လွိုင်ကော် ၊ ၁၂-၅-၂ဝ၁၄
ကယားပြည်နယ် လွိုင်ကော်မြို့ နောင်ယား(ခ) ရပ်ကွက်တွင် ကန္ဒာရဝတီ သစ်တောဥယျာဉ် အသစ် ပြန်လည် တည်ဆောက်လျက် ရှိပြီး ဒေသခံ ပြည်သူများ ၊ ဘုရားဖူး ဧည့်သည်များနှင့် နိုင်ငံခြားသား ခရီးသွား ဧည့်သည်များ လာရောက် လည်ပတ်သဖြင့် စည်ကားလျက် ရှိကြောင်း သိရသည်။
အဆိုပါ ကန္ဒာရဝတီ သစ်တောဥယျာဉ် သည် မြေဧရိယာ (၄ ဒဿမ ၆၅ ) ကျယ်ဝန်းပြီး ရေဧရိယာ ( ၂၂ ဒဿမ ၅၃ ) ကျယ်ဝန်းကာ ယခင်က ခြောက်သွေ့ ပျက်စီးလျက် ရှိသော်လည်း ယခုအခါ မြို့အင်္ဂါရပ် နှင့် အညီ သန့်ရှင်း သာယာလှပ စေရေးအတွက် ကယားပြည်နယ် အစိုးရအဖွဲ့ ဦးဆောင်မှုဖြင့် ပြည်သူများ အပန်းဖြေ နိုင်ရန် နောင်ယားကန် နှင့် ကန္ဒာရဝတီ သစ်တောဥယျာဉ် တွင် ကယားပြည်နယ် ၏ အထင်ကရ နေရာများ ဖြစ်သော ကန္ဒာရဝတီမြို့ ပုံစံငယ် နှင့် အတူ တောင်ကွဲစေတီ၊ ကျက်ဂူမြို့နာမ် စေတီ ၊ ထီးပွင့်ကန် ၊ ငွေတောင်ဆည် ၊ လောပိတ ရေအားလျှပ်စစ် ၊ ကယားရိုးရာအိမ် စသည့် ပုံစံငယ်များကို သက်ဆိုင်ရာ ဝန်ကြီးဌာန များအလိုက် တည်ဆောက်လျက် ရှိကာ နောင်ယားကန် ၏ နံဘေးတွင်လည်း စကိတ် အားကစားကွင်း တည်ဆောက် ထားရှိပြီး နှစ်စဉ် ကျင်းပလျက် ရှိသော အင်းသား ရိုးရာ လှေလှော်ပြိုင်ပွဲ များဖြင့် အထူးစည်ကား လျက်ရှိကြောင်း သိရှိရသည်။
#Themyawadydaily
.jpg)
No comments:
Post a Comment