မုံရွာ ၊ ၂၁-၁၀-၂၀၁၃
မုံရွာမြို့၏ ကျက်သရေဆောင် သမိုင်းဝင်
ရွှေစည်းခုံ စေတီတော် မြတ်ကြီး ရင်ပြင်တော်၌ အောက်တိုဘာ ၁၉ ရက် သီတင်းကျွတ် လပြည့် အဘိဓမ္မာနေ့ ည ၇ နာရီက နှစ်စဉ် ကျင်းပမြဲ ဖြစ်သည့် ဆီးမီး ထွန်းညှိ
ပူဇော်ကြရာ အနယ်နယ် အရပ်ရပ်မှ ဘုရားဖူးလာ ပြည်သူ များဖြင့် အထူး စည်ကား ခဲ့သည်။
ရွှေစည်းခုံ စေတီတော် မြတ်ကြီးတွင် ဆီးမီး
ထွန်းညှိ ပူဇော်ခြင်း ၊ ရွှေစည်းခုံ မြတ်စွာဘုရား ကြီးအား နတ်မြင်းပျံ စက်ရထားဖြင့်
ရွှေသင်္ကန်း ကပ်လှူ ပူဇော်ခြင်း များကို ဘုရားပွဲတော် လာပြည်သူ များမှ လှူဒါန်း ပူဇော်ခဲ့
ကြသည်။
အဆိုပါဆီမီး ထွန်းညှိ ပူဇော်ပွဲနှင့်
ပတ်သက်၍ ရွှေစည်းခုံ ဘုရား သန့်ရှင်းမှု နှင့် အကျိုးဆောင် လူငယ် အဖွဲ့ဝင် တစ်ဦးက
" ရွှေစည်းခုံ ဘုရားကြီးမှာ နှစ်စဉ် ဆီမီးထွန်းညှိ ပူဇော်ရာမှာ ယခင်က ဆီမီးကိုးထောင်
ထွန်းခဲ့ပေမဲ့ ကနေ့ဆီမီး တစ်သောင်း တစ်ထောင် ထွန်းညှိ ပူဇော်ခဲ့ ကြပါတယ် ၊ ဘုရားဆီမီး
ထွန်းညှိ ပူဇော်ကြတဲ့ ပြည်သူများကို ကျွန်တော်တို့ အဖွဲ့က ဝိုင်းဝန်း ကူညီ ဆောင်ရွက်ပေး
ခဲ့ကြပါတယ် ... " ဟု ပြောကြားသည်။ အဆိုပါ ရွှေစည်းခုံ မြတ်စွာဘုရား ကြီးကို ရွှေသင်္ကန်း
လှူပူဇော်ရာတွင် ရွှေဆိုင်းတစ်ချပ် ကို ငွေကျပ်ငါးရာ ဖြစ်ပြီး ရွှေဆိုင်း ကပ်လှူ ပူဇော်ခြင်း
များအား ဘုရားဂေါပက အဖွဲ့က ကူညီ ဆောင်ရွက် ပေးခဲ့ကြောင်း သိရှိရသည်။
.jpg)
No comments:
Post a Comment