ကြောက်မက်ဖွယ် ခြင်ဆေးခွေ အန္တရာယ်
ယခုကဲ့သို့ မိုးဦးကျ ကာလသို့ ရောက်ရှိသော အချိန်အခါတွင် လူအများ ခြင်ကိုက်ခံ ရမှုများနှင့် ကြုံတွေ့ကြ ရသည်။ ထို့ကြောင့် ခြင်ကိုက်ခံရမှု အန္တရာယ်မှ ကာကွယ်နိုင်ရန် ခြင်ဆေးခွေ များ ထွန်းညှိ၍ အိပ်ကြရသည်။ ထိုအခါ အမှတ်မထင် ခြင်ဆေးခွေ မှတစ်ဆင့် မီးစတင် လောင်ကျွမ်းမှုကြောင့် အိုးအိမ်ပေါင်း များစွာ ပျက်စီး ဆုံးရှုံးမှု များလည်း ဖြစ်ပွား ခဲ့ရသည်။
ခြင်ဆေးခွေ တစ်ခု၏ အန္တရာယ်သည် ထိုမျှမကဘဲ လူတို့၏ ကျန်းမာရေး ကိုလည်း ဆိုးရွားစေသော ရောဂါများ ဖြစ်ပွားနိုင် သည်ကို တွေ့ရှိရ ပေသည်။ ခြင်ဆေးခွေ တစ်ခု၏ အဆိပ်ဓာတ် သည် စီးကရက် အလိပ် ၅၁ လိပ်ကို ဖွာရှိုက်သည် နှင့် ညီမျှသည်ဟု ပညာရှင် များက ဆိုထား ကြသည်။
ခြင်ဆေးခွေ တစ်ခုမှ ထွက်ရှိလာသည့် အဆိပ်မှုန့် ပမာဏသည် စီးကရက် အလိပ်ပေါင်း ၁၃၇ လိပ်မှ ထွက်ရှိလာသော အဆိပ်မှုန့် ပမာဏ နှင့် ညီမျှကြောင်း ဆေးဝါး သုတေသန ပညာရှင် တို့က စမ်းသပ် သုတေသနပြု တွေ့ရှိ ထားသည်။ ခြင်ဆေးခွေကို ဓာတု ပိုးသတ်ဆေး များထဲ၌ အပြင်းအထန်ဆုံး ဟု သတ်မှတ် ထားသော S2 ပိုးသတ်ဆေး ၊ လွှစာမှုန့် ၊ ဗိုက်တာကော် ၊ ဆိုးဆေး နှင့် ဓာတု အမွှေးအကြိုင် တို့ဖြင့် ပြုလုပ် ထားသည်။
ထို့ပြင် အပြင်းထန်ဆုံး အဆိပ်တစ်မျိုး ဖြစ်သည့် Benzene ( ဘန်ဇိုင်း ) ကာစီနိုဂျင် တစ်မျိုး ပါဝင်ပြီး အာရုံကြော မှစ၍ ရိုးတွင်းချဉ်ဆီ အထိ အဆိပ်ဖြစ်စေ သည်။
ခြင်ဆေးခွေမှ ထွက်ရှိ လာသော အဆိပ်အမှုန့် ကြောင့် အသက်ရှူကျပ်သော ရောဂါ ၊ ပန်းနာ ရင်ကျပ် ရောဂါ ၊ အဆုတ်ပွ ၊ အဆုတ်ရောင် ရောဂါ ၊ ခေါင်းကိုက် ခေါင်းမူး ရောဂါ ၊ အဆုတ်ကင်ဆာ ၊ လည်ချောင်း ကင်ဆာ ၊ မျက်စိ ယားယံသော ရောဂါ နှင့် အရေပြား ယားယံ ပျက်စီးသော ရောဂါတို့ကို ဖြစ်ပွားစေသည်။ အထူးသဖြင့် နုနယ်သော ကလေးငယ်များ အနီးတွင် ခြင်ဆေးခွေ ထွန်းညှိ ထားခြင်းသည် ကလေးငယ်များ အတွက် ကြီးမားသော အန္တရာယ် ကို ဖြစ်စေ နိုင်သည်။
ထို့ပြင် လူတို့သည် ညအိပ်စဉ် တိုက်ခန်းတံခါး ၊ အိပ်ခန်းတံခါး များ အလုံပိတ်၍ ခြင်ဆေးခွေ ထွန်းညှိ အိပ်စက်ကြ သူများ ရှိသည်။ ထိုကဲ့သို့ အိပ်စက်ခြင်း မျိုးသည် မိမိတို့၏ အသက်ကို အန္တရာယ် ပြုစေသည်။ အဘယ်ကြောင့် ဆိုသော် ခြင်ဆေးခွေမှ ထုတ်လွှတ်သော အဆိပ်ငွေ့ များသည် လူတို့၏ အသက်ရှူ လမ်းကြောင်းမှ တစ်ဆင့် ခန္ဓာကိုယ် တစ်ခုလုံးသို့ ၀င်ရောက် ပျံ့နှံ့နိုင်သော ကြောင့် ဖြစ်သည်။
ကမ္ဘာ့ ကျန်းမာရေး အဖွဲ့ကြီး၏ ဓာတ်ခွဲ စမ်းသပ် စစ်ဆေးချက်များ အရ အချို့သော ခြင်ဆေးခွေ များတွင် ကျန်းမာရေး ကို ဆိုးရွားစွာ ထိခိုက်စေ နိုင်သော မီပါဖလူသရင် ( Meperfluthrin ) ပိုးသတ်ဆေးမှာ ပါဝင်ရမည့် ပမာဏထက် ကျော်လွန် ပါဝင်သည်ဟု ဆိုထား ကြသည်။
သို့ဖြစ်ရာ ခြင်အန္တရာယ် ကြောင့် လူတို့ အသုံးပြု ကြသော ခြင်ဆေးခွေ အန္တရာယ် သည် လူတို့၏ အသက် အိုးအိမ် စည်းစိမ် ဥစ္စာ များသာမက လူတို့၏ ကျန်းမာရေး ကိုပါ ဆိုးရွားစွာ ဖြစ်ပေါ် လာနိုင် စေသောကြောင့် ကြောက်မက်ဖွယ် ကောင်းသော ခြင်ဆေးခွေ အန္တရာယ် ကို သတိပြု သင့်ပါကြောင်း အသိပေး ရေးသား လိုက်ရ ပေသည်။
( အယ်ဒီတာ့အာဘော် )
#Yadanarpondaily
.jpg)
No comments:
Post a Comment