ပင်းတယမြို့ (၂၃)ကြိမ်မြောက် မြို့လုံးကျွတ် မဟာဘုံကထိန်ပွဲ ကျင်းပ

ပင်းဒယ ၊ ၁၈-၁၁-၂ဝ၁၃

ရှမ်းပြည်နယ် ၊ ဓနု ကိုယ်ပိုင် အုပ်ချုပ်ခွင့်ရ ဒေသ ပင်းတယမြို့ ၊ (၂၃) ကြိမ်မြောက် မြို့နယ် စုပေါင်း မဟာ ဘုံကထိန် ပွဲတော်ကို ယမန်နေ့ နံနက် ၉ နာရီ က ဓနု ကိုယ်ပိုင် အုပ်ချုပ်ခွင့်ရ ဒေသ ဦးစီးရုံး မှ မြို့နယ် ဓမ္မာရုံ ကြီးအထိ ပဒေသာပင် များကို စီတန်း လှည့်လည်ခဲ့ရာ ဒေသ ဦးစီး အဖွဲ့များ ၊ မြို့နယ် အုပ်ချုပ်ရေးမှူး နှင့် တာဝန် ရှိသူများ ၊ ဌာနဆိုင်များ ၊ မြို့နယ် အထောက် အကူပြု ကော်မတီများ ၊ လူမှုရေး အသင်းအဖွဲ့ များနှင့် ရပ်ကွက် ကျေးရွာ ဒေသခံ တိုင်းရင်းသား ပြည်သူများ က ပျော်ရွှင်စွာ ပါဝင် ဆင်နွဲ ခဲ့ကြသည် ။ ထို့နောက် မြို့နယ် ဓမ္မာရုံကြီး တွင် လာရောက် လှူဒါန်း ကြသည့် တိုင်းရင်းသား ပြည်သူများက မြို့နယ် သံဃာ့ နာယက သြဝါဒ စရိယ ရွာငယ်ကျောင်း ဆရာတော်ထံ မှ ငါးပါးသီလ ခံယူ ဆောက်တည်ပြီး လှူဒါန်းမှု အစုစု တို့အတွက် ရေစက်သွန်းချ အမျှပေးဝေ ကြသည် ။ 

အဆိုပါ မြို့လုံးကျွတ် စုပေါင်း မဟာ ဘုံကထိန် ပွဲမှ ငွေပဒေသာပင် များအား ပင်းတယ မြို့နယ် အတွင်းရှိ ဘုန်းတော်ကြီး ကျောင်း (၂၈)ကျောင်း မှ ပင့်သံဃာ (၃၄)ပါးအား လှူဒါန်း ခဲ့ကြောင်း နှင့် ပဒေသာပင် များ၏ စုစုပေါင်း လှူဒါန်းငွေ တန်ဖိုးမှာ (၈၉၄၈၆ဝ၈) ကျပ် ဖြစ်ကြောင်း သိရှိရသည်။