမျှ လူအားလုံးကို ဒီစကားတွေနဲ့ ပြောဆိုကြ သလို ငွေထုတ်၊ ငွေသွင်း၊ ငွေလွှဲ ကိစ္စ ပြီးဆုံးလို့ ပြန်လည် ထွက်ခွာမယ့် လူတွေကိုလဲ ''ကျေးဇူးပါ'' ဆိုတဲ့ စကားလုံးနဲ့ တုံ့ပြန် နှုတ်ဆက် နေပါ သေးတယ်။
ဒါပေမဲ့ ဝန်ထမ်း အမျိုးသား၊ အမျိုးသမီး လေးတွေက အဲဒီလို ဝင်လာတဲ့ လူတွေ အားလုံးကို ဖက်လဲတကင်း ပြုံးရွှင်စွာနဲ့ နှုတ်ခွန်းဆက် ကြိုဆို နေသလောက် ဒီအထဲကို ဝင်လာကြတဲ့ လူတွေ အတော် များများဟာ ''မင်္ဂလာပါ'' ဆိုတဲ့ စကားလေးကို ပြန်လည် တုံ့ပြန် ပြောဆိုမှု မရှိကြဘူး ဆိုတာကို သူ သတိထားမိ လိုက်တယ်။ အနည်းဆုံး ပြန်လည် ပြုံးပြဖို့ ကိုတောင် ဝန်လေးစွာနဲ့ ဝင်လာကြတဲ့ သူတွေရှိကြ သလို ထွက်ခွာ သွားကြတဲ့ သူတွေလဲ အများကြီးကို တွေ့မြင် နေရပါတယ်။ အဲဒီလူတွေ အားလုံးရဲ့ စိတ်ထဲမှာ ဝန်ထမ်း အမျိုးသား၊ အမျိုးသမီး တွေကို အခကြေးငွေ ပေးပြီး ပြောခိုင်း ထားတာ။ သူတို့ တာဝန်က ဒီလို လာသမျှ ဧည့်သည် တွေကို အဲဒီလို နှုတ်ဆက်စကား ဆိုဖို့ ဧည့်ကြို သက်သက်ပဲ။ သူတို့တာဝန်၊ သူတို့အလုပ်၊ သူတို့ငွေကြေး ရမယ့် အလုပ်လုပ် နေတာပဲ။ ပြန်လည် တုံ့ပြန် နှုတ်ဆက်ဖို့ မလိုအပ် ဘူးလို့ မှတ်ယူ ထားကြ၊ တွေးထင် ထားကြတယ် ထင်ပါရဲ့။ အမှန် တကယ်လဲ အဲဒီ အမျိုးသား၊ အမျိုးသမီး လေးတွေဟာ သူတို့ တာဝန် တစ်ခုအရ ပြောနေရခြင်း ဖြစ်ပါတယ်။ သို့သော် ဘာပဲ ဖြစ်ဖြစ်ပေ့ါ တာဝန်အရ နှုတ်ဆက် တာပဲဖြစ်ဖြစ်၊ စိတ်ထဲက တကယ် ဆန္ဒရှိလို့ နှုတ်ဆက် တာပဲ ဖြစ်ဖြစ်၊ တစ်ဦး တစ်ယောက်ရဲ့ အသိအမှတ်ပြု မှုကို တစ်ဖက်လူ တစ်ယောက်က ပြန်လည် အသိအမှတ် ပြုရမယ် ဆိုတာ လူသား အားလုံးရဲ့ ယဉ်ကျေးမှု တစ်ရပ် ဖြစ်ပါတယ်။
မြန်မာ စကားပုံ တစ်ခုမှာလဲ ''မချစ်သော်လဲ အောင့်ကာနမ်း ရမည် '' ဆိုတဲ့ စကားက ရှိနေပြီးသား ပဲလေ။ ကိုယ်မချစ်ခင်၊ မနှစ်သက်တဲ့ လူတွေနဲ့တောင် အခွင့်အရေး ကြုံလာခဲ့ရင် သူငယ်ချင်း မိတ်ဆွေတစ်ဦး လို ပြောဆို ဆက်ဆံ နေထိုင်ကြ ရသေးတာပဲ။ အခု ဒီအထဲကို ရောက် လာကြ သူတွေ အားလုံးဟာ အစောက ဝန်ထမ်း အမျိုးသား၊ အမျိုးသမီး လေးတွေနဲ့ တစ်ဦးကို တစ်ဦး ရန်ငြိုးရန်စ ရှိပြီး အမုန်းတရား တွေ ရှိနေကြ တဲ့သူတွေမှ မဟုတ်ကြတာ။ အဲဒါကိုများ ဘာအတွက်နဲ့ ပြန်လည် တုံ့ပြန် နှုတ်ဆက်စကား လေးတစ်ခွန်း ဆိုဖို့ ဝန်လေး နေကြရတာ ပါလိမ့်လို့ တွေးနေမိရင်း...။
မိုက်ခရိုဖုန်း ကနေ သူ့ နာမည်လေးကို ခေါ်နေ တာကြောင့် အတွေးစက ပြတ်သွားခဲ့ပြီး ထိုင်ရာမှ ထကာ ငွေထုတ် ကောင်တာဆီကို ငွေသွား ထုတ်ပြီး ဘဏ်တိုက်ထဲ ကနေ ပြန်လည် ထွက်လာ ခဲ့တယ်။ ခါးကလေး ကိုင်းကာ ကျေးဇူးပါလို့ ပြောလာတဲ့ အမျိုးသားလေးကို ခေါင်းညိမ့်ကာ နှုတ်ဆက်ခဲ့ရင်း ခဏအကြာ မှာတော့ ဧည့်ကြို ဝန်ထမ်း အမျိုးသား၊ အမျိုးသမီးလေး တွေရဲ့ နှုတ်ခွန်းဆက် ကြိုဆို စကားသံ၊ ကျေးဇူးတင် စကား ပြောကြားသံ တွေက သူ့နောက်ကျောမှာ ကျန်နေရစ်ခဲ့ ပါတယ်။
တစ်ဆက်တည်း ဆိုသလို ရောင်းသူဝယ်သူ အသံတူ ရမယ် ဆိုတဲ့ စကားလေးကို ကြားယောင် မိရင်း အခု ဒီဘဏ်ထဲကို ဝင်ထွက် သွားလာ နေကြတဲ့ လူတွေကို ကြည့်ပြီး အခုလိုပဲ နေရာဌာန တိုင်းမှာ ရောင်းသူနဲ့ ဝယ်သူကြားမှာ အသံမတူညီ နိုင်ကြတဲ့လူတွေ အတော် များများကို သူ...အတော်လေး အံ့သြ နေမိ ပါတော့တယ်။
#Yadanarpondaily
.jpg)
No comments:
Post a Comment