ရန်ကုန် ၊ ၂၉-၆-၂၀၁၃
ရန်ကုန်မြို့ရှိ ဗိုလ်ချုပ်အောင်ဆန်း
ဈေး၌ ဖွင့်လှစ်ထားသော မြန်မာနိုင်ငံ ပန်းချီပန်းပု အစည်းအရုံး (ဗဟို) ပန်းချီပြခန်း
၌ ရန်ကုန် မြို့တွင်းရှိ မြို့နယ် ပေါင်းစုံမှ မြန်မာနိုင်ငံ ပန်းချီ ပန်းပု အစည်းအရုံး
အဖွဲ့ဝင် ပန်းချီ ဆရာများ၏ လက်ရာ ပန်းချီကား များအား ချိတ်ဆွဲပြသ သွားမည့် အုပ်စုပန်းချီ
ပြပွဲကို ဇွန်လ ၂၈ ရက်မှ ဇူလိုင်လ ၃ ရက်နေ့အထိ ၅ ရက်ကြာ ကျင်းပ သွားမည် ဖြစ်ကြောင်း
သိရသည်။
အဆိုပါ ပန်းချီ ပြပွဲတွင် နာမည်ကျော်
ဝါရင့် ပန်းချီ ဆရာကြီးများ ဖြစ်ကြသော ဦးသပြေ မြင့်သိန်း ၊ ဦးဥာဏ်ကျယ် ၊ ဦးမောင်မောင်
တင်ဦး ၊ ဦးဇော်ဝင်း (ပိုစတာ) ၊ ဦးဇော်ဝင်း ( KMD ) စသည်တို့ အပါအ၀င် ပန်းချီဆရာ
၄၈ ဦးတို့ ရေးဆွဲ ထားသည့် ရေဆေး ၊ ဆီဆေး ၊ အခဲလစ်ဆေး ပန်းချီကားများ ကို ချိတ်ဆွဲ
ပြသထားပြီး စုစုပေါင်း ပန်းချီကား အရေအတွက် ၈၀ ချပ်နီးပါး ရှိသည်ဟု သိရသည်။
ပန်းချီကား များတွင် မြန်မာနိုင်ငံ
အတွင်းရှိ စေတီပုထိုး ဘုရားများ ၊ ရေမြေ တောတောင် သဘာဝ ရှုခင်းများ ၊ တိုင်းရင်းသား
လူမျိုးများ ၊ ကျေးငှက် တိရစ္ဆာန်များ အစရှိသော ရုပ်ပုံများကို လက်ရာမြောက်စွာ သရုပ်ဖော်
ရေးဆွဲ ထားသည်ကို တွေ့ရှိရသည်။
ပန်းချီကားများ ၏ ဈေးနှုန်း များကိုမူ
မြန်မာငွေ ၊ အမေရိကန် ဒေါ်လာ စသည်ဖြင့် အစားစား သတ်မှတ် ထားသည်။ ၄င်း ပန်းချီပြပွဲ ကို
ဗိုလ်ချုပ်ဈေး ပိတ်ရက် ဖြစ်သော တနင်္လာနေ့ မှအပ ကျန်ရက်များ တွင် နံနက် ၉ နာရီမှ ညနေ
၅ နာရီအထိ ဖွင့်လှစ် ပြသ ထားမည် ဖြစ်ရာ မည်သူမဆို အခမဲ့ ၀င်ရောက် ကြည့်ရှု လေ့လာ နိုင်ကြောင်း
သိရှိရသည်။
.jpg)
No comments:
Post a Comment