ကျိုင်းတုံ ၊ ၂၄-၁-၂၀၁၄
ပူးပေါင်းအဖွဲ့ များသည် ယမန်နေ့ နံနက် ၁၁ နာရီခွဲ ခန့်တွင် မိုင်းလားမြို့ မှ ကျိုင်းတုံမြို့ သို့ ထွက်ခွာလာသော နီဆန်း ၆ ဘီးယာဉ် တစ်စီးကို ရှာဖွေရာ စနိုက်ပါ အဝေးကြည့် မှန်ပြောင်းများ ၊ ချပ်ဝတ်တန်ဆာ များ ၊ အကောက်ခွန်မဲ့ စည်သွပ် အသားဘူးများ ကို တွေ့ရှိ သိမ်းဆည်း ရမိခဲ့ကြောင်း သိရသည်။
အဆိုပါ ယာဉ်အတွင်းမှ အလျား ၁၁ ဒသမ ၈ လက်မ ၊ ပြောင်းဝ အချင်း ၁ ဒသမ ၅ လက်မရှိ စနိုက်ပါ အဝေးကြည့် မှန်ပြောင်း အလက် (၂၅၀) ၊ သေနတ်နှင့် အဝေးကြည့် မှန်ပြောင်း ဆက်စပ်ရာတွင် အသုံးပြုသည့် ပစ္စည်းဘူး (၂၅၀) ၊ လက်နက်ကိုင် တပ်ဖွဲ့ဝင်များ အသုံးပြုသော ကျည်အိမ် နှင့် ဗုံးသီးများ ထည့်သည့်အိတ် များနှင့် ချပ်ဝတ်တန်ဆာ အစုံ (၅၀၀) ၊ အကောက်ခွန်မဲ့ စည်သွပ် အသားဘူး (၁၆၅၆) ဘူးတို့ကို သိမ်းဆည်း ရမိ ခဲ့ကြောင်း ၊ ယဉ်ပေါ် ပါရှိသူများ ဖြစ်သည့် ကျိုင်းတုံမြို့နေ ယာဉ်မောင်း စိုင်းဆမ်အွန် ၃၄ နှစ် နှင့် ယာဉ်နောက်လိုက် အေးထွန်း ၄၀ နှစ် တို့နှစ်ဦးအား ယာဉ်နှင့်အတူ ဖမ်းဆီး ထိန်းသိမ်း ထားပြီး ဥပဒေအရ အရေးယူ ဆောင်ရွက် နိုင်ရေးအတွက် စီစဉ်သွားမည် ဖြစ်ကြောင်း သိရှိရသည်။
.jpg)
No comments:
Post a Comment